تاجىكستان پرەزيدەنتى ەمومالي راحمون ءسوبيردىڭ دەنەسىن تۋعان ەلىنە جەتكىزىپ، دۋشانبەگە جەرلەۋدى ديپلوماتتارعا تاپسىرعان.

سوبير پوەزياسى 1970-1980 جىلدارى تانىمال بولدى. ول 1980 جىلداردىڭ سوڭىندا سوۆەت ليدەرى ميحايل گورباچەۆتىڭ قايتا قۇرۋ رەفورماسىنان كەيىن، تاجىكستاننىڭ دەموكراتيالىق پارتياسى قاتارىنا كىرەدى.

ءسوبيردىڭ ولەڭدەرى بۇگىنگى كۇنى اعىلشىن، نەمىس، يسپان جانە ورىس تىلدەرىنە اۋدارىلعان. بوزور ءسوبيردىڭ شىعارمالار جيناعى اۋعانستاندا جانە يراندا جارىق كورگەن.

1993 جىلى تاجىكستاندا ازاماتتىق سوعىس كەزىندە سوبير ۇستالىپ، الەۋمەتتىك ارازدىق تۋعىزدى دەگەن ايىپپەن سوتتالعان. بىراق ول تۇرمەدە توعىز اي وتىرىپ، حالىقارالىق قۇقىق قورعاۋشىلاردىڭ كومەگىمەن بوستاندىققا شىقتى. وسىدان كەيىن ول اقش-قا كوشىپ كەتەدى.

Abai.kz