كۋدراتحودجاەۆ: تالىبتەر تاشكەنتكە كەلمەيدى، بىراق ولار بارلىعىن ەستيدى
"تاليبان" قوزعالىسىنىڭ وكىلدەرى تاشكەنتتەگى اۋعانستان جونىندەگى "بەيبىت پروتسەسس، قاۋىپسىزدىك ءۇشىن ارىپتەستىك جانە ايماق ىنتىماقتاستىعى" كونفەرەنتسياسىنا قاتىسپايدى. بۇل تۋرالى كونفەرەنتسيانىڭ ءباسپاسوز حاتشىسى شەرزود كۋدراتحودجاەۆ 26 ناۋرىزدا حابارلادى.
"ولار ("تاليبان" قوزعالىسى) بۇگىن دە، ەرتەڭ دە كەلمەيدى", – دەدى كۋدراتحودجاەۆ. اۋعانستان جونىندەگى كونفەرەنتسيانىڭ نەگىزگى شارالارى 27 ناۋرىزدا وتەدى.
تاشكەنتتەگى كەزدەسۋگە بۇۇ-نىڭ اۋعانستانداعى ارنايى وكىلى تاداميتي ياماموتو، ەۋروپالىق وداقتىڭ شەتەل ىستەرى جانە ساياسي قاۋىپسىزدىك جونىندەگى جوعارعى وكىلى فەدەريكا موگەريني، سونىمەن بىرگە قىتاي، رەسەي، اقش، ۇلىبريتانيا، گەرمانيا، يتاليا، فرانتسيا، تۇركيا، ءۇندىستان، يران، پاكىستان، قازاقستان، قىرعىزستان، تاجىكستان، تۇركىمەنستان، ساۋد ارابياسى جانە بىرىككەن اراب امىرلىكتەرىنىڭ سىرتقى ىستەر مينيسترلەرى شاقىرىلعان.
Abai.kz
