"شىعىس دۋوبا" جانە "جوعارعى كۋمارگ" التىن كەشىنتەرىنىڭ تابىسى جەس قۇرىلىسىنا كەتكەن شىعىندى تولىق جاپپاسا، تاجىك ۇكىمەتى تاعى دا التىن كەنىشتەرىن بەرۋگە ۋادە ەتتى، دەپ مالىمدەدى قىتايدىڭ تۆەا كومپانياسىنىڭ باسشىلىعى.

ەسكە سالايىق، تاجىكستان بيلىگى دۋشانبە جەس-2-ءنى سالعانى ءۇشىن قىتاي كومپانياسىنا ەكى التىن كەنىشىن وندىرۋگە بەرگەن. تۆەا قىتايدىڭ "ەكسيمبانكىنەن" 349 ملن دوللار نەسيە الىپ، 2016 جىلى قۋاتى 400 مۆت بولاتىن جەس تۇرعىزدى.

stcn.com سايتىنا سۇحبات بەرگەن تۆەا باسشىسى چجان سين تاجىك ۇكىمەتىنىڭ باسقا دا التىن كەنىشتەرىن وندىرۋگە كەلىسىم بەرگەنىن ايتتى.

بۇعان قوسا، تاجىكستان تۆەا كومپانياسىنا زيددانىڭ شىعىس بولىگىندەگى كومىر كەنىن وندىرۋگە ليتسەنزيا بەرگەن. دەگەنمەن قىتاي كومپانياسى ونى پايداسىز دەپ تاۋىپ، كومىر كەنىشىنەن باس تارتقان.

"قازىر ءبىز تاجىكستان ۇكىمەتى مەن قىتايدىڭ تۆەا كومپانياسى اراسىندا ينۆەستيتسيالىق كەلەسىم جوباسىن دايىنداپ جاتىرمىز. ءبىزدىڭ ەسەبىمىز بويىنشا، ەكى كەنىشتەگى التىن قورى كومپانيا شىعىنىن جاۋىپ قانا قويماي، ودان اسىپ تۇسەدى", - دەدى ەنەرگەتيكا مينيسترلىگىندەگى دەرەككوز.

تۆەا كومپانياسى كەندەگى التىن قورىنىڭ كولەمىن كوممەرتسيالىق قۇپياعا جاتقىزدى. سوۆەت داۋىرىندە جۇرگىزىلگەن زەرتتەۋلەردە "شىعىس دۋوبە" كەنىندە 117 توننادان استام التىن بارى ايتىلعان.

Abai.kz