دۇيسەنبى, 25 ماۋسىم 2018
دەپ جاتىر 1983 4 پىكىر 13 ماۋسىم, 2018 ساعات 10:56

تەستىلەۋدەن 20 مىڭنان اسا مۇعالىم وتە الماي قالدى

ەلىمىزدەگى 20 مىڭنان اسا مۇعالىم ۇلتتىق بىلىكتىلىك تەستىلەۋىنىڭ مەجەلىك دەڭگەيىنەن وتە المادى. بۇل تۋرالى ۇلتتىق تەستىلەۋ ورتالىعىنىڭ ءباسپاسوز قىزمەتى حابارلايدى.

مۇعالىمدەرگە ارنالعان ۇلتتىق بىلىكتىلىك تەستىلەۋى 26-28 مامىر ارالىعىندا رەسپۋبليكا بويىنشا العاش رەت ءوتتى. تەستىلەۋگە قاتىسۋعا ءوتىنىش بەرگەن 60,4 مىڭ مۇعالىمنىڭ تەك 56,9 مىڭى تەستىگە قاتىسقان.

«ۇلتتىق بىلىكتىلىك تەستىلەۋدىڭ قورىتىندىسى بويىنشا شەكتى دەڭگەيدەن 36272 (63,74%) تەستىلەنۋشى، ولاردىڭ ىشىندە قازاق تىلىندە – 23758, ورىس تىلىندە – 12514 ءوتتى. رەسپۋبليكا بويىنشا ورتاشا ۇپاي –110 باللدان 68,27 ۇپاي»، – دەلىنەدى حابارلامادا.

سونداي-اق، تەستىلەۋ ورتالىعىنداعىلار تەست ناتيجەسى بويىنشا ەڭ ۇزدىك كورسەتكىشتى «پەداگوگ-ساراپشى» ساناتىنا ءوتىنىش بەرگەندەر كورسەتكەنىن مالىمدەدى.

«پەداگوگ- مودەراتور» بىلىكتىلىگى بويىنشا ءوتىنىش بەرگەندەر – 17775. شەكتى دەڭگەيدەن وتكەندەر – 11 505, ونىڭ ىشىندە قازاق تىلىندە – 7905, ورىس تىلىندە – 3600. ورتاشا بالل – 68,1.

«پەداگوگ- ساراپشى» بىلىكتىلىگى بويىنشا ءوتىنىش بەرگەندەر – 22231. شەكتى دەڭگەيدەن وتكەندەر – 13358, ونىڭ ىشىندە قازاق تىلىندە – 8965, ورىس تىلىندە – 4393 تەستىلەنۋشى. ورتاشا بالل – 63,5 قۇرادى.

«پەداگوگ- زەرتتەۋشى» بىلىكتىلىگى بويىنشا ءوتىنىش بەرگەندەر – 18490. شەكتى دەڭگەيدەن وتكەندەر – 10652, ونىڭ ىشىندە قازاق تىلىندە – 6457, ورىس تىلىندە – 4195 تەستىلەنۋشى. ورتاشا بالل – 68,1 قۇرادى.

«پەداگوگ- شەبەر» بىلىكتىلىگى بويىنشا ءوتىنىش بەرگەندەر – 1980. شەكتى دەڭگەيدەن وتكەندەر – 757, ونىڭ ىشىندە قازاق تىلىندە – 431, ورىس تىلىندە – 326 تەستىلەنۋشى. ورتاشا بالل – 43,1 قۇرادى.

Abai.kz

4 پىكىر