ەستەرىڭىزدە بولسا، وتكەندە سىزدەر مەن بىزدەر ءبىر-ەكى تەرمين جونىندە وي بولىسكەن ەدىك. ءسوز "تەوريا" مەن "پراكتيكا" دەگەن سوزدەردىڭ انا تىلىمىزدەگى بالاماسى تۋرالى بولعان.

جاقىندا مەنىڭ قولىما ءال-فارابيتانۋشى عالىم جاقىپبەك التاەۆ اعامىز ءابۋ ناسىر ءال-فارابيدىڭ "مۋزىكا تۋرالى ۇلكەن كىتاپ" دەگەن ەڭبەگىنىڭ قازاقشا اۋدارماسىن ۇستاتتى.

ءال-فارابي بابامىزدى وقىپ وتىرسام، ءبىزدىڭ انا تىلىمىزدە كۇندەلىكتى قولدانىلىپ جۇرگەن "نازار" جانە امال" دەگەن سوزدەر تەرميندەردىڭ ءتۇبىرى ساناتىندا قولدانىلىپتى. ول كىسى ءبىز ەۋروپاشا ايتۋدان جالىقپايتىن "تەوريا" دەگەن ءسوزدى "نازاريا", ال "پراكتيكا" دەگەن ءسوزدى "اماليا" دەپ قولدانادى. ءبىز قايتەمىز؟ تىلىمىزگە عاسىرلار بويى ءسىڭىستى بولىپ كەتكەن "نازار" جانە "امال" دەگەن سوزدەرىمىزدەن باس تارتامىز با؟ الدە "الەمنىڭ ەكىنشى ۇستازى" اتانعان ۇلى بابامىزعا جۇگىنەمىز بە؟

ساعاتبەك مەدەۋبەكۇلى

Facebook-تەگى پاراقشاسىنان