الماتىدا اقىن تىنىشتىقبەك ابدىكاكىمۇلىنىڭ شىعارماشىلىق كەشى وتەدى. وتەتىن ۋاعى كوكەكتىڭ 20-جۇلدىزى. ورنى الماتىداعى "الاتاۋ" ءداستۇرلى ونەر تەاترى. باستالۋى 16:00-دە.

قازاقستان جازۋشىلار وداعىنىڭ مۇشەسى، اقىن تىنىشتىقبەك ابدىكاكىمۇلىنىڭ "كوكەك ايى - گۇلستان..." اتتى كەشىنە قازاقتىڭ بەلگىلى اقىندارى مەن ونەر جۇلدىزدارى قاتىسادى.

ەلىمىزدىڭ ءار وڭىرىنەن جينالعان تانىمال اقىندار تىنىشتىقبەك ابدىكاكىمۇلىنىڭ ولەڭىن وقىپ، جىردان شاشۋ شاشپاق. اتاپ ايتساق، تەمىرحان مەدەتبەك، يسرايل ساپارباي، مەرەكە قۇلكەنوۆ، ابۋباكىر قايران، قاسىمحان بەگمانوۆ، جاركەن بودەش، باۋىرجان جاقىپ، گۇلنار سالىقباي، تەمىرعالي كوپباەۆ، مۇرات شايماران، جاراس سارسەك، داۋلەتكەرەي كاپۇلى، جاناربەك ءاشىمجان، باقىت بەدەلحان، الماس تەمىرباي، اقبەرەن ەلگەزەك، ىرىسبەك دابەي، ەرلان ءجۇنىس، باۋىرجان قاراعىزۇلى، قالقامان سارين، ەرجان جۇمابەك، جانات جانقاشۇلى، مەرەي قارتوۆ سىندى تانىمال اقىندار كەش كوركىن قىزدىرماق.

سونداي-اق، ەلەنا ابدىحالىقوۆا، ەركىن شۇكىمان، قادىرعالي كوبەنتاي، ەرشات قايىرحان، گۇليا ساعيدوللاقىزى سەكىلدى ونەر قايراتكەرلەرى تىنىشتىقبەك اقىننىڭ سوزىنە جازىلعان اندەردى شىرقايدى. اقىننىڭ "بەسىنشى ماۋسىم جۇپارى" اتتى جاڭا كىتابى دا ساتىلىمعا شىعادى.

تىنىشتىقبەك ابدىكاكىمۇلى - 1953 جىلى 20 شىلدەدە سەمەي وبلىسىنىڭ اباي اۋدانى، قاراۋىل اۋىلىندا تۋعان. 1994 جىلى سەمەي پەداگوگيكا ينستيتۋتىنىڭ فيلولوگيا فاكۋلتەتىن بىتىرگەن. "اباي اۋىلى" گازەتىندە، اباي مۇراجايىندا جۇمىس ىستەگەن.

"اقشام حاتتارى", "راۋان", "قاس ساق اڭقىماسى" اتتى ت.ب. جىر جيناقتارىنىڭ اۆتورى. 1993-1996 جىلدارى قازاقستان جازۋشىلار وداعىنىڭ سەمەي بولىمشەسىنىڭ جاۋاپتى حاتشىسى بولىپ قىزمەت اتقاردى. جازۋشىلار وداعىنىڭ مۇشەسى، ت.ايبەرگەنوۆ اتىنداعى سىيلىقتىڭ لاۋرەاتى، جازۋشىلار وداعى ۇيىمداستىرعان اقىندار ءمۇشايراسىنىڭ باس جۇلدەگەرى.  2001 جىلى "ەلوردا" باسپاسىنان "قاس ساق اڭقىماسى" اتتى فيلوسوفيالىق ەڭبەگى شىقتى. 2017 جىلى "بەسىنشى ماۋسىم جۇپارى" اتتى جاڭا كىتابى جارىق كوردى.

Abai.kz