جۇما, 29 ناۋرىز 2024
3737 1 پىكىر 27 ءساۋىر, 2018 ساعات 08:50

ارمەنيا وپپوزيتسياسى رەسەي اسكەري بازاسى ورنالاسقان گيۋمريدە ميتينگ وتكىزەدى

ارمەنيا وپپوزيتسياسى جۇما كۇنى رەسەي اسكەري بازاسى ورنالاسقان گيۋمري قالاسىندا ميتينگ وتكىزۋگە نيەتتى. وسى سەبەپتەن ەرەۆاندا نارازىلىق اكتسياسى ەكى كۇنگە توقتاتىلادى دەپ مالىمدەدى پارلامەنتتەگى "ەلك" فراكتسياسىنىڭ جەتەكشىسى نيكول پاشينيان.

پاشينيان سونىمەن بىرگە ۇكىمەت باسشىسى مىندەتىن ۋاقىتشا اتقارىپ وتىرعان كارەن كاراپەتيانمەن كەلىسسوز جۇرگىزۋگە دايىن ەكەنىن ايتتى. بىراق ول كەلىسسوز تەك جۋرناليستەردىڭ قاتىسۋىمەن ءوتۋى كەرەك دەيدى.

25 ءساۋىر، سارسەنبى كۇنى پاشينيان ارمەنياداعى رەسەي ەلشىسى يۆان ۆولىنكينمەن كەزدەسكەن. رەسەي ەلشىسى ءوز كەزەگىندە ماسكەۋ ارمەنياداعى ساياسي داعدارىسقا ارالاسپايدى دەگەن.

ەرەۆاندا 13 ساۋىردەن بەرى نارازىلىق اكتسياسى ءوتىپ جاتىر. ەل پرەمەر-ءمينيسترى سەرج سارگسيان وتستاۆكاعا كەتتى. ول ەلدى 10 جىل باسقارعان. ول سوڭعى مەرزىمىندە كونستيتۋتسياعا وزگەرىستەر ەنگىزىپ، پرەمەر وكىلەتتىگىن كەڭەيتكەن. پرەزيدەنتتىك مەرزىمى اياقتالعاننان كەيىن، ۇكىمەت باسشىسى قىزمەتىنە كەلگەن.

حالىق نارازىلىعىنان كەيىن سارگسيانمەن بىرگە ۇكىمەت تە وتستاۆكاعا كەتتى. پاشينيان مەن ونىڭ جاقتاستارى پرەمەرلىككە "حالىق اتىنان كانديدات" تاعايىندالعانشا، نارازىلىق شاراسىن جالعاستىرا بەرەتىنىن مالىمدەدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594