«اق جول» فراكتسياسى تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسىنىڭ ءىس جۇزىندە جۇزەگە اسىرىلۋىن باقىلاۋدى كۇشەيتۋدى تالاپ ەتەدى. فراكتسيانىڭ ءتيىستى دەپۋتاتتىق ساۋالىن مەرۋەرت قازبەكوۆا مالىمدەدى. ساۋالدىڭ ءماتىنى مىنە:

مەملەكەت باسشىسىنىڭ «بولاشاقتىڭ ىرگەسىن بىرگە قالايمىز» اتتى جولداۋىندا قويىلعان مىندەتتەردى ىسكە اسىرۋ ماقساتىندا 2011 جىلى قازاقستان رەسپۋبليكاسىنىڭ تۇرعىن ءۇي-كوممۋنالدىق شارۋاشىلىعىن جاڭعىرتۋ بويىنشا باعدارلاما قابىلداندى، ونىڭ مىندەتتەرىنىڭ ءبىرى ازاماتتار ءۇشىن كوندومينيۋم وبەكتىسىنىڭ ورتاق مۇلكىن اعىمداعى جانە كۇردەلى جوندەۋدەن قايتارىلاتىن مەملەكەتتىك قاراجات ەسەبىنەن وتكىزۋ ارقىلى جايلى جاعداي جاساۋ بولىپ تابىلادى.

وسى تاپسىرمالاردى جۇزەگە اسىرۋ ءۇشىن رەسپۋبليكالىق بيۋدجەتتەن جەرگىلىكتى اتقارۋشى ورگاندارعا جىل سايىن ترانسفەرتتەر بولىنەدى.

باعدارلاماعا قاتىسۋ ءۇشىن زاڭناما تالاپتارىنا سايكەس كوندومينيۋم قۇرۋ جانە زاڭناما ەرەجەلەرىن، جاڭعىرتۋدى جۇرگىزۋ ءتارتىبىن ءتۇسىندىرۋ ارقىلى تۇرعىنداردىڭ جالپى جينالىسىن وتكىزۋ قاجەت. سودان كەيىن ونىڭ قورتىندىسى بويىنشا حاتتاما جاسالادى.

جوبالاۋ-سمەتالىق قۇجاتتامانى ازىرلەگەننەن كەيىن جانە كوندومينيۋمعا قاتىسۋشىلاردىڭ جينالىسىندا ماقۇلدانعاننان كەيىن، قوسالقى مەردىگەرلىك ۇيىم كەلىسىلەدى، اي سايىنعى تولەمدەردىڭ مولشەرى بەكىتىلەدى جانە اتقارىلعان جۇمىستاردى ورىنداۋعا قاتىسۋعا وكىلدەر تاڭدالادى. كوندومينيۋمنىڭ باسشىلىعى وسى جانە باسقا قۇجاتتاردى جەرگىلىكتى اكىمدىكتىڭ تۇرعىن ءۇي-كوممۋنالدىق شارۋاشىلىق باسقارماسىنا جىبەرەدى، سودان كەيىن وبەكتىنى جاڭعىرتۋ تۋرالى كەلىسىم جاسالادى.

الايدا، «اق جول» فراكتسياسىنىڭ دەپۋتاتتارىنا وڭىرلىك ساپارلار اياسىندا بارلىق وبلىستاردا دەسەك بولادى، تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسىنىڭ بارلىق كەزەڭدەرىندە زاڭنامانىڭ تالاپتارىنىڭ بۇزىلۋىنا قاتىستى جەرگىلىكتى تۇرعىنداردان وتىنىشتەر كەلىپ ءتۇستى.

پاتەر يەلەرىنىڭ كووپەراتيۆى (پيك) جالعان كەلىسىمشارتتار بويىنشا تۇرعىندارعا بارلىق ۋاقىت ىشىندە ءتيىستى دەڭگەيدە كورسەتىلمەگەن قىزمەتتەر ءۇشىن اقى تولەتكىزىپ، سونداي-اق، تۇرعىندارعا ايتپاستان وزدەرى بەلگىلەپ العان مەردىگەرلەرمەن كۇردەلى جوندەۋدى جۇرگىزۋ ءۇشىن كوتەرىڭكى باعاعا كەلىسىمشارتتار جاساسادى. بۇدان باسقا، كۇردەلى جوندەۋ جۇمىستارى مەملەكەتتىك ساۋلەت-قۇرىلىسىن باقىلاۋ، ورتكە قارسى قىزمەت، ساۋلەت جانە قالا سالۋ قۇرىلىسى ورگاندارىنىڭ قاتىسۋىنسىز جۇزەگە اسىرىلادى، سونىڭ سالدارىنان - ۇلكەن زاڭ بۇزۋشىلىقتار ورىن العان جاعدايلار كەزدەسۋدە.

وسى جانە باسقا دا فاكتىلەر كوپتەگەن مەملەكەتتىك جانە سوت ورگاندارىنىڭ نازارىنا ۇندەۋدەن كەيىن دەپۋتاتتار الدىندا دا كوتەرىلدى.

قۇقىق قورعاۋ ورگاندارىمەن بۇعان قاتىستى ءىس قوزعالعانىنا، سوتتاردىڭ كەلىسىم-شارتتار مەن جۇمىستى قابىلداۋ اكتىلەرىنىڭ جارامسىز دەپ تانۋ تۋرالى شەشىمدەرىنە قاراماستان ولاردىڭ سالدارىن جانە انىقتالعان بۇزۋشىلىقتاردى جويۋعا ەشكىم دە اسىعار ەمەس.

ماسەلەن، كوكشەتاۋ قالاسىنداعى تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسىنا ەنگەن كوپتەگەن كوپ قاباتتى ۇيلەردە جوبالىق قۇجاتتاماسىنا ساي شاتىردى 0,7 مم-دەن كەم ەمەس قالىڭدىقتاعى مەتالل شاتىرمەن اۋىستىرۋ قاراستىرىلعان. الايدا، ءىس جۇزىندە بۇكىل قالا بويىنشا مەردىگەرلەر ەشكىمنىڭ رۇقساتىنسىز ءوز ەركىمەن ودان ەكى ەسە جۇقا ماتەريالداردى قولدانعان، ول تيىسىنشە ارزانعا جوسپارلانعان.

سونىمەن قاتار، اتقارىلعان جۇمىستار جونىندەگى اكتىدە بۇل ماتەريال جوبالاۋ-سمەتالىق قۇجاتتاماعا ەنگىزىلگەنگە سايكەس كەلەدى دەپ تۇرعىنداردان قالىڭدىعى 0,7 مم ماتەريال ءۇشىن اقشا تولەۋدى تالاپ ەتەدى. ال، بۇل دەگەنىڭىز – ءبىر مىڭ شارشى مەتردى عانا  قۇرايتىن شاتىرلار ەمەس.

توبە جابىندىسى ماتەريالدارىنا قاتىستى بۇزۋشىلىقتاردان باسقا مەردىگەرلەر ەسكى توبەنى بولشەكتەۋ كەزىندە اعاش شاتىردىڭ قاڭقاسىن وزگەرتپەي قانا قويماي، سونداي-اق مۇنداي جاعدايدا مىندەتتى تۇردە جۇرگىزىلۋى ءتيىس بولاتىن اعاش ماتەريالداردى وتتان قورعايتىن ارنايى توسەممەن وڭدەۋ، جىلىتۋ، جەلدەتۋ شاحتاسى قۇرىلعىسىن ورنالاستىرۋدى ورىندامايدى. وسلايشا، قر ەرەجەلەرى مەن سانيتارلىق نورمالاردى ورەسكەل تۇردە بۇزادى.

باياندالعاندى ەسكەرە وتىرىپ، «اق جول» دەپۋتاتتىق فراكتسياسى كەلەسى سۇراقتارعا جاۋاپ بەرۋىڭىزدى سۇرايدى:

1.تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسىنىڭ ءىس جۇزىندە جۇزەگە اسىرىلۋىنا باقىلاۋ قالاي جۇرگىزىلەدى؟

2.ساپاسى قالاي باقىلانادى، قولدانىلاتىن ماتەريالداردىڭ جانە ورىندالعان جۇمىستاردىڭ ستاندارتتارىن ساقتاۋ، سونداي-اق كەپىلدەندىرىلگەن مەرزىم ىشىندە مەردىگەرلەردىڭ ءوز مىندەتتەمەلەرىن ورىنداۋى قالاي قاداعالانادى؟

«اق جول» قدپ جانە ونىڭ پارلامەنتتىك فراكتسياسى سايلاۋالدى باعدارلامانى جۇزەگە اسىرۋ جانە ءوز سايلاۋشىلارىنىڭ مۇددەسىن قورعاۋ بويىنشا جۇمىستاردى جالعاستىرۋدا.

Abai.kz