فاراح پەحلەۆي
فاراح پەحلەۆي - يران شاحى مۇحاممەد رەزا پەحلەۆيدىڭ ءۇش ايەلىنىڭ ىشىندەگى «شاحبانۋ» اتاعىن العان، ياعني پاتشايىم دارەجەسىنە يە بوپ، ءتاج كيگەن جالعىز قاتىن.
فاراحتىڭ قىز كۇنىندەگى پامىلەسى ديبا بولىپتى. فاراح ديبا. ول پارسى جەرىن مەكەن ەتكەن ءازىربايجان ۇلتىنىڭ وكىلى. ونىڭ اتاسى ءحىح عاسىردا يراننىڭ رەسەيدەگى ەلشىسى بولعان.
1959 جىلى فرانتسيادا وقىپ جۇرگەن فاراح وزگە دە يراندىق ستۋدەنتتەرمەن بىرگە فرانتسۋز جەرىندەگى يران ەلشىلىگىنە پەحلەۆي شاحپەن كەزدەسۋگە بارادى. سول جەردە شاح وعان عاشىق بوپ قالىپ، بىردەن ءسوز سالعان ەكەن. ەكەۋى سول جىلى نەكەسىن قيعان.
فاراح كۇيەۋىن قازىنادان اقشا بولۋگە كوندىرىپ، شەت ەل اسىپ كەتكەن كوپتەگەن يران مادەنيەتىنىڭ جاۋھارلارىن ەلىنە قايتارتقان. يرانداعى ەڭ باي مۋزەيدىڭ پايدا بولۋىنا ونىڭ ەڭبەگى كوپ سىڭگەن كورىنەدى.
الايدا، كۇيەۋىنە ءسوزى ءوتىمدى ول كەلە-كەلە تىم باتىسشىل بوپ كەتكەنى سونداي، جالاڭاش قىزداردىڭ سۋرەتتەرىن جاريالايتىن «پلەيبوي» جۋرنالىنىڭ يراندىق ۇلگىسىن شىعارتۋعا رۇقسات الادى. ءسويتىپ، وسى فاراحتىڭ كەزىندە يران قىزدارى جارتىلاي شەشىنە باستاعان ەكەن. ونىڭ ەركىنسۋىنەن كەيىن كازينو، تۇنگى كلۋبتار ەلدە كوبەيىپ، ءدىنشىل يران جۇرتىنىڭ نارازىلىعىنىڭ كۇشەيۋىنە اكەپ سوقتىرادى.
1978 جىلى ەلدە تولقۋلار باستالىپ، جىل اياعىندا ول يسلام رەۆوليۋتسياسىنا ۇلاسادى. يران شاحى وتباسىمەن شەت ەلگە قاشۋعا ءماجبۇر بولعان.
بۇل سۋرەتكە شاحبانۋ فاراح پەحلەۆي ەلدەن قاشىپ، شەتتە جۇرگەن كەزىندە ءتۇسىپتى...
قانات ەسكەندىر
Facebook-تەگى پاراقشاسىنان
