كۇنى كەشە قازاق قىزىنىڭ قىتايلىق ازاماتقا تۇرمىسقا شىققانى جايلى اقپارات الەۋمەتتىك جەلىدە جىلدام تارالىپ، ءبىر توپ قازاقستاندىق تويدى وتكىزبەي تاستاعان بولاتىن. وسى ماسەلەنى كورگەن ەلىمىزدىڭ تانىمال تۇلعالارى ارالاس نەكەگە قارسى ەكەنىن ءبىلدىرىپ، تەرىس پىكىر ءبىلدىردى. بۇل تۋرالى arhar.kz سايتى جازدى.

ولاردىڭ قاتارىندا ساكەن مايعازيەۆ پەن بالعىنبەك يماش جانە مۇقاسان شاحزاداەۆ بار.

«ءسوزىم جوق. ىشتەن شىققان جاۋ جامان. اۋدارماشى نامىسسىز جەڭگەتايدىڭ جاعىن سىندىرار ما ەدى»، — دەدى مايعازيەۆ.

ال مۇقاسان شاحزاداەۆ: «قايران قازاعىم، ۇرپاعىڭنىڭ وسىنداي بولارىن ءبىلدىڭ بە؟ ءاي بىلمەدىڭ-اۋ! بىلسەڭ وسىنشاما جەرگە ۇرپاعىڭ ءۇشىن قانىڭدى توكپەس ەدىڭ»، — دەپ نارازى بولدى.

ەلىمىزگە بەلگىلى ايتىسكەر اقىن بالعىنبەك يماشەۆ بولسا، «ۇيقىداعى سورلى قازاق» دەپ نامىسى بار ازاماتتاردى وياتۋعا تىرىستى.

«قىتاي. قارا قىتاي. ۇيقىداعى سورلى قازاق! سورىڭ بەس ەلى! نامىسىڭا ناركوز بەرىپ ۇيىقتاتقان. ۇياتىڭدى ۇرلاعان. تەكتىلىگىڭدى توناعان. ارىڭدى سىلىپ، رۋxىڭدى ىرەپ تاستاعان. 27 جىل بۇرىن ەلباسىمىز تاۋەلسىز قازاقستان ەسىگىن ايقارا اشىپ: «اتامەكەنگە ورالىڭدار، قاراگوز قانداستار! كوك تۋدىڭ استىنا جينال، ءيسى قازاق بالاسى!» — دەپ جار سالدى!

كەلمەدى ەمەس، كەلدى! قيىندىق كورمەدى ەمەس، كوردى! ءبىرى ماڭعول، ءبىرى قىتاي، ءبىرى يران، ءبىرى اۋعان، ءبىرى تۇرىك اتانبادى ەمەس، اتاندى. بىراق، ولاردىڭ اتامەكەندە دۇنيەگە كەلگەن ەندىگى ۇرپاعىن ەشكىم ولاي اتامايدى! جالپى، بوتەن ەلدەن ءوز ەلىڭە، كاپىر ەلدەن مۇسىلمان ەلگە مال-دۇنيە ءۇشىن كوشپەي قالۋ — ادامعا ۇلكەن سور مەن اۋىر سىناقتار اكەلەدى. «جارقىن جەتىدەن» باسقا ونداعى قانداستاردىڭ قامىن جەپ، جانى اۋىرعان ادام كورمەدىك»، — دەدى اقىن.

Abai.kz