سەنبى, 29 اقپان 2020
جاڭالىقتار 1406 0 پىكىر 5 قاڭتار, 2011 ساعات 07:25

رۋسلان مەدەلبەك. سپورتتىق كۇنتىزبە - 2011

جاڭا جىل. جاڭا دودا. جاڭا باعىت. وتكەن جىلى ۆانكۋۆەر وليمپياداسى،  گۋانچجوۋداعى ازيا ويىندارى ءبىز ءۇشىن ءساتتى اياقتالدى. الەمدىك سىننان 3 التىن، 2 كۇمىس، 6 قولا يەلەندىك... ەندى، مىنە، جاڭا جىلدىڭ جاڭا پاراعى اشىلىپ وتىر. الدا بۇكىل الاش كۇتكەن ازيادا... كەيىن باسقا دا دۇبىرگە تولى دودالار بار. باستىسى، لوندون وليمپياداسىنىڭ جولداماسىنا تالاسقا تۇسەمىز. ەندەشە، 2011 جىلى الەم كوز تىگەر الەمدىك دودالارعا شولۋ جاساپ كورەيىك...

شاڭعى سپورتى. الەم چەمپيوناتى. وسلو. نورۆەگيا. 24 اقپان-6 ناۋرىز

وسلو تورىندە ءبىرىنشى كەزەكتە الەكسەي ءپولتارانيننىڭ جولىنا ۇلكەن ۇمىتپەن قارايمىز. الەم كۋبوگى كەزەڭدەرىندە اتوي سالعان الەكسەي ساعىندىرعان ءبىر جۇلدەنى قورجىنعا سالار، بۇيىرسا... ال تۇعىردان سەكىرۋدەن راديك جاپاروۆ، الەكسەي كورولەۆ جانە نيكلاي كارپەنكونى فينالان كورسەك، ۇلكەن جەتىستىك.

بياتلون. الەم چەمپيوناتى. حانتى مانسى. رەسەي. 3-13 ناۋرىز.

ۆانكۋۆەردە ءساتتى ونەر كورسەتكەن ەلەنا حرۋستالەۆا بۇل سىندا ءوز جەتىستىگىن قايتالاسا...

كونكي. الەم چەمپيوناتى. ينتستسەل. گەرمانيا. 10-13 ناۋرىز.

وتكەن جىلى جاسوسپىرىمدەر اراسىنداعى ءاچ توپ جارعان ەكاتەرينا ايدوۆانىڭ ەرەسەكتەر اراسىنداعى سىنناندا جۇلدە الار ءساتى جەتتى.

مانەرلەپ سىرعاناۋ. توكيو. جاپونيا. 23-26 ناۋرىز

جاڭا جىل. جاڭا دودا. جاڭا باعىت. وتكەن جىلى ۆانكۋۆەر وليمپياداسى،  گۋانچجوۋداعى ازيا ويىندارى ءبىز ءۇشىن ءساتتى اياقتالدى. الەمدىك سىننان 3 التىن، 2 كۇمىس، 6 قولا يەلەندىك... ەندى، مىنە، جاڭا جىلدىڭ جاڭا پاراعى اشىلىپ وتىر. الدا بۇكىل الاش كۇتكەن ازيادا... كەيىن باسقا دا دۇبىرگە تولى دودالار بار. باستىسى، لوندون وليمپياداسىنىڭ جولداماسىنا تالاسقا تۇسەمىز. ەندەشە، 2011 جىلى الەم كوز تىگەر الەمدىك دودالارعا شولۋ جاساپ كورەيىك...

شاڭعى سپورتى. الەم چەمپيوناتى. وسلو. نورۆەگيا. 24 اقپان-6 ناۋرىز

وسلو تورىندە ءبىرىنشى كەزەكتە الەكسەي ءپولتارانيننىڭ جولىنا ۇلكەن ۇمىتپەن قارايمىز. الەم كۋبوگى كەزەڭدەرىندە اتوي سالعان الەكسەي ساعىندىرعان ءبىر جۇلدەنى قورجىنعا سالار، بۇيىرسا... ال تۇعىردان سەكىرۋدەن راديك جاپاروۆ، الەكسەي كورولەۆ جانە نيكلاي كارپەنكونى فينالان كورسەك، ۇلكەن جەتىستىك.

بياتلون. الەم چەمپيوناتى. حانتى مانسى. رەسەي. 3-13 ناۋرىز.

ۆانكۋۆەردە ءساتتى ونەر كورسەتكەن ەلەنا حرۋستالەۆا بۇل سىندا ءوز جەتىستىگىن قايتالاسا...

كونكي. الەم چەمپيوناتى. ينتستسەل. گەرمانيا. 10-13 ناۋرىز.

وتكەن جىلى جاسوسپىرىمدەر اراسىنداعى ءاچ توپ جارعان ەكاتەرينا ايدوۆانىڭ ەرەسەكتەر اراسىنداعى سىنناندا جۇلدە الار ءساتى جەتتى.

مانەرلەپ سىرعاناۋ. توكيو. جاپونيا. 23-26 ناۋرىز

2008 جىلى لوس انجەلەستاعى الەمدىك سىندا ۇزدىك سەگىزدىككە ەنگەن دەنيس تەن سوڭعى كەزدە ءساتتى ونەر كورسەتە الماي ءجۇر. ازيادا سىنىدا ءبىر سەرپىلىپ، ودان ءارى توكيو تورىندە ءبىزدى ءبىر قۋانتسا نۇر ۇستىنە نۇر.

اۋىر اتلەتيكا. ازيا چەمپيوناتى. تونگلينگ (قىتاي). 5-18 ءساۋىر.

ازيا قۇرلىعىنىڭ الىپتارى جيىلار بۇل دودادا قازاقستان مەن قىتاي اۋىر اتلەتتەرىنىڭ ايقاسىن تاماشالايمىز.

حوككەي. الەم چەمپيوناتى. ايەلدەر. شۆەيتساريا. 16-26 ءساۋىر.

بۇل سىنعا قازاقستان قىزدارى دا قاتىسادى. ءبىدىڭ توپتاعى قارسىلاستارىمىز كانادا، فينليانديا جانە جارىس قوجايىندارى بولماق. ارۋلارىمىز جۇلدە الا قويماس. دەسەكتە ەليتاداعى ورنىمىزدى ساقتاپ قالساق ءبىز ءۇشىن ۇلكەن تابىس.

حوككەي. الەم چەمپيوناتى. ءبىرىنشى ديۆيزيون. ۆ توبى. كيەۆ (ۋكراينا). 17-23 ءساۋىر

ەليتالى ديۆيزونمەن قوشتاسقان قازاقستان سول بيىككە قايتا قول سوزىپ كورمەك. قارسىلاستارىمىز ازۋلى. ۋكراينا، ۇلىبريتانيا، لاتۆيا، پولشا دا الەمدىك سىننىڭ مارتەبەلى توبىنا شىعۋدى ماقسات ۇتىپ وتىر.

كۇرەس تۇرلەرى. ازيا چەمپيوناتى. تاشكەنت (وزبەكستان). 19-29 مامىر.

الاتاقيالى اعايىنداردىڭ باس شاھارى تاش قالاعا جيىلاتىن قۇرلىقتىڭ بالۋاندارى لوندون وليمپياداسىنىڭ جولداماسىن كوكپارعا سالادى. ءدۇبىرلى دودانىڭ التىنىنان قازاقتىڭ نار بالۋاندارى دا ءۇمىتتى.

ۆولەيبول. ازيا كلۋبتىق چەمپيوناتى. 1-30 ماۋسىم.

اۋە دوپتى ۇرشىقشا يىرەتىن ازيالىق ۆولەيبولشىلار جازدىڭ العاشقى ايىندا كلۋبتىق كۋبوكتى ساراپقا سالادى. بۇل سىنعا الاش ەلىنىڭ اتىنان «جەتىسۋ» (ايەلدەر) مەن «الماتى» ( ەرلەر) كومانداسى قورعايدى.

فۋتبول. امەريكا كۋبوگى. ارگەنتينا. 1-24 ماۋسىم.

امەريكا قۇرلىعى ءوز مىقتىلارىن ەكى جىلدا ءبىر انىقتايدى. بۇل جولعى سىندا برازيليا مەن ارگەنتينا باستاعان لاتىن امەريكالىق ەلدەر دۋىن قىزدىرار دودانىڭ قىزىعىنان بىزدە تىس قالمايمىز.

كۇرەس تۇرلەرى. جاسوسپىرىمدەر اراسىنداعى ازيا چەمپيوناتى. دجاكارتا (يندونەزيا). 0-12 ماۋسىم

سينگاپۋردە ولجا سالعان اقانداردىڭ جەمىستى جولى دجاكارتا كىلەمىندە دە جالعاسىن تابۋعا تىلەكتەسپىز.

گرەك ريم كۇرەسى. قر پرەزيدەنتى كۋبوگى. استانا. 18 ماۋسىم

كلاسسيكالىق كۇرەستىڭ سەركەلەرى ەلوردا تورىندە باس قوسىپ، پرەزيدەنت كۋبوگىن ساراپقا سالادى. الەمدەگى جۇلدە قورى قوماقتى سىنعا تالاي مىقتىلار كەلەدى دەپ كۇتىلۋدە.

افريكا ويىندارى. ماپۋتۋ (موزامبيك). 15-27 ماۋسىم.

قارا قۇرلىق وليمپياداسى سانالاتىن بۇل ويىنداردىڭ دا قىزىعى ءوز الدىنا. ءناسىلى قارا وڭتۇستىك افريكالىقتار مەن مىسىر باستاعان اراب ەلدەرىنىڭ مىقتىلارى كوركىن قىزدىرار بۇل سىننان بۇيىرسا «الامان» ءبىراز رەپورتاجدار توپتاماسىن ۇسىنۋدى ءجون ساناپ وتىر.

فۋتبول. الەم چەمپيوناتى. ايەلدەر. گەرمانيا. 26 ماۋسىم -17 شىلدە

الەمنىڭ ون التى قۇراماسىنىڭ ارۋلارى ءوزارا ۇزدىكتەرىن انىقتايتىن سىندا جارىس قوجايىندارى باستى فاۆوريت. نورۆەگيا، اقش، قىتاي، كورەيا ءوىزدارى دا وسال ەمەس بۇل رەتتە.

اتوبى: گەرمانيا، كانادا، نيگەريا، فرانتسيا

ۆ توبى: جاپونيا، جاڭا زەلانديا، مەكسيكا، انگليا

س توبى: اقش، كحدر، شۆەتسيا، كولۋمبيا.

د تبى: برازيليا، اۆستراليا، نورۆەگيا، ەكۆاتورلىق گۆينەيا

سۋ سپورتى تۇرلەرى. الەم چەمپيوناتى. شانحاي. 16-29 شىلدە

لوندون وليمپياداسىنىڭ جولداماسىنا تالاسار جۇزگىشتەر، سۋ بيشىلەرى، ۆاتەرپول شەبەرلەرى شانحاي حاۋىزىندا سىنعا تۇسەدى. وسى دودادا ءبىزدىڭ جۇزگىشتەردە باق سىنايدى. جۇلدە اۋىلى الىس ءبىز ءۇشىن. دەگەنمەن، لوندون جولداماسىنىڭ بىرنەشەۋىن قالتاعا باسساق ۇلكەن تابىس بىزگە.

كۇرەس تۇرلەرىنەن كادەتتەر اراسىندا ازيا چەمپيوناتى.  بانگكوك (تايلاند). 4-7 تامىز.

ازيانىڭ جاس بالۋاندارى باس قوسار بۇل سىندا قازاقستان باستى فاۆوريت. ۇلتتىق قۇراما بۇل سىندا كەم دەگەندە 4 التىن الۋدى جوسپارلاۋدا.

بۇكىلالەمدىك جازعى ۋنيۆەرسيادا. شەنجەن (قىتاي). 12-23 تامىز.

وسىدان ەكى جىل بۇرىن سەربيا استاناسى بەلگراد تورىندەگى سىندا قازاقستان 1 التىن،  2 كۇمىس، 4 قولامەن 32 ورىنعا تابان تىرەگەن ەدى. ەندى سول جەتىستىكتى ەسەلەۋ ءبىزدىڭ سپورتشىلاردىڭ باستى ماقساتى. سپورتشى ستۋدەنتتەرگە جازعى «سەسسيادا» تەك ساتتىلىك!

كۇرەس تۇرلەرىنەن كادەتتەر اراسىندا الەم چەمپيوناتى. 23-28 تامىز. شومباتتەلي (ۆەنگريا)

قۇرلىقتىق سىنناي كەيىن ءبىزدىڭ جاس بالۋاندار ەۋروپانى بەتكە الىپ الەمدىك چەمپيوناتتىڭ جۇلدەسىنە تالاسادى.

دزيۋ دو. الەم چەمپيوناتى. پاريج. 23-28 تامىز

اسحات جيتكەەۆ تىزگىندەگىن ەرلەرىمىز بۇل سىندا كەم دەگەندە بەس وليمپيادا جولداماسىن قالتاعا باۋى كەرەك. لوندون تاتاميىنە جولدامانىڭ كوبى وسى پاريج تورىندە تاراتىلاتىنىن ەسكەرسەك، گۇلدان يسسانوۆا سىندى قىزدارىمىزدا ايانىپ قالماس...

جەڭىل اتلەتيكا. الەم چەمپيوناتى. تەگۋ (كورەيا). 27 تامىز - 4 قىركۇيەك.

2009 جىلى بەرليندە قازاقستاندىق اتلەتتەر الەمدىك سىننىڭ جۇلدەسىنەن قاعىلدى. ال بۇل جولى ولگا رىپاكوۆادان التىن كۇتەرىمىز حاق. جازعا دەيىن بيىكتىككە سەكىرۋشى مارينا ايتوۆادا جاراقاتىنان ايىعار...

باسكەتبول. ازيا چەمپيوناتتارى. تامىز-قىركۇيەك

باسكەتبول سپورتىنىڭ قازاقستانداعى اياق الىسى كوڭىل قۋانتارلىقتاي ەمەس. بيىلعى جىلى قۇرلىقتىق دەڭگەيدەگى بىردە ءبىر سىندا باق سىناي المادىق. قارجى تاپشى... اقشانى بىلاي قويعاندا قۇرامانىڭ كەرەگەسى دە وسال. مىنە، وسى ولقىلىقتى جويۋ ءۇشىن تامىز بەن قىركۇيەك ايىندا وتەتىن ازيا چەمپيوناتتارىندا ءتاۋىر ويىن ورنەگىن كورسەتسەك جاقسى بولار ەدى...

كۇرەس تۇرەرىنەن الەم چەمپيوناتى. ستامبۋل (تۇركيا). 12-18 قىركۇيەك.

انادولى ەلىندە نۇرماحان تىناليەۆ باستاعان گرەك ريم كۇرەسى شەبەرلەرى، نۇرجان قاتاەۆ باستاعان ەركىن كۇرەس مىقتىلارى جانە شالىگينا كوشباسشى سانالاتىن ارۋلارىمىز اتوي سالادى دەگەن سەنىمدەمىز. كوپ كۇتتىرگەن الەمدىك سىننىڭ التىنى وسى ستامبۋل كىلەمىندە بۇيىرسا، قانە...

ۆولەيبول. ازيا چەمپيوناتى. ايەلدەر (تايپەي). ەرلەر (يران). قىركۇيەك

ازيا ويىندارىندا قورجىنعا قولا سالعان قىزدارىمىز سول جەتىستىگىن تايپەي تورىندە قايتالاسا نۇر بولار ەدى. ال ەرلەرىمىزدىڭ قازىرگى جاعدايى قۇرلىقتىق سىننىڭ جۇلدەسىنە تالاسارلىقتاي ەمەس. دەسەكتە، شيرەك فينالعا شىعۋ باستى ماقسات ەرلەر ءۇشىن.

كوركەم گيمناستيكا. الەم چەمپيوناتى. مونپەلە  (فرانتسيا). 13-26 قىركۇيەك

اننا الياباەۆا باستاعان ۇلتتىق قۇراما مىقتىلارى بۇل سىندا قورجىنعا قولا سالسا دەگەن دامە بار. لوندون وليمپياداسىنىڭ جولداماسىن قالتاعا باسار ساتتە وسى.

بوكس. الەم چەمپيوناتى. باكى (ازەربايجان). 16 قىركۇيەك - 1 قازان.

پۋسان شارشى الاڭىندا ميلاندا كەتكەن ەسەنى قايتارۋ ءۇشىن مىرزاعالي ايتجانوۆ  شاكىرتتەرى ايانىپ قالماس. قورجىنعا ءبىراز وليمپ جولداماسىن باسار ساتتە قامشى باسار ساپيەۆ پەن ەلەۋسىنوۆ باستاعان مىقتىلار.

XVI پان امەريكا ويىندارى. مەحيكو (مەكسيكا) . 14-29 قازان.

امەريكا جۇرتىنىڭ وليمپياداسىنا بالاناتىن سىن ءبىزدىڭ جانكۇيەرلەردى دە قىزىقتىرارى انىق. اللا بۇيىرسا، «الامان» مۇحيتتىڭ ارعى جاعىنداعى سىننان دا ارنايى رەپورتاجدار ۇسىنۋدى جىلدىڭ باستى جوسپارىنا ەنگىزىپ

وتىر.

سپورتتىق گيمناستيكا. الەم چەمپيوناتى. توكيو (جاپونيا). 16-29 قازان.

ازيا ويىندارىنا قولاعا «تويعىزعان» گيمناسشىلارىمىز سول جەتىستىكتەرىن توكيو تورىندە قايتالاسا، شىركىن. سەبەبى سپورتتىق گيمناستيكادان الەم چەمپيوناتىنىڭ تۇعىرىنان قول بۇلعايتىن قازاق سپورتشىسىن كورۋ باقىتى ءبىراز بولدى بىزگە بۇيىرماي تۇرعانى... ايتپاقشى، وسى ۋاقىتتا تاەكۆوندودان دا كەزەكتى الەم چەمپيوناتى وتەدى. بۇل سىندى دا قويىن داپتەرىڭىزگە ءتۇرتىپ قويىڭىز.

اۋىر اتلەتيكا. الەم چەمپيوناتى. پاريج (فرانتسيا). 10-17 قازان

قازاق اۋىر اتلەتتەرى الەمدى مويىنداتقالى ءبىراز جىلدىڭ ءجۇزى بولدى. بۇل سىندا لوندون جولداماسىنا تالاسامىز. ني باپتايتىن ۇلتتىق قۇراما ماكسيمالدى جولداماعا قول جەتكىزسەك دەپ وتىر.

گاندبول. الەم چەمپيوناتى. ايەلدەر. برازيليا. جەلتوقسان.

بۇل سىنعا ازيانىڭ قازىرگى ۇزدىگى قازاقستان قۇراماسى دا قاتىساتىنى بەلگىلى. ءبىزدىڭ قىزدارعا تەك ساتتىلىك. بۇگىنگە دەيىن برازيلياعا بارار ءبىراز كوماندا بەلگىلى. ولار: ازيادان - قازاقستان، كورەيا، قىتاي، جاپونيا. ەۋروپادان - نورۆەگيا، شۆەتسيا، رۋمىنيا جانە سوڭعى الەم چەمپيوندارى رەسەي. بۇل قاتارعا ۇيىمداستىرۋشى ەل برازيليانى دا قوسىڭىز. افريكادان - انگولا، تۋنيس، كوت د يۆۋار. الداعى ۋاقىتتا ەۋروپانىڭ تاعى 8, امەريكانىڭ  - 3,مۇحيتتىق ايماقتىڭ  - 1 كومانداسى بەلگىلى بولادى.

ەۋرو - 2012. فينالدىق كەزەڭ جەرەبەسى دە وسى جەلتوقسان ايىندا تارتىلادى.

«الامان» سايتى

 

0 پىكىر