ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى «جاھاندىق ومىردەگى زاماناۋي قازاقستان مادەنيەتى» ماسەلەسى اياسىندا كەلەلى جۇمىستار جاسالا باستادى. سونىڭ ءبىر مىسالى استانادا وتەتىن «دومبىرا - اسىل مۇرا» شاراسى.

1 شىلدە - ۇلتتىق دومبىرا كۇنى استانادا وتەتىن «دومبىرا - اسىل مۇرا» كوپشىلىك سەرۋەندەرى كەزىندە 3 مىڭ كۇيشى بىرنەشە كۇيدى ورىندايتىن بولدى، دەپ حابارلايدى قر مادەنيەت جانە سپورت مينيسترلىگىنىڭ ءباسپاسوز قىزمەتى.

2 مىڭعا تارتا ونەرپازى قر مادەنيەت جانە سپورت مينيسترلىگىنە قاراستى ۇيىمداردان تارتىلىپ وتىر». بۇل تۋرالى وكق-دا وتكەن ءباسپاسوز ءماسليحاتىندا قۇرمانعازى اتىنداعى قازاق مەملەكەتتىك-اكادەميالىق حالىق اسپاپتار وركەسترىنىڭ ديرەكتورى نۇرعيسا داۋەشەۆ ءمالىم ەتتى.

«قۇرمانعازى اتىنداعى مەملەكەتتىك-اكادەميالىق حالىق وركەسترى ۇجىمىنىڭ اتىنان جالپى بارشا دومبىراشىلاردىڭ، ونەرپازداردىڭ، كۇيشىلەردىڭ اتىنان ەلباسىمىزعا وسىناۋ ايتۋلى كۇندى زاڭ اياسىندا بەكىتكەنىنە العىس ايتامىز. ارينە، دومبىرا ول جاي عانا اسپاپ ەمەس، ەلىمىزدىڭ ءسوزى مەن ءتىلى. سوندىقتان، بۇل كۇن ايتۋلى مەرەكە بارشا ونەرپازداردىڭ جوعارى دەڭگەيدە ۇلكەن سەرپىلىس بەرەرى ءسوزسىز. دومبىرا كۇنى اياسىندا قۇرمانعازى اتىنداعى وركەستر ءوزىنىڭ ۇلكەن شارالاردى قولعا الىپ وتىر. باستىسى - استانا قالاسىندا وتەتىن «دومبىرا - اسىل مۇرا» اتتى ۇلكەن كونتسەرتتىك ءىس-شارا. بۇل شاراعا 3 مىڭعا تارتا ونەرپاز قاتىسادى دەپ جوسپارلانىپ وتىر. 2 مىڭعا تارتا ونەرپازى قر مادەنيەت جانە سپورت مينيسترلىگىنە قاراستى ۇيىمداردان تارتىلىپ وتىر»، - دەيدى ول.

نۇرعيسا داۋەشەۆتىڭ ايتۋىنشا، بۇل مەرەكە - بارشا دومبىراشىلار مەن ونەرپازدار ءۇشىن ۇلكەن سەرپىلىس.

ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى «جاھاندىق ومىردەگى زاماناۋي قازاقستان مادەنيەتى» ماسەلەسى اياسىندا بۇل شارا الداعى  جىلداردا دا جالعاسىن تاپپاق.

Abai.kz