قىلمىستىق ءىس قوزعالعان. مارقۇمنىڭ جاقىن دوسىنىڭ ايتۋىنشا، تۇركىمەناباد قالالىق بالالار اۋرۋحاناسىندا ىستەگەن نازار حىدىروۆتى 21 جەلتوقساندا جۇمىس ورنىندا بەلگىسىز بىرەۋلەر سوققىعا شىعىپ، ونى ءۇيىنىڭ الدىنا تاستاپ كەتكەن.

جەدەل جاردەم ونى وبلىستىق اۋرۋحاناعا جەتكىزگەن، بىراق حىدىروۆ ەسىن جيماستان 30 جەلتوقساندا كوز جۇمدى.

بالالار اۋرۋحاناسىندا قاۋىپسىزدىك تەحنيكاسى جونىندە ينجەنەر بولىپ ىستەگەن حىدىروۆقا اۋەلى ينسۋلت ديانوزى قويىلعان، ءۇش كۇننەن سوڭ باۋىر تسيرروزى دەپ وزگەرتكەن.

مارقۇمنىڭ دوسى بولعان وقيعاعا قاتىسى بار دارىگەرلەر مەن تەرگەۋشىلەردىڭ ەسىمدەرىن اتادى، بىراق ازاتلىك ونى جاريالاماستان بۇرىن، قۇقىققورعاۋ ورگاندارى مەن مەديتسينالىق مەكەمەنىڭ پىكىرىن بىلگىسى كەلەدى.

Abai.kz