رەفەرەندۋمعا قاتىستى كونستيتۋتسيالىق كەڭەس ءوز شەشىمىن ايتتى. كەڭەستىڭ رەفەرەندۋمدى وتكىزۋگە قارسى بولۋىنا مەلەكەتتىك حاتشى - سىرتقى ىستەر ءمينيسترى قانات ساۋداباەۆتىڭ باتىس ساپارىنان كەشىگىپ جاتۋى ىقپال ەتتى دەيدى استاناداعى ۇزىنقۇلاقتىڭ ءبىرى. قىسقاسى، بۇگىن ساعات 17.00-دە پرەزيدەنت نازارباەۆ ۇندەۋ جاسايدى. ەستەرىڭىزگە سالا كەتەيىك، وسىدان از عانا كۇن بۇرىن، ياعني قاڭتاردىڭ 28-ىندە نازارباەۆ قازاقستان حالقىنا ءداستۇرلى جولداۋىن جاساعان ەدى. ەندى، مىنە، ۇندەۋ. ۇندەۋدە نازارباەۆ رەفەرەندۋمدى قولداپ داۋىس بەرگەن حالىققا، ۇيىمداستىرۋشىلارعا، اتازاڭعا وزگەرىس ەنگىزۋگە تالپىنعان پارالامەنت دەپۋتتارىنا العىس ايتۋى مۇمكىن. دەپۋتتارعا راحمەت ايتا وتىرىپ، ەلباسىنىڭ ۆەتوسىن ەڭسەرىپ كەتكەن زاڭ شىعارۋشى ورگاندى تاراتىپ جىبەرۋى دە ىقتيمال. ويتكەنى بۇل پارلامەنت پرەزيدەنتتىڭ قارسىلىعىنا قىڭبايتىن، ەل ىشىندە توتەنشە ساياسي جاعداي قالىپتاستىرۋعا شاق قالعان پارلامەنت بولدى عوي! بۇنداي بولجامدى پارلامەنت دەپۋتتارىنىڭ قايسىبىرى، مىسالى ايگۇل سولوۆەۆا سياقتى حانىمدار جوققا شىعارمايدى.
«پارلامەنت ەلباسىنىڭ قارسىلىعىنا قارامادى، كونستيتۋتسياعا وزگەرىس ەنگىزە جازدادى. الايدا، كونستيتۋتسيالىق كەڭەس پارلامەنتتىڭ ۇسىنىسىن كەرى قايتاردى. سوندىقتان پرەزيدەنتتىڭ پارلامەنتتى تاراتىتىپ جىبەرۋگە تولىق قۇقى بار»، - دەيدى ول.

رەفەرەندۋمعا قاتىستى كونستيتۋتسيالىق كەڭەس ءوز شەشىمىن ايتتى. كەڭەستىڭ رەفەرەندۋمدى وتكىزۋگە قارسى بولۋىنا مەلەكەتتىك حاتشى - سىرتقى ىستەر ءمينيسترى قانات ساۋداباەۆتىڭ باتىس ساپارىنان كەشىگىپ جاتۋى ىقپال ەتتى دەيدى استاناداعى ۇزىنقۇلاقتىڭ ءبىرى. قىسقاسى، بۇگىن ساعات 17.00-دە پرەزيدەنت نازارباەۆ ۇندەۋ جاسايدى. ەستەرىڭىزگە سالا كەتەيىك، وسىدان از عانا كۇن بۇرىن، ياعني قاڭتاردىڭ 28-ىندە نازارباەۆ قازاقستان حالقىنا ءداستۇرلى جولداۋىن جاساعان ەدى. ەندى، مىنە، ۇندەۋ. ۇندەۋدە نازارباەۆ رەفەرەندۋمدى قولداپ داۋىس بەرگەن حالىققا، ۇيىمداستىرۋشىلارعا، اتازاڭعا وزگەرىس ەنگىزۋگە تالپىنعان پارالامەنت دەپۋتتارىنا العىس ايتۋى مۇمكىن. دەپۋتتارعا راحمەت ايتا وتىرىپ، ەلباسىنىڭ ۆەتوسىن ەڭسەرىپ كەتكەن زاڭ شىعارۋشى ورگاندى تاراتىپ جىبەرۋى دە ىقتيمال. ويتكەنى بۇل پارلامەنت پرەزيدەنتتىڭ قارسىلىعىنا قىڭبايتىن، ەل ىشىندە توتەنشە ساياسي جاعداي قالىپتاستىرۋعا شاق قالعان پارلامەنت بولدى عوي! بۇنداي بولجامدى پارلامەنت دەپۋتتارىنىڭ قايسىبىرى، مىسالى ايگۇل سولوۆەۆا سياقتى حانىمدار جوققا شىعارمايدى.
«پارلامەنت ەلباسىنىڭ قارسىلىعىنا قارامادى، كونستيتۋتسياعا وزگەرىس ەنگىزە جازدادى. الايدا، كونستيتۋتسيالىق كەڭەس پارلامەنتتىڭ ۇسىنىسىن كەرى قايتاردى. سوندىقتان پرەزيدەنتتىڭ پارلامەنتتى تاراتىتىپ جىبەرۋگە تولىق قۇقى بار»، - دەيدى ول.
وتكەن سەنبىدە «ازات» جسدپ الماتىدا ۇلكەن جيىن جاساپ رەفەرەندۋمعا قارسىلىق تانىتقان بولاتىن. ۇلتىشىل كۇشتەردىڭ جەتەكشىسى مۇحتار شاحانوۆ تا پارلامەنتتى تاراتىپ جىبەرۋ كەرەك دەپ وتىر.
ۇندەۋدىڭ بارىسىندا ءماسىموۆ ۇكىمەتىنىڭ وتستاۆكاعا اتتانۋى دا عاجاپ ەمەس. جانە الداعى سايلاۋلاردىڭ وتەتىن مەرزىمى جاريا بولۋى دا كادىك. پرەزيدەنت ءسوز جوق كونستيتۋتسيالىق كەڭەستىڭ شەشىمىمەن كەلىسەدى دەپ ويلايمىز...
كەشكى بەس دەگەنىمىز كەش ەمەس، كۇن ۇزارىپ كەلەدى عوي. كۇتەيىك.

«اباي-اقپارات»