ەلباسى نۇرسۇلتان نازارباەۆ «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» قازاقستان رەسپۋبليكاسىنىڭ 1993 جىلعى 8 جەلتوقسانداعى زاڭىنىڭ 9-بابىنا سايكەس وڭتۇستىك قازاقستان وبلىسىنىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشىرىلۋگە قاتىستى جارلىققا قوي قويدى دەپ، حابارلايدى "Abai.kz" اقپاراتتىق پورتالى.

سونداي-اق، پرەزيدەنت نازارباەۆ قازاقستان رەسپۋبليكاسى ۇكىمەتى  مەن وڭتۇستىك قازاقستان وبلىسى اكىمىنە وسى جارلىقتى جۇزەگە اسىرۋ جونىندە قاجەتتى شارالار قابىلداۋدى بۇيىردى.

ال شىمكەنت قالاسى رەسپۋبليكالىق ماڭىزى بار قالالاردىڭ ساناتىنا جاتقىزىلاتىن بولادى.

ايتا كەتەيىك، بۇگىن شىمكەنت قالالىق ءماسليحاتىنىڭ كەزەكتەن تىس XXIX-سەسسياسىندا دەپۋتاتتارعا شىمكەنت قالاسى حالقىنىڭ ءبىر ميلليونعا جەتۋىنە وراي، قالاعا مەگاپوليس ستاتۋسىن بەرۋ ۇسىنىلدى. اتالعان ۇسىنىستى قولداعان حالىق قالاۋلىلارى شىمكەنت قالاسىنا رەسپۋبليكالىق ماڭىزى بار قالا مارتەبەسىن بەرۋ تۋرالى شەشىمگە كەلدى. سەسسيا وتىرىسىندا قالا اكىمدىگىمەن بىرلەسە تاريحي قۇجاتقا قول قويدى. ەندى بۇل قۇجات وڭتۇستىك قازاقستان وبلىستىق ءماسليحاتىنىڭ قاراۋىنا ۇسىنىلادى. بۇل تۋرالى وقو اكىمدىگىنىڭ ءباسپاسوز قىزمەتى حابارلادى.

حالىق قالاۋلىلارىنىنان بولەك سەسسيا جۇمىسىنا قاتىسقان وبلىس اكىمى ج.تۇيمەباەۆ پەن قالا اكىمى ن.ساۋرانباەۆ بارشانى شىمكەنت قالاسى تۇرعىندارىنىڭ 1 ميلليونعا جەتۋىمەن شىن جۇرەكتەن قۇتتىقتادى.

«شىمكەنت قالالىق ءماسليحاتىنىڭ VI شاقىرىلىمداعى دەپۋتاتتارى كەزەكتەن تىس XXIX-سەسسياسىندا ەل ءومىرى ءۇشىن ماڭىزدى ماسەلەگە داۋىس بەردى. ەلباسىمىز نۇرسۇلتان ءابىشۇلى نازارباەۆتىڭ باستاماسىمەن بىرنەشە جىل بۇرىن شىمقالانى ميلليون تۇرعىنى بار ورتالىققا اينالدىرۋ باستاماسى كوتەرىلگەن بولاتىن. ەندى مىنە، سول ماقسات جۇزەگە اسىپ، شىمكەنت ەلىمىزدەگى ميلليوندىق حالقى بار ءۇش قالانىڭ بىرىنە اينالدى. قۇتتىقتايمىن! ءبىزدىڭ سۇيىكتى قالامىزدىڭ ورنى ءوڭىر ءۇشىن عانا ەمەس، قازاقستان ءۇشىن دە ايرىقشا ماڭىزعا يە. ۇلى جىبەك جولىنىڭ بويىنداعى بۇل شاھاردىڭ تاريحى مەن تامىرى تىم تەرەڭدە جاتىر. ورتا ازياداعى سان عاسىرلىق عۇمىرى بار ساناۋلى قالالاردىڭ ءبىرى بولعان شىمكەنت، ەندى بىرەگەيىنە اينالۋ باعىتىنا ءتۇستى. مۇنىڭ بارلىعى بىزگە زور ماقتانىشپەن قاتار، ۇلكەن جاۋاپكەرشىلىك جۇكتەيدى»،-دەدى ج.تۇيمەباەۆ.

Abai.kz