ەسكە سالايىق، وتكەن اپتادا دوللار 15 ماناتقا دەيىن كوتەرىلگەن. ازاتلىك ءتىلشىسىنىڭ حابارلاۋىنشا، تۇركىمەنستاننىڭ سولتۇستىگىندەگى جاعداي اشحابادتاعى "قارا بازارعا" دا اسەر ەتكەن. مۇندا 1 اقش دوللارى 11 ماناتقا دەيىن ارزانداعان، ءبىر كۇن بۇرىن 14 مانات بولعان.

تۇركىمەن ۆاليۋتاسى باعامىنىڭ بۇلايشا قۇبىلۋى ەلدىڭ قازاقستان جانە وزبەكستانمەن شەكارالاس ايماقتارىندا ساۋدانىڭ قىزۋىنا تىكەلەي بايلانىستى دەيدى كاسىپكەرلەر.

"داشوعىزدا قازاقستان مەن وزبەكستان كاسىپكەرلەرى تۇركىمەن ۆاليۋتاسىن كوپتەپ ساتىپ العان. سودان مانات نىعايعان. دوللاردىڭ قارا باعامى 9 ماناتقا دەيىن تۇسكەن، بىراق ول كوپكە سوزىلماعان. تۇستەن كەيىن دوللار قايتادان 11 ماناتقا قىمباتتاعان. قازىر ول شامامەن 12 مانات تۇرادى", - دەدى ازاتلىكتىڭ جەرگىلىكتى ءتىلشىسى.

تۇركىمەنستاندا دوللاردىڭ رەسمي باعامى 3,5 مانات دەپ بەلگىلەنگەن.

Abai.kz