استانا. 6 قاڭتار. قازتاگ – قازاقستان پرەزيدەنتى نۇرسۇلتان نازارباەۆ پراۆوسلاۆيەلىك قازاقستاندىقتاردى الداعى كەلە جاتقان – روجدەستۆو مەرەكەسىمەن قۇتتىقتادى.

«قىمباتتى وتانداستار! ءبىزدىڭ ەلدىڭ پراۆوسلاۆتىك حريستياندارى مەن بارشا قازاقستاندىقتاردى جارقىن روجدەستۆو مەرەكەسىمەن شىن جۇرەكتەن قۇتتىقتايمىن!»، - دەلىنگەن بەيسەنبى كۇنى «كازاحستانسكايا پراۆدا» گازەتىندە جاريالانعان قۇتتىقتاۋىندا.

مەملەكەت باسشىسى روجدەستۆو مەرەكەسى - روجدەستۆو – ىزگى ۇمىتتەر مەن جاقسىلىقتاردىڭ مەرەكەسى. «ول ادامداردى يگى ىستەر جاساۋعا، قۇدايدىڭ وسيەتىمەن بەيبىتشىلىك پەن كەلىسىمدە ءومىر سۇرۋگە ۇمتىلۋدا باستارىن بىرىكتىرەدى»، - دەلىنگەن ەلباسىنىڭ قۇتتىقتاۋىندا.

ول «وسى ماڭگىلىك قۇندىلىقتار، اسىرەسە، ءتۇرلى سەنىمدەگى جانە ەت­نوستاعى ادامدار دوستىق اۋا­نىن­دا ءومىر سۇرەتىن قازاقستاندا ەرەكشە قۇرمەتتەلەدى»، دەپ اتاپ كورسەتتى.

«ءبىزدىڭ بىرلىگىمىز بەن ىنتى­ما­عى­مىزدىڭ ارقاسىندا قازاقستان ىرعاقتى دامۋىن جالعاستىرۋدا. ەلىمىزدىڭ حالىقارالىق ارەنا­داعى بەدەلى نىعايا تۇسۋدە.

قازاقستان ۇيىمعا مۇشە ەلدەر مەملەكەت جانە ۇكىمەت باس­شى­لارىنىڭ تاريحي مانگە يە استانا ءسامميتى زاڭدى قورى­تىن­دى­سى بولعان ەقىۇ-داعى توراعا­لى­عىن تابىستى جۇزەگە اسىردى»، - دەدى ول.

«وتكەن جىل قازاقستانداعى ورىس پراۆوسلاۆيە شىركەۋى ءۇشىن ەستە قا­لار­لىق وقيعامەن ەرەكشەلەندى. استانادا ماسكەۋ جانە بۇكىل رەسەي پات­ريارحى كيريلل بولىپ قايتتى. ول ەلوردادا ور­تالىق ازياداعى اسا ءىرى ۋسپەن كافەدرالدى سوبورىن ساۋلە­لەن­دىردى. بۇل ساپار ءبىزدىڭ ەلىمىزدەگى پراۆوسلاۆيە جانە يسلام قاۋىمى ارا­سىنداعى ىزگىلىكتى قارىم-قاتى­ناس­تى نىعايتۋدا ما­ڭىزدى قادام بولدى»، - دەپ ەسەپتەيدى مەملەكەت باسشىسى.

«روجدەستۆو جارقىن مەرەكەسىندە ىزگىلىكتى ىستەرى مەن وي-نيەتتەرى وتانىمىزدىڭ دامۋى مەن وركەن­دەۋىنە ۇلەس قوسىپ كەلە جاتقان رەسپۋبليكانىڭ بارلىق پراۆوسلاۆيە ازاماتتارىنا ريزاشىلىق ءسوزىمدى ايتقىم كەلەدى»، - دەلىنگەن قۇتتىقتاۋدا.

ەلباسى قۇتتىقتاۋىنىڭ سو­ڭىن­دا بارلىق قازاقستاندىقتارعا مىقتى دەنساۋلىق، بەيبىتشىلىك پەن يگىلىك تىلەي كەلىپ، ءار وت­با­سىندا باقىت، سۇيىسپەنشىلىك پەن ءوزارا تۇسىنىستىك سالتانات قۇر­عا­نىن قالايتىنىن جەتكىزەدى.

2005-ءشى جىلى زاڭناماعا ەنگىزىلگەن وزگەرتۋلەرگە ساي، قازاقستاندا مۇسىلمان كۇنتىزبەسىمەن اتاپ وتىلەتىن قۇربان ايتتىڭ العاشقى كۇنى مەن 7-ءشى قاڭتاردا اتاپ وتىلەتىن - پراۆوسلاۆتىك روجدەستۆو - دەمالىس كۇنى دەپ سانالادى.