دۇيسەنبى, 25 ماۋسىم 2018
978 0 پىكىر 14 ماۋسىم, 2018 ساعات 12:15

قىرعىز سوتى ەكس-پرەمەر-مينيستر ساپار يساكوۆتى قاماۋدا قالدىردى

13 ماۋسىمدا بىشكەك سوتى بۇرىنعى پرەمەر-مينيستر ساپار يساكوۆتىڭ قورعاۋشىلارىنىڭ بۇلتارتپاۋ شارالارىن وزگەرتۋ جونىندەگى ءوتىنىشىن قاناعاتتاندىرمادى. ادۆوكاتتار ونى ۇيقاماققا اۋىستىرۋ جونىندە ءوتىنىش تۇسىرگەن.

بىشكەك قالالىق سوتى الدىندا شەشىم شىعارار كۇنى ساپار يساكوۆتى قولداۋ اكتسياسى ءوتتى.

وسىعان دەيىن پەرۆوماي اۋداندىق سوتى يساكوۆتى ۇلتتىق قاۋىپسىزدىك مەملەكەتتىك كوميتەتىنىڭ (ۇقمك) تەرگەۋ اباقتىسىنا قاماۋ تۋرالى شەشىم شىعارعان.

5 ماۋسىمدا ۇقمك يساكوۆتى «بىشكەك قالاسىندا جىلۋ ەلەكتر ستانتسياسىن مودەرنيزاتسيالاۋ» جوباسىن جۇزەگە اسىرۋ بارىسىندا جەمقورلىققا باردى دەگەن ايىپپەن ۇستاعان.

وعان «قر پرەزيدەنت اكىمشىلىگى جەتەكشىسىنىڭ سىرتقى ساياسات جونىندەگى ورىنباسارى قىزمەتىندە جۇرگەندە، شەتەلدىك كومپانيانىڭ مۇددەسىن قورعادى» دەگەن ايىپ تاعىلعان.

يساكوۆ وزىنە تاعىلعان ايىپتاردى مويىندامايدى. «بۇل بارىپ تۇرعان ادىلەتسىزدىك. ايتارعا ءسوزىم جوق»، - دەگەن يساكوۆ جۋرناليستەرگە بەرگەن سۇقباتىندا.

Abai.kz

0 پىكىر