جۇما, 29 ناۋرىز 2024
ءسۇيىنشى! 4881 22 پىكىر 19 ماۋسىم, 2018 ساعات 18:45

ءCۇيىنشى، تۇركىستان وبلىسى قۇرىلاتىن بولدى!

ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان  رۋحاني تۇلەۋ وڭتۇستىككە شۋاعىن توككەنىن ايتىپ، بۇگىن عانا "قازاقستان اتاۋىن كىشىرەيتۋدى دوعارۋ كەرەك" دەگەن ماقالا جاريالاپ، وڭتۇستىك قازاقستان وبلىسىنىڭ اتاۋىن تۇركىستان، يا تۇران وبلىسى دەپ وزگەرتەتىن كەز كەلگەنىن جازعان ەدىك.

ەندى، مىنە، «قازاقستان رەسپۋبليكاسىنىڭ اكiمشiلiك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس تۇركىستان وبلىسى قۇرىلاتىن بولدى، - دەپ حابارلايدى اباي-اقپارات.

ءبىز بۇگىن عانا "قازاقستان اتاۋىن كىشىرەيتۋدى دوعارۋ كەرەك" دەگەن ماقالادا وڭتۇستىك قازاقستان وبلىسىنىڭ اتاۋىن تۇركىستان، يا تۇران وبلىسى دەپ وزگەرتەتىن كەز كەلگەنىن اشىق ايتتىق.

كەشكىسىن سول ماسەلە تولىقتاي شەشىم تاۋىپ، ەلباسىنىڭ جارلىعى شىقتى.

ول جارلىقتا:

"1. شىمكەنت قالاسى   رەسپۋبليكالىق ماڭىزى بار قالالاردىڭ ساناتىنا جاتقىزىلسىن.

2. وڭتۇستىك قازاقستان وبلىسىنىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشىرىلسىن.

3. وڭتۇستىك قازاقستان وبلىسى تۇركىستان وبلىسى دەپ قايتا اتالسىن.

4. قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسىنىڭ جوعارعى سوتىمەن، قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندارمەن بىرلەسىپ:

ءبىر اي مەرزىمدە وسى جارلىقتى ىسكە اسىرۋ جونىندە ۇيىمداستىرۋ ءىس-شارالارىنىڭ جوسپارىن (جول كارتاسىن) بەكىتسىن;

2018 جىلعى 1 قىركۇيەككە دەيىن قازاقستان رەسپۋبليكاسىنىڭ زاڭنامالىق اكتىلەرىن وسى جارلىققا سايكەس كەلتىرۋدى قامتاماسىز ەتەتىن شارالار قابىلداسىن;

وسى جارلىقتى ىسكە اسىرۋ جونىندە وزگە دە شارالار قابىلداسىن;

2) تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ بويىنشا باس جوسپاردى ازىرلەۋگە كونكۋرس ۇيىمداستىرۋ جانە وتكىزۋ جونىندەگى كوميسسيا قۇرسىن.

5. ورتالىق مەملەكەتتىك ورگاندار جانە شىمكەنت قالاسى مەن تۇركىستان وبلىسىنىڭ جەرگىلىكتى مەملەكەتتىك ورگاندارى ءتيىستى جەرگىلىكتى مەملەكەتتىك ورگاندار مەن ۇيىمداردىڭ ىركىلىسسىز ءارى ءتيىمدى جۇمىس ىستەۋىن قامتاماسىز ەتۋ جونىندە شارالار قابىلداسىن.

6. تۇركىستان وبلىسىنىڭ جەرگىلىكتى وكىلدى جانە اتقارۋشى ورگاندارى، سونداي-اق ورتالىق مەملەكەتتىك ورگانداردىڭ اۋماقتىق بولىمشەلەرى مەن ۆەدومستۆولىق باعىنىستى مەكەمەلەرى تۇركىستان قالاسىنا كوشكەنگە دەيىن شىمكەنت قالاسىندا ورنالاسادى دەپ بەلگىلەنسىن.

7. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

8. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى" دەلىنگەن.

تۇركىستان وبلىسى قۇتتى بولسىن، اعايىن! ەندى سولتۇستىك، شىعىس، باتىس قازاقستان ءھام پاۆلودار اتاۋلارى تەزىرەك وزگەرىپ، تاريحي اتاۋلارىن السا دەگەن تىلەگىمىز بار. الماتى وبلىسىن جەتىسۋ دەپ وزگەرتۋ ماسەلەسى دە بولاشاقتا شەشىمىن تابارىنا سەنىمىمىز مول. سوندا عانا ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ رۋحى بۇكىل قازاققا سەزىلەرى حاق.

ءشارىپحان قايسار

Abai.kz 

22 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590