ايدوس سارىمنىڭ قوعامدىق دامۋ ءمينيسترىنىڭ شتاتتان تىس كەڭەسشىسى بوپ تاعايىندالۋىنا قاتىستى كوممەنتاري سۇراپ جاتىر.

جاۋاپ بەرەيىن.

و باستان مەن قوعام مەن بيلىك اراسىنداعى ديالوگ ماسەلەسى ابستراكتىلى، ناقتى ءمان-مازمۇنى، ءىس-قيمىلى جوق ۇرانداردان گورى ورتاق تاقىرىپتار مەن جوبالار بويىنشا ناقتى تىرلىككە ۇلاسۋى كەرەك ەكەنىن ايتىپ ءجۇرمىن.
ايدوس سەكىلدى تانىمال، وزىندىك پوزيتسياسى بار ازاماتتىڭ دەموكراتيالىق ۇيىمدار قاتارىندا ءجۇرىپ، وكىمەتپەن دە ءتىل تابىسۋىن زاماناۋي، مەملەكەتتى العا جەتەلەيتىن ترەندتىڭ ءبىرى دەپ بىلەمىن.

سول سەبەپتى بيلىكتىڭ وسىناۋ شەشىمىن، ايدوس باۋىرىمنىڭ قادامىن قولدايمىن.

ينتەللەكتۋال، ۇلتشىل ءارى مەملەكەتشىل كۇشتەر بيلىككە كەلۋ پروتسەسى دە وسىمەن توقتاپ قپلماي، ءوز جالعاسىن تابۋى ءتيىس.

ءوزى ايتقانداي، ول "جاڭا قازاقستان" فورۋمىنىڭ قاتارىنداعى قىزمەتىن جالعاستىرا بەرمەك. ءبىزدىڭ فورۋم دا وپپوزيتسيالىق سىڭايدا بولىپ، حالىق پەن بيلىك اراسىنداعى شىنايى، ءپرينتسيپتى ديالوگ تۋرالى ايتىپ كەلەدى ەمەس پە؟