جۇما, 29 ناۋرىز 2024
3111 0 پىكىر 15 اقپان, 2018 ساعات 08:49

حالىقارالىق ۇيىمدار قاماۋداعى وزبەك جۋرناليستەرى مەن بەلسەندىلەرىن بوساتۋدى تالاپ ەتتى

بەدەلدى ون ەكى حالىقارالىق ۇيىم وزبەكستان ۇكىمەتىنەن قاماۋداعى جۋرناليست بوبومۋرود ابدۋللاەۆتى، بلوگەر حاەتحان ناسرەددينوۆتى جانە جاس عالىم اكروم ماليكوۆتى تەز ارادا بوساتۋدى تالاپ ەتتى.

ادام قۇقىقتارىن قورعاۋ ۇيىمدارىنىڭ (Amnesty International, «ورتالىق ازياداعى ادام قۇقىقتارى» قاۋىمداستىعى، «ازاماتتار قۇقىقتارىن قورعاۋ» ۇيىمى، جۋرناليستەردى قورعاۋ كوميتەتى، Freedom House, Human Rights Watch, ادام قۇقىقتارى جونىندەگى حالىقارالىق ارىپتەستىك، نورۆەگيالىق حەلسينكي كوميتەتى، «شەكاراسىز تىلشىلەر»، Freedom Now, ARTICLE 19, «وزبەك-گەرمانيا فورۋمى») 13 قاڭتاردا جاريالاعان جولداۋىندا رەسمي تاشكەنتتەن جۋرناليست بوبومۋرود ابدۋللاەۆتى اباقتىدا ازاپتاعان قۇقىققورعاۋ ورگانى قىزمەتكەرلەرىن جاۋاپقا تارتۋىن سۇراعان.

«وزبەكستان ۇكىمەتى ارنايى قىزمەتىن رەفورمالاۋعا تالپىنىپ جاتقان ۋاقىتتا، قاماۋداعى ءجۋرناليستى ازاپتاعانى تۋرالى شاعىمدى تەز ارادا تەكسەرىپ، ءتيىستى جازاسىن بەرۋى كەرەك»، – دەدى حيۋمان رايتس ۆوتچ (HRW) ۇيىمىنىڭ ورتالىق ازيا جونىندەگى زەرتتەۋشىسى ستيۆ سۆەردلوۆ.

ەسكە سالايىق، تاشكەنتتىك ادام قۇقىعىن قورعاۋشى سۋرات يكراموۆتىڭ 8 اقپاندا ءوزىنىڭ دەرەككوزدەرىنە سۇيەنىپ حابارلاۋىنشا، ۇلتتىق قاۋىپسىزدىك قىزمەتىنىڭ ەكى وفيتسەرى – پودپولكوۆنيك نوديربەك تۋراكۋلوۆ جانە تەرگەۋشى الەكساندر ۆەسەلوۆ وتكەن جىلدىڭ قىركۇيەگىنەن بەرە قاماۋدا وتىرعان جۋرناليست بوبومۋرود ابدۋللاەۆتى ازاپتاعانى ءۇشىن قىزمەتتەن شەتتەتىلگەن.

ابدۋللاەۆتى ينتەرنەتتە سىني ماقالالارىن جاريالاعانى ءۇشىن ۇستادى. بۇل ىسكە تاعى ءتورت ادام تارتىلعان. سولاردىڭ ءبىرى - 27 جاستاعى عالىم اكروم ماليكوۆ ماقالالارىندا وزبەكستاننىڭ قازىرگى باسشىلىعىن اشىق سىناعان.

بلوگەر حاەتحان ناسرەددينوۆتى وتكەن جىلى قازاندا ۇستادى. وعان دا وزبەكستاننىڭ كونستيتۋتسيالىق قۇرىلىمىنا نۇقسان كەلتىردى دەگەن ايىپ تاعىلعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594