تانىمال تاجىك اكتريساسىنىڭ ءولىمى ءۇشىن دارىگەرلەر سوتتالدى
تاجىكستاننىڭ سوعدى وبلىسى حۋدجاند قالالىق سوتى تۋبەركۋلەزبەن كۇرەس ورتالىعىنىڭ ەكى قىزمەتكەرىن كىسى ولىمىنە اكەلگەن سالاقتىعى ءۇشىن ءۇش جىلعا سوتتادى.
ورتالىق دارىگەرى حوتام وتامبوەۆ پەن لابورانت مەحري يۋسۋپوۆانىڭ كەسىرىنەن وبلىستىق داراما تەاترىنىڭ اكتريساسى جانە باس بالەتمەيستەرى ساودات سالوموۆا دۇنيەدەن ءوتتى دەلىنەدى.
سوتتالعاندار جازانى قونىس كولونياسىندا وتەيدى. تاجىكستاننىڭ ەڭبەك سىڭىرگەن ءارتىسى ساودات سالوموۆا ورتالىقتا وتكەن جىلى 1 ساۋىردە ميىنا قان قۇيىلعاننان قايتىس بولدى. ول 50 جاستا ەدى.
دارىگەرلەردىڭ كونسيليۋمى سالوموۆا دۇرىس قويىلماعان دياگنوزدىڭ كەسىرىنەن ولگەنىن انىقتاعان.
ونىڭ ادۆوكاتىنىڭ ايتۋىنشا، كەيىن بيولوگيالىق ساراپتاما وعان قويىلعان دياگنوز باسقا ناۋقاسقا ارنالعانى انىقتالعان.
Abai.kz
