ادۆوكاتتىڭ پىكىرىنشە، "سوت قورعاۋ تارابى كەلتىرگەن دايەكتەردىڭ ەشقايسىسىن ەسكەرمەي، بىرجاقتى شەشىم شىعارعان".
- سوت كەلتىرگەن دايەكتەرىمىزدىڭ ەشقايسىسىن ەسكەرگەن جوق. قازاقستان رەسپۋبليكاسىنىڭ قىلمىستىق كودەكسىندەگى 266-باپتىڭ (قازاقستاندا تۇڭعىشباەۆتىڭ ۇستىنەن وسى باپ بويىنشا قىلمىستىق ءىس قوزعالعان - رەد.) قىرعىزستان زاڭىندا بالاماسى جوق. كيشينەۆ كونۆەنتسياسى، وزگە دە حالىقارالىق كەلىسىمدەرگە سايكەس، مۇنداي كەزدە ازاماتتاردى وزگە ەلگە بەرمەيدى. ال ەگەر بەرىلمەسە، وندا قاماۋعا دا الۋعا بولمايدى. وسى سياقتى دالەلدەردىڭ ەشقايسىسى سوتتا ەسكەرىلمەدى. سوت تەك بۇلاردى اينالىپ ءوتتى، - دەيدى نۇربەك توقتاقۋنوۆ.
سوتتان قازاقستاندىق قۇقىق قورعاۋشى عالىم اگەلەۋوۆ تىكەلەي ەفيردە حابار تاراتتى. سوت بارىسىندا تەمىر تور ىشىندە وتىرعان مۇراتبەك تۇڭعىشباەۆ تىكەلەي ەفيردى كورىپ وتىرعاندارعا ء"وزىنىڭ ۇستىنەن قوزعالعان قىلمىستىق ءىستىڭ ساياسي استارى بارىن" ايتتى.
24 مامىردا قىرعىزستان باس پروكۋراتۋراسى قازاقستاندىق بەلسەندى مۇراتبەك تۇڭعىشباەۆتى قازاقستان بيلىگىنە تاپسىرۋ تۋرالى شەشىم شىعارعان.
باس پروكۋراتۋرا قاۋلىسىندا قازاقستاندا بەلسەندىنىڭ ۇستىنەن "قىلمىستىق توپتىڭ قىزمەتىن قارجىلاندىرۋ" (قازاقستان قىلمىستىق كودەكسىنىڭ 266-بابى 1-ءبولىمى) جانە "ەكسترەميستىك ۇيىم قۇرۋ جانە ونىڭ قىزمەتىنە قاتىسۋ" (قازاقستان قىلمىستىق كودەكسىنىڭ 405-بابى، 1-ءبولىمى) بويىنشا ايىپتار تاعىلىپ وتىرعانى جازىلعان. قاۋلىدا سونىمەن بىرگە ونىڭ ۇستالۋىندا "ساياسي استارى جوق" ەكەنى جانە ونىڭ ازاپتاۋعا ۇشىرامايتىنى تۋرالى دا ايتىلعان.
ادۆوكات نۇربەك توقتاقۋنوۆ قىرعىزستان باس پروكۋراتۋراسىنىڭ بۇل شەشىمىنە بايلانىستى اپپەلياتسيالىق شاعىمدى وسى اپتادا سوتقا تۇسىرەتىنىن ايتتى.
قازاقستاندىق بەلسەندى مۇراتبەك تۇڭعىشباەۆتى قىرعىزستاننىڭ ارنايى قىزمەت وكىلدەرى مامىردىڭ 10-ى كۇنى بىشكەكتە تۇرىپ جاتقان جەرىندە ۇستاعان. كەلەسى كۇنى بىشكەكتىڭ پەرۆوماي اۋداندىق سوتى ونى ەكى ايعا قاماۋ تۋرالى شەشىم شىعارعان.
Abai.kz
