Cەنات دەپۋتاتى ۇكىمەت باسىنا جەدەلساتى ماسەلەسىنە قاتىستى ساۋال جولدادى
19 ءساۋىر كۇنگى سەنات وتىرىسىندا دەپۋتات مارات تاعىموۆ قازاقستان رەسپۋبليكاسىنىڭ پرەمەر-ءمينيسترى ب.ءا. ساعىنتاەۆتىڭ اتىنا دەپۋتاتتىق ساۋال جولدادى. وندا بىلاي دەلىنگەن:
قۇرمەتتى باقىتجان ءابدىرۇلى!
دەپۋتاتتىق ساۋال جولداۋعا اقاۋلى ليفت سالدارىنان اقتوبە قالاسىندا جاس ايەلدىڭ قايعىلى قازاعا ۇشىراۋى سەبەپ بولىپ وتىر. قازانىڭ ءمان-جايى جۇرتشىلىقتى قاتتى تولعاندىردى.
«ازاماتتىق قورعاۋ تۋرالى» قازاقستان رەسپۋبليكاسىنىڭ زاڭىنا سايكەس ليفتىلەر قاۋىپتى تەحنيكالىق قۇرىلعىلارعا جاتادى جانە ولاردى پايدالانۋ قاۋىپسىزدىگى ونەركاسىپتىك قاۋىپسىزدىك تالاپتارىنا ساي بولۋعا ءتيىس. ينۆەستيتسيالار جانە دامۋ مينيسترلىگى ونەركاسىپتىك قاۋىپسىزدىك سالاسىنداعى ۋاكىلەتتى ورگان بولىپ تابىلادى.
«قازاقستان رەسپۋبليكاسىنىڭ مەملەكەتتىك باسقارۋ دەڭگەيلەرى اراسىندا وكىلەتتىكتەردىڭ اراجىگىن اجىراتۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ 2014 جىلعى 25 تامىزداعى № 898 جارلىعىنا سايكەس تۇرعىن ءۇي-كوممۋنالدىق شارۋاشىلىق وبەكتىلەرىندە بەكىتىلگەن ليفتىلەردى باقىلاۋ جەرگىلىكتى اتقارۋشى ورگانداردىڭ قۇزىرىنا قالالىق تۇرعىن ءۇي ينسپەكتسيالارىنا بەرىلدى.
بىراق ءىس جۇزىندە جەرگىلىكتى اتقارۋشى ورگاندارعا، اتاپ ايتقاندا
قالالىق تۇرعىن ءۇي ينسپەكتسيالارىنا ليفتىلەردى جاڭعىرتۋدى، رەكونسترۋكتسيالاۋدى جانە جوندەۋدى قوسا العاندا، ولاردى تەحنيكالىق
كۇتىپ ۇستاۋ بويىنشا باقىلاۋ فۋنكتسيالارىن ىسكە اسىرۋ جونىندەگى وكىلەتتىكتەر بەرىلمەگەن.
جەرگىلىكتى اتقارۋشى ورگاندارعا ۋاكىلەتتى ورگان بەرگەن شتات بىرلىكتەرى ونەركاسىپتىك قاۋىپسىزدىك سالاسىنداعى مەملەكەتتىك ينسپەكتور مارتەبەسىن يەلەنبەگەن.
كەدەن وداعىنىڭ «ليفتىلەر قاۋىپسىزدىگى» دەگەن تەحنيكالىق رەگلامەنتىندە ءليفتىنى پايدالانۋعا بەرۋ الدىندا وبەكتىدە بەكىتىلگەن ءليفتىنىڭ تەحنيكالىق رەگلامەنت تالاپتارىنا سايكەستىگىن باعالاۋ جۇرگىزىلۋگە ءتيىس ەكەنى بەلگىلەنگەن.
ءوز كەزەگىندە، ينۆەستيتسيالار جانە دامۋ مينيسترلىگى قاۋىپتى وندىرىستىك وبەكت بولىپ تابىلاتىن ليفتىلەردىڭ ونەركاسىپتىك قاۋىپسىزدىگىنە ساراپتاما جۇرگىزۋگە مىندەتتى.
سونىمەن بىرگە، قالالىق تۇرعىن ءۇي ينسپەكتسيالارى مەن ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ اۋماقتىق بولىمشەلەرى اراسىندا فۋنكتسيالاردىڭ قايتالانۋى وكىلەتتىكتەردىڭ ناقتى اراجىگىن اجىراتۋدىڭ جانە تۇتاستاي العاندا ليفت شارۋاشىلىعىندا باقىلاۋ فۋنكتسيالارىن ىسكە اسىرۋ بويىنشا جاۋاپكەرشىلىكتىڭ جوقتىعىنا الىپ كەلدى.
ناتيجەسىندە جەرگىلىكتى جەرلەردە ليفتىلەردى تەحنيكالىق كۇتىپ ۇستاۋدى جۇزەگە اسىراتىن كومپانيالاردىڭ قىزمەتىنە باقىلاۋ جاسالمايدى، ولاردىڭ قىزمەتىنە قويىلاتىن تالاپتار ايقىندالماعان، ليفت ۇيىمدارىن سەرتيفيكاتتاۋ تەتىگى ازىرلەنبەگەن. سونداي-اق، ءبىزدىڭ ويىمىزشا، ليفتىلەردى مونتاجداۋ جانە ولارعا تەحنيكالىق قىزمەت كورسەتۋ قۇقىعىنا ليتسەنزيا بەرۋدىڭ كۇشىن جويۋ جاعدايدى ۋشىقتىرىپ وتىر. باقىلاۋ تەتىگى جولعا قويىلمايىنشا، ليفتىلەردىڭ ادام ومىرىنە قاۋىپتى بولىپ قالا بەرەتىنى انىق.
قازاقستان ليفتشىلەرىنىڭ ۇلتتىق قاۋىمداستىعىنىڭ دەرەكتەرى بويىنشا رەسپۋبليكامىزدىڭ اسا ءىرى جەتى قالاسىندا 7000-عا جۋىق ليفت كۇردەلى جاڭعىرتۋدى نەمەسە اۋىستىرۋدى قاجەت ەتەدى.
استانا قالاسىنىڭ وزىندە شامامەن 60 سەرۆيستىك كومپانيا جۇمىس ىستەيدى، ولاردىڭ بولماشى بولىگىنىڭ عانا شىن مانىندە قۇزىرەتتەرى، ماماندارى جانە قاجەتتى وندىرىستىك-تەحنولوگيالىق بازاسى بار.
2016 جىلدان باستاپ 2018 جىلدىڭ بۇگىنگى كۇنى ارالىعىندا توتەنشە جاعدايلار دەپارتامەنتىنە «112» نومىرىنە استانا ليفتىلەرىندەگى اپاتتىق جاعدايلارعا بايلانىستى 934 قوڭىراۋ شالىنعان. جاڭادان سالىنعان تۇرعىن ءۇي كەشەندەرىندەگى ليفتىلەردىڭ دە ۇدايى ىستەن شىعىپ جاتاتىنى تاڭعالدىرمايتىن بولدى.
ليفتىلەردىڭ اپاتتىلىعى ماسەلەسى ءارتۇرلى اكىمشىلىك دەڭگەيلەردە تالقىلانعانىمەن، جاعدايدىڭ وزگەرمەگەنىن اتاپ كورسەتۋ كەرەك.
قۇرمەتتى باقىتجان ءابدىرۇلى! جوعارىدا باياندالعاندارعا بايلانىستى سىزدەن:
- باقىلاۋ-رۇقسات بەرۋ فۋنكتسيالارىن ىرىقتاندىرۋ بويىنشا جۇرگىزىلىپ جاتقان رەفورما جاعدايلارىندا ونەركاسىپتىك قاۋىپسىزدىك سالاسىنداعى ۋاكىلەتتى ورگان مەن جەرگىلىكتى اتقارۋشى ورگاندار اراسىندا
ليفت جابدىقتارىن باقىلاۋدى جۇزەگە اسىرۋ جونىندەگى فۋنكتسيالاردىڭ قايتالانۋىن بولعىزباۋ جانە تۇرعىن ءۇي ينسپەكتسياسى قىزمەتكەرلەرىنە
ءتيىستى وكىلەتتىكتەرى بار مەملەكەتتىك ينسپەكتورلار مارتەبەسىن بەرۋ جونىندە شارالار قابىلداۋدى; - ءليفتىنىڭ جانە ليفت قاۋىپسىزدىگى قۇرىلعىسىنىڭ سايكەستىگىن راستاۋدى سەرتيفيكاتتاۋدى جۇرگىزۋدىڭ بىرىڭعاي تەتىگىن ازىرلەۋدى;
- ليفت قىزمەتىن كورسەتۋگە ارنالعان بىرىڭعاي سالالىق ستاندارتتى، ونىڭ ىشىندە ليفتىلەردىڭ بىرىڭعاي ەلەكتروندىق ءتىزىلىمىن قۇرۋ تۋرالى ماسەلەنى قاراستىرۋدى;
- كەدەن وداعىنىڭ «ليفتىلەر قاۋىپسىزدىگى» دەگەن تەحنيكالىق رەگلامەنتى تالاپتارىنىڭ قاتاڭ ساقتالۋىن قامتاماسىز ەتۋدى;
- مونتاجداۋ ۇيىمدارىن، سەرۆيستىك كومپانيالاردى جانە جابدىقتاردى يمپورتتاۋشىلاردى تاڭداۋعا قويىلاتىن تالاپتاردى رەتكە كەلتىرۋدى سۇرايمىز.
«قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 27-بابىنا سايكەس دەپۋتاتتىق ساۋالدى قاراۋ ناتيجەلەرى تۋرالى زاڭدا بەلگىلەنگەن مەرزىمدە جازباشا جاۋاپ بەرۋدى سۇرايمىز.
قۇرمەتپەن،
دەپۋتاتتار، گ. كيم، د. قۇسداۋلەتوۆ، ر. ابدىكەروۆ، س. ايتپاەۆا، ۆ. ۆولكوۆ، م. جۇماعازيەۆ، م. تاعىموۆ، ر. تۇسىپبەكوۆ
Abai.kz
