جۇما, 29 ناۋرىز 2024
3946 0 پىكىر 14 ماۋسىم, 2018 ساعات 12:41

Kazakh Invest پەن قوستاناي وبلىسىنىڭ اكىمدىگى ىنتىماقتاستىق تۋرالى مەموراندۋمعا قول قويدى

استانادا قوستاناي وبلىسىنىڭ اكىمى ارحيمەد مۇحامبەتوۆ پەن «Kazakh Invest» ۇك باسقارما توراعاسى ساپاربەك تۇياقباەۆ ءوڭىردىڭ ينۆەستيتسيالىق تارتىمدىلىعىن جاقسارتۋ ماقساتىندا ىنتىماقتاستىق تۋرالى مەموراندۋمعا قول قويدى.

مەموراندۋمعا سايكەس، قوستاناي وبلىسىنىڭ اكىمدىگى شيكىزاتتىق بازانىڭ، جەر رەسۋرستارىنىڭ، ينفراقۇرىلىممەن قامتاماسىز ەتىلۋ جانە ت.ب. ءتارىزدى كريتەريلەردى ەسكەرە وتىرىپ ينۆەستيتسيالار سالۋدى تالاپ ەتەتىن باستى جوبالار ءتىزىمىن جاسايدى. Kazakh Invest ءوز كەزەگىندە جوبالاردى جۇزەگە اسىرۋ ءۇشىن الەۋەتتى ينۆەستورلاردى ىزدەۋمەن جانە تارتۋمەن اينالىسادى.

تاراپتار ينۆەستورلاردىڭ وتىنىشتەرىن جىلدام قاراستىرۋ، ولارعا قولداۋ كورسەتۋ جانە «ءبىر تەرەزە» قاعيداسى بويىنشا قىزمەتتەر كورسەتۋ، ينۆەستيتسيالىق جوبالارعا بىرلەسكەن مونيتورينگ جۇرگىزۋ جانە IRM (Investors Relationship Management) اقپاراتتىق-مونيتورينگتىك جۇيەسىنە كەلىپ تۇسەتىن ينۆەستورلاردىڭ سۇراقتارىن شەشۋ تۋرالى كەلىسىمگە كەلدى.

بۇدان وزگە، استاناداعى جۇمىس كەڭەسى بارىسىندا شەتەلدىك ينۆەستورلار قاتىساتىن جوبالار جانداندىرىلعان.

اتالمىش كەزەڭدەگى قوستاناي وبلىسىنىڭ ينۆەستيتسيالىق جوبالارى ءتىزىمى جالپى سوماسى 146,1 ملرد تەڭگە بولاتىن 21 ينۆەستيتسيالىق جوبادان تۇرادى، ولاردىڭ ىشىندە 80% استامى — شەتەلدىك ينۆەستيتسيالار.

«ءبىز 60-قا جۋىق جاڭا ينۆەستورلاردى انىقتادىق، ەندى اتالعان جوبالاردى ورنالاستىرۋ، جايعاستىرۋ ءۇشىن وبلىس اكىمدىكتەرىمەن بەلسەندى جۇمىستى باستايمىز»، — دەپ اتاپ ءوتتى Kazakh Invest باسشىسى ساپاربەك تۇياقباەۆ.

س. تۇياقباەۆتىڭ ايتۋىنشا، قوستاناي وبلىسىندا ينۆەستورلار ءۇشىن قولايلى جاعدايلار جاسالىنعان، Kazakh Invest بارلىق سۇراقتار بويىنشا قولداۋ كورسەتەدى. قازىردىڭ وزىندە وڭىرلىك جوبالار بويىنشا ناقتى شەتەلدىك ينۆەستورلارمەن كەلىسسوزدەر جۇرگىزۋ تۋرالى كەلىسىمدەرگە قول جەتكىزىلگەن. جىل باسىنان بەرى Kazakh Invest وكىلدەرى ينۆەستيتسيا سالۋ ءۇشىن نەعۇرلىم تارتىمدى 11 ەلدىڭ ءىرى كومپانيالارىمەن كەلىسسوزدەر جۇرگىزەدى.

«ءبىز قوستاناي وبلىسى اۋماعىندا ءىرى زاكىرلىك جوبالاردى جۇزەگە اسىرۋ ءۇشىن Kazakh Invest-پەن بىرگە ىنتىماقتاسا جۇمىس اتقارامىز. قازىرگى تاڭدا وڭىردە 400 گا يندۋستريالدىق ايماقتىڭ قۇرىلىسى سالىنۋدا. ەڭ العاشقىلاردىڭ ءبىرى بولىپ ينۆەستيتسياسىنىڭ جالپى كولەمى $1,1 ملرد قۇرايتىن سمس قىتاي كومپانياسى جانە «الليۋر كومپانيالار توبى» اۆتوموبيل كلاستەرىن دامىتۋ بويىنشا جوباسى ورنالاساتىن بولادى. بۇل تۋرالى كەلىسىمگە ەلباسىمىزدىڭ جۋىرداعى قىتايعا ساپارى بارىسىندا قول جەتكىزىلدى»، — دەپ اتاپ ءوتتى قوستاناي وبلىسىنىڭ اكىمى ارحيمەد مۇحامبەتوۆ.

ايتا كەتۋ كەرەك، قوستاناي وبلىسىنىڭ اكىمدىگى ءوڭىردىڭ ينۆەستيتسيالىق جوبالارى مەن اۋماقتارى، سونداي-اق قولجەتىمدى ينفراقۇرىلىمنىڭ جانە پايدالى قازبالار تۋرالى اقپاراتتان تۇراتىن ينتەراكتيۆتى ينۆەستيتسيالىق كارتا ەنگىزدى. كارتاداعى بارلىق اقپارات قازاق، ورىس جانە اعىلشىن تىلدەرىندە سايتتا قول جەتىمدى. وڭىردە قولداۋ كورسەتۋگە جانە الەۋەتتى ينۆەستورلاردىڭ وڭىردەگى پروبلەمالىق ماسەلەلەرىن جانە جۇيەلىك كەدەرگىلەردى قاراستىرۋعا ارنالعان ينۆەستورلاردى تارتۋ بويىنشا كەڭەس قىزمەت اتقارادى.

جۋىردا قوستاناي وبلىسىندا بىرقاتار ءىرى ينۆەستيتسيالىق جوبالاردى جۇزەگە اسىرۋ جوسپارلانۋدا. ءىرى جوبالاردىڭ ءبىرى، جالپى قۇنى 81,4 ملرد تەڭگەنى قۇرايتىن ءداندى جانە مايلى داقىلداردى تەرەڭ وڭدەۋ بويىنشا اۋىل شارۋاشىلىعى حابىن قۇرۋ بولىپ تابىلادى. جوبالىق قۋاتتىلىعى 600 000 توننا بيدايدى (ونىڭ ىشىندە، 100 000 توننا ۇن، 100 000 توننا گليۋتەن جانە 350 000 توننا كەسپە ءوندىرۋ), 120 000 توننا ماي ونىمدەرىن وڭدەۋگە، ءبىر ميلليون تونناعا دەيىن قوسپا جەم وندىرۋگە شاقتالعان. سونىمەن قاتار، ەلباسىنىڭ ساپارى اياسىندا قوستاناي وبلىسىنداعى ماشينا جاساۋ سالاسىن دامىتۋ بويىنشا بىرقاتار كەلىسىمدەرگە قول قويىلدى. ماسەلەن، «الليۋر كومپانيالار توبى» اق، قىتايلىق China National Machinery Import and Export, Co كومپانياسى جانە «بايتەرەك» حولدينگى اراسىندا جول كارتاسىنا قول قويىلدى. اتالمىش جوبا شەڭبەرىندە ينۆەستيتسيالاردىڭ جالپى كولەمى $1,1 ملرد قۇرايتىن تولىققاندى اۆتوموبيل كلاستەرىن (اۆتوبۋستار، جۇك كولىكتەرى، ەلەكتروموبيلدەر) قۇرۋ جوسپارلانۋدا. بۇدان وزگە، «اگروماش حولدينگ KZ» اق جانە YTO (قىتايلىق تراكتور تەحنيكاسىنىڭ ەڭ ءىرى ءوندىرۋشىسى) اراسىندا قازاقستاندا تراكتورلاردى قۇراستىرۋ ءوندىرىسىن ۇيىمداستىرۋ بويىنشا ىنتىماقتاستىق تۋرالى مەموراندۋم جاسالدى. بۇدان ءارى جوبانى ىسكە اسىرۋ بويىنشا جول كارتاسىنا قول قويۋ جوسپارلانۋدا.
Abai.kz
0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554