جۇما, 29 ناۋرىز 2024
ساڭلاق 4617 0 پىكىر 22 تامىز, 2018 ساعات 10:29

ازيادا-2018: العاشقى ءۇش جارىس كۇنىندە 13 مەدال بۇيىردى

ءتورت جىلدا ءبىر وتەتىن جازعى ازيا ويىندارى بيىل يندونەزيا استاناسى دجاكارتا قالاسىندا ءوتىپ جاتىر. سارى قۇرلىقتىڭ باستى باسەكەسىندە ەلىمىز اتىنان 400-دەن اسا سپورتشى باق سىناۋدا.

ەلىمىز سپورتشىلارى العاشقى جارىس كۇنىندە ەل قورجىنىنا ءتورت مەدال سالعان بولاتىن. اتاپ ايتار بولساق، التىن مەدالدى سەمسەرلەسۋشى دميتري الەكسانين، كۇمىس جۇلدەنى ەركىن كۇرەس شەبەرى دانيار قايسانوۆ (74 كەلى) جەڭىپ الدى. ال قوس قولا مەدال دە ءدال وسى ەركىن كۇرەستەن سىنعا تۇسكەن بالۋاندارعا بۇيىردى. 86 كەلىگە دەيىنگى سالماق دارەجەسىندە بەلدەسكەن ادىلەت داۋلامباەۆ پەن 65 كەلى سالماق دارەجەسىندە ونەر كورسەتەتىن ساياتبەك وقاسوۆ قۇرلىق بىرىنشىلىگىنىڭ قولا جۇلدەگەرى اتاندى.

ال ەكىنشى جارىس كۇنى قازاقستاندىق سپورتشىلار ءۇشىن اسا ءساتتى بولا قويعان جوق. بار بولعانى ءبىر كۇمىس، ءبىر قولا جۇلدەمەن شەكتەلدىك. كۇمىس مەدالدى بالۋان قىز جۇلدىز ەشىموۆا (53 كەلى) جەڭىپ الدى. قولا جۇلدە تاەكۆوندوشى فاريزا الدوڭعاروۆانىڭ ەنشىسىنە بۇيىردى.

ءۇشىنشى جارىس كۇنى كوكتەن كۇمىس پەن قولا جۇلدە جاۋعان كۇن بولدى. بۇل كۇنى ەلىمىز سپورتشىلارى ءۇش كۇمىس، ءتورت قولا مەدالگە قول جەتكىزدى. ءدۇبىرلى دودانىڭ ەكىنشى ورىن يەگەرى اتانعان قازاقستاندىقتار: تاەكۆوندوشى جانسەل دەنيز (+67 كەلى), بالۋان المات كەبىسپاەۆ (67 كەلى) جانە سۋ دوبىنان ەلىمىزدىڭ ايەلدەر قۇراماسى.

ال ۇزدىك ءۇشىنشى ورىننان كورىنگەن سپورتشىلار قاتارىندا ماۋنتينبايكەر كيريلل كازانتسەۆ، بالۋاندار ەلميرا سىزدىقوۆا (76 كەلى) مەن مەيرامبەك ايناعۇلوۆ (60 كەلى), تاەكۆوندوشى رۋسلان جاپاروۆتار (80 كەلى) بار.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584