جۇما, 22 ماۋسىم 2018
451 4 پىكىر 14 مامىر, 2018 ساعات 09:58

ەلباسى ماحاتحير موحامادتى مالايزيا پرەمەر-مينيستر بولىپ سايلانۋىمەن قۇتتىقتادى

نۇرسۇلتان نازارباەۆ ماحاتحير موحامادتى پارلامەنت سايلاۋىندا «ءۇمىت اليانسى» كواليتسياسىنىڭ جەڭىسكە جەتۋىمەن جانە مالايزيا پرەمەر-ءمينيسترى لاۋازىمىنا تاعايىندالۋىمەن قۇتتىقتادى، دەپ حابارلايدى "اباي اقپارات" پورتالى، اقوردانىڭ ءباسپاسوز قىزمەتىنە سىلتەمە جاساي وتىرىپ.

«سايلاۋ ناتيجەلەرى ءسىزدىڭ پاراساتتى باسشىلىعىڭىزبەن مالايزيانىڭ كەلەشەكتە جاڭا بەلەستەردى باعىندىراتىنىنا حالىقتىڭ سەنىم ارتىپ وتىرعانىن كورسەتتى. بۇعان ءسىزدىڭ 1981-2003 جىلداردا مالايزيانىڭ قارقىندى دامۋىنا قوسقان ولشەۋسىز ۇلەسىڭىز دالەل بولا الادى.

قازاقستان مەن مالايزيا اراسىنداعى دوستىق قارىم-قاتىناس جىلدان جىلعا نىعايىپ، جان-جاقتى وركەندەپ كەلەدى»، – دەلىنگەن جەدەلحاتتا.

سونداي-اق، مەملەكەت باسشىسى ەكى ەل اراسىنداعى جەمىستى ىنتىماقتاستىقتىڭ ودان ءارى دامي بەرەتىنىنە سەنىم ءبىلدىردى.

سوڭىندا نۇرسۇلتان نازارباەۆ ماحاتحير موحامادقا جاۋاپتى لاۋازىمدا تابىس، ال مالايزيا حالقىنا بەيبىت ءومىر مەن باق-بەرەكە تىلەدى.

Abai.kz

4 پىكىر