سوعدى وبلىستىق سوتى يسفار اۋدانىنداعى وتباسى مۇشەلەرىن تەرروريستىك ۇيىمعا قوسىلماق بولدى دەگەن ايىپپەن كىنالى دەپ تاپتى. ولاردىڭ ءبارى بىلتىر جىل سوڭىندا تۇرىك-سيريا شەكاراسىندا ۇستالعان.

وتباسىنىڭ وتاناسى 71 جاستاعى ماۆليۋدا ناسريددينوۆا 12 جىلعا، ونىڭ 47 جاستاعى ۇلى باحودۋر ناسريددينوۆ 17 جىلعا، 25 جاستاعى ۇلى حايدارحون ناسريددينوۆ پەن وتباسىنىڭ كۇيەۋ بالاسى ناسرۋللوحون ابدۋۆاليەۆ (فارزونا ناسريددينوۆانىڭ كۇيەۋى) 12.5 جىلعا باس بوستاندىقتارىنان ايىرىلدى. ال فارزونا ناسريددينوۆا مەن وتباسىنىڭ جاقىن تۋىستارى شوحينا جانە مۋشوحيراحون نۋريللاەۆتار 12 جىلعا سوتتالعان.

وتباسىنىڭ ەكى مۇشەسى 16 جاستاعى ماريفات ناسريددينوۆا كامەلەتتىك جاسقا تولماۋىنا بايلانىستى جانە 24 جاستاعى شوحيدا نۋريللاەۆانىڭ اقىل-ەسىنىڭ كەمدىگىنە بايلانىستى جازادان بوساتىلعان.

«ولار ءبارى 29 ادام بولاتىن – ءبىر ۇلكەن وتباسى. ولار سيرياعا ءۇش شاعىن اۆتوبۋسپەن كەتكەن. ەكى اۆتوبۋستىڭ جولاۋشىلارى تۇرىك-سيريا شەكاراسىنان ءوتىپ كەتكەن. ال ءۇشىنشىسى اۆتوبۋستاعى توعىز ادام شەكارادا ۇستالعان»، - دەگەن تەرگەۋ ىسىنە قاتىسى بار دەرەككوز.

سوت بارىسىندا ولار سيرياعا «جيحادقا» بارماق بولعانىن مويىنداعان. ءوز ەلىندە ءدىني بوستاندىقتارىنا تىيىم سالاتىنىن مالىمدەگەن.

Abai.kz