سوت شەشىمىنە سايكەس، بەكتۋر اسانوۆ پەن كۋبانىچبەك كادىروۆقا كەسىلگەن 12 جىل جازا مەرزىمى سەگىز جىلعا دەيىن قىسقارتىلعان. ال 20 جىلعا سوتتالعان ەرنەست كارىبەكوۆتىڭ مەرزىمىن التى جىلعا دەيىن تومەندەتكەن.
ۇشەۋى 2016 جىلدىڭ ناۋرىز ايىندا ۇستالعان. سول جىلى ينتەرنەتتە سوتتالۋشىلاردىڭ داۋىستارىنا ۇقسايتىن اۋديوجازبا پايدا بولدى. وندا ۇكىمەتتى قۇلاتۋ جايىندا تالقىلانعان. ولاردى قاماۋعا العانعا دەيىن اسانوۆ جازبانىڭ جالعان ەكەنىن، «وپپوزيتسيانى بوپسالاۋ ءۇشىن ادەي جاسالعان» دەپ مالىمدەدى.
ءۇش ساياساتكەرگە دە بيلىكتى كۇشپەن تارتىپ الماق بولدى دەگەن ايىپ تاعىلدى. ولار بىلتىر ءساۋىر ايىندا ۇستالعان بولاتىن. بيىل اقپان ايىندا بىشكەك قالالىق سوتى ولارعا شىققان ۇكىمدى كۇشىندە قالدىرىپ، ارنايى قىزمەتتىڭ تەرگەۋ اباقتىسىنان بىشكەك شەتىندەگى تۇرمەگە اۋدارعان.
Abai.kz
