بۇل ارالىقتاعى تەمىر جول 2011 جىلى الىپ تاستالىنعان. ءمينيستردىڭ حابارلاۋىنشا، جاقىندا تاجىكستان مەن وزبەكستان ارالىعىندا اۆتوبۋس قاتىناسى دا قالپىنا كەلەدى. بۇعان قاتىستى ۇكىمەتارالىق كەلىسىم ناۋرىز ايىنىڭ باسىندا وزبەكستان پرەزيدەنتى شاۆكات ميرزياەۆتىڭ تاجىكستانعا مەملەكەتتىك ساپارى كەزىندە قابىلدانادى.

وزبەكستان ماماندارى امۋزانگ-گالابا ارالىعىنداعى جۇمىسپەن تانىسقان. «تەمىر جول جوندەلىپ جاتىر، ەندى كەلىسىمدى قابىلداۋ عانا قالدى»، - دەدى تاجىك ءمينيسترى.

امۋزانگ–گالابا ارالىعى وزبەكستان مەن تاجىكستاننىڭ وڭتۇستىك وبلىستارىن جالعاستىرىپ جاتىر.

تەرمەز - قورعان-توبە جەلىسىنىڭ وزبەك بولىگىندەگى تەمىر جولدىڭ بۇزىلۋى تاجىكستاننىڭ وڭتۇستىگىن تەمىر جول قاتىناسىنسىز قالدىرعان ەدى.

Abai.kz