دۇيسەنبى, 16 قىركۇيەك 2019
983 0 پىكىر 8 تامىز, 2018 ساعات 11:31

قازاقستان مەن قىرعىزستان شەكاراسىندا 650 قۇتقارۋشى جايلاۋداعى ءورتتى ءسوندىرىپ جاتىر

قىرعىزستاننىڭ تالاس وبلىسى المالۋ جايلاۋىنداعى ءورت قازاقستان اۋماعىن دا شارپىدى. قىرعىز تاراپىنان ءتىلسىز جاۋمەن 500 ادام، ال قازاقتار تاراپىنان شامامەن 150 ادام ءورت ءسوندىرىپ جاتىر. بۇعان قوسا، قازاقستاندىقتار ءورتتى سوندىرۋگە تىكۇشاق قولداندى.

سوڭعى مالىمەتتەر بويىنشا، قىرعىزستان جاعىندا شامامەن ءبىر گەكتاردى ءورت شارپىعان.

تالاس وبلىسى ماناس اۋدانى اۋماعىنداعى المالۋ جايلاۋىندا 5 تامىزدا قۋراعان ءشوپ ورتەنە باستاعان. توتەنشە جاعدايلار مينيسترلىگى جايلاۋداعى ءورت 28 ماۋسىمدا تۇتانعانىن حابارلادى. ونى 4 تامىزدا سوندىرگەن، بىراق ەرتەسىنە ءورت قايتا تۇتانىپ، شامامەن 2 مىڭ گەكتار جەردى العان.

ءتىلسىز جاۋمەن كۇرەسكە تالاس وبلىسىنىڭ بىرنەشە اۋدانىنداعى ءورت ءسوندىرۋ قىزمەتتەرى جۇمىلدىرىلدى. 1 تامىزدا ماناس اۋدانىندا توتەنشە جاعداي ەنگىزىلدى.

Abai.kz

0 پىكىر