تاجىكستان باسشىسى ەمومالي راحمون 5 اقپاندا مەملەكەتتىك مۇلىك كوميتەتىنىڭ باسشىسى فاررۋح حامراليزوداعا "تسزينفەن" كومپانياسىمەن كەلىسىمگە وتىرىپ، "زارافشون" بىرلەسكەن كاسىپورنى اتىنان 5 پايىز ۇلەس الۋ جونىندە تاپسىرما بەرگەن.

ۇكىمەتتەگى دەرەككوزدىڭ حابارلاۋىنشا، كەلىسىمگە قول قويعاننان كەيىن، ەلدەگى ەڭ ءىرى التىن كەنىندەگى ۇكىمەتتىڭ ۇلەسى 7,3 ميلليون دوللار نەمەسە جارعىلىق كاپيتالدىڭ 30 پايىزىن يەلەنەدى. ال قىتايلىق Zi jin Mining كومپانياسىنىڭ ۇلەسى 17 ميلليون دوللار نەمەسە 70 پايىز بولادى.

«زارافشون» بىرلەسكەن كاسىپورنى 1994 جىلى بۇرىنعى تاجىكستان التىنكەن كومبيناتىنىڭ ورنىنا قۇرىلعان. كاسىپورىننىڭ باقىلاۋ پاكەتى العاشقى كەزدە بريتاندىق «Commonwealth & British Mineral Ltd» كومپانياسىنا تيەسىلى بولعان. 2007 جىلى باقىلاۋ پاكەتتى قىتايلىق كومپانيا ساتىپ الدى.

تاجىكستاننىڭ ءوندىرىس جانە جاڭا تەحنولوگيالار مينيسترلىگىنىڭ مالىمەتى بويىنشا 2016 جىلى 5 توننا سارى مەتالل وندىرگەن.

Abai.kz