ساندەرس: اقش كحدر باسشىسىنىڭ پسيحيكاسى دۇرىس ەكەنىنە كۇمان كەلتىرەدى
اق ءۇيدىڭ ءباسپاسوز حاتشىسى سارا ساندەرس اقش پرەزيدەنتى دونالد ترامپتىڭ كحدر باسشىسى كيم چەن ىن مەن ونىڭ يادرولىق باسقارۋ تەتىگى تۋرالى ايتقاندارىن جاقتاپ سويلەدى. ساندەرستىڭ سوزىنە قاراعاندا، اق ءۇي سولتۇستىك كورەيا باسشىسىنىڭ پسيحيكاسى دۇرىس ەكەنىنە كۇمان كەلتىرەدى.
ساندەرس اقش پرەزيدەنتى اكىمشىلىگىنىڭ مۇنداي تۇجىرىمدى نەگە سۇيەنىپ جاساعانى تۋرالى ساۋالدارعا جاۋاپ بەرگەن جوق. ءباسپاسوز حاتشىسى پرەزيدەنت ترامپتىڭ ءوز ۋادەسىندە تۇرىپ، امەريكا حالقىن قورعاپ وتىرعانىن ايتىپ ءوتتى.
بۇنىڭ الدىندا اقش پرەزيدەنتى سولتۇستىك كورەيا باسشىسىنىڭ جاڭاجىلدىق مالىمدەمەسىنە جاۋاپ بەرىپ، كيم چەن ىن يادرولىق تەتىكتى جۇمىس ۇستەلىندە ساقتايدى دەگەن. ترامپ ءوزىنىڭ دە "يادرولىق باسقارۋ تەتىگى بار ەكەنىن، بىراق ۇلكەن ءارى قۋاتتىراق ەكەنىن" جازىپ، كيم چەن ىنعا سالەم جولداعان.
Abai.kz
