اتالعان مەكەمە بەينەباقىلاۋدى تەكەباەۆتىڭ ءوتىنىشى بويىنشا، قاۋىپسىزدىك ماقساتىندا قويىلعانىن ءتۇسىندىردى.

11 ساۋىردە بۇرىنعى پرەمەر-مينيستر ساپار يساكوۆتىڭ تىكەلەي تاپسىرماسى بويىنشا، ەكس-دەپۋتات وتىرعان بولمەدەن بەينەباقىلاۋ الىنىپ تاستالعان. ومىربەك تەكەباەۆ بولمەسىنە كامەرا ورناتىلعانى 29 قاڭتاردا بەلگىلى بولعان.

جازانى ورىنداۋ قىزمەتى قاۋىپسىزدىك ماقساتىندا ورناتتىق دەپ مالىمدەگەن. بىراق قۇقىق قورعاۋشىلار بۇل ارەكەتتى ايىپتاپ، ال تەكەباەۆتىڭ ءوزى مۇنى كۇندىز-ءتۇنى وزىنە باقىلاۋ جاساۋ ارقىلى، پسيحولوگيالىق قىسىم كورسەتىپ جاتىر دەپ باعالاعان.

«اتا مەكەن» پارتياسىنىڭ ليدەرى ومىربەك تەكەباەۆ پەن قىرعىزستاننىڭ وڭتۇستىك كورەياداعى بۇرىنعى ەلشىسى دۋيشەنكۋل چوتونوۆ 2017 جىلدىڭ اقپان ايىندا رەسەي كاسىپكەرىنەن 1 ملن دوللار كولەمىندە پارا الدى دەگەن كۇدىكپەن ۇستالعان.

بىلتىر 21 قاراشادا جوعارعى سوت ەكى ساياساتكەردى كۇشەيتىلگەن رەجيمدە 8 جىلعا سوتتاۋ تۋرالى اۋداندىق سوت شەشىمىن كۇشىندە قالدىرعان. سوتتالۋشىلاردىڭ وزدەرى مۇنىڭ ساياسي استارى بار دەپ بىلەدى.

Abai.kz