پرەمەر-مينيستر ولجاس بەكتەنوۆ مەملەكەت باسشىسىنىڭ جۋىردا وتكەن ۇكىمەتتىڭ كەڭەيتىلگەن وتىرىسىندا بەرگەن ءتيىستى تاپسىرمالارى اياسىندا اگرارلىق ماۋسىمدى ساپالى وتكىزۋ ءۇشىن قاجەتتى جاعدايلار قامتاماسىز ەتىلگەنىن اتاپ ءوتتى.

«ەگىن ەگۋ جانە كۇزگى جيىن-تەرىم جۇمىستارىن قارجىلاندىرۋ كولەمىن بىلتىرعىداي 1 ترلن تەڭگە دەڭگەيىندە قالدىردىق. ونىڭ ىشىندە تەحنيكانى ليزينگكە الۋعا 300 ملرد تەڭگە قارالعان. مەملەكەت باسشىسىنىڭ قولداۋىنىڭ ارقاسىندا ءۇشىنشى جىل قاتارىنان قوماقتى قاراجات بولىنۋدە فەرمەرلەر ءۇشىن جەڭىلدەتىلگەن باعامەن 402 مىڭ توننا جانارماي ءبولۋ كوزدەلىپ وتىر»، — دەپ اتاپ ءوتتى ولجاس بەكتەنوۆ ۇكىمەت وتىرىسىندا.

بۇل رەتتە جوسپارلانعان شارالاردى ءتيىمدى ءارى ۋاقتىلى جۇزەگە اسىرۋ وتە ماڭىزدى. مەملەكەتتىك قولداۋدىڭ تيىمدىلىگىنە ەرەكشە نازار اۋدارىلدى.

«مەملەكەتتىك قولداۋ جاۋاپكەرشىلىگى جوعارى ءارى جۇمىسىنا ادال ديقاندارعا عانا كورسەتىلۋگە ءتيىس. اكىمدىكتەر بولىنگەن قاراجاتتىڭ ءتيىمدى جۇمسالۋىن تۇراقتى باقىلاۋعا الۋى قاجەت. ول ءۇشىن تسيفرلىق تەحنولوگيالاردى كەڭىنەن پايدالانعان ءجون. مەملەكەت باسشىسى جۋىردا وتكەن ۇكىمەتتىڭ كەڭەيتىلگەن وتىرىسىندا ءتيىستى تاپسىرمالار بەردى»، — دەپ اتاپ ءوتتى پرەمەر-مينيستر.

Abai.kz