قاراپ جۇرمەي وزىمدە دە بار. قوعامدى قوعاداي شۋلاتقان حيدجاب ماسەلەسىن كوتەرىپ نەم بار ەدى دەسەڭىزشى؟ بىراق مەن ونى يسلام اتىن قارالاۋ ءۇشىن نەمەسە يسلامدى قۇبىجىق قىلىپ كورسەتۋ ءۇشىن جاساماعانىم قۇدايعا ايان. اتا-بابامىز حاق ءدىن دەپ تانىپ، سان عاسىرلار بويى يگىلىگى مەن ارتىقشىلاقتارىن كورىپ كەلگەن دىنگە قاستىق قىلۋ، ءتىپتى ءۇش ۇيىقتاسام تۇسىمە كىرمەپتى.

ينتەرنەت پايدالانۋشى جاماعاتتىڭ سايتتا بايبالام پىكىرلەر جازىپ، قمدب باسشىلىعىنىڭ قولىنا تەلەفون الدىرعان ماقالانىڭ «يسلام ەروتيكاسى» دەگەن تاقىرىبى بولسا كەرەك. تاقىرىپتى مەن يسلامدا ەروتيكا بولعاندىقتان ەمەس، اتالعان سۋرەتتەردىڭ كورمەسىنىڭ اتاۋىنا بايلانىستى العامىن.

قاراپ جۇرمەي وزىمدە دە بار. قوعامدى قوعاداي شۋلاتقان حيدجاب ماسەلەسىن كوتەرىپ نەم بار ەدى دەسەڭىزشى؟ بىراق مەن ونى يسلام اتىن قارالاۋ ءۇشىن نەمەسە يسلامدى قۇبىجىق قىلىپ كورسەتۋ ءۇشىن جاساماعانىم قۇدايعا ايان. اتا-بابامىز حاق ءدىن دەپ تانىپ، سان عاسىرلار بويى يگىلىگى مەن ارتىقشىلاقتارىن كورىپ كەلگەن دىنگە قاستىق قىلۋ، ءتىپتى ءۇش ۇيىقتاسام تۇسىمە كىرمەپتى.

ينتەرنەت پايدالانۋشى جاماعاتتىڭ سايتتا بايبالام پىكىرلەر جازىپ، قمدب باسشىلىعىنىڭ قولىنا تەلەفون الدىرعان ماقالانىڭ «يسلام ەروتيكاسى» دەگەن تاقىرىبى بولسا كەرەك. تاقىرىپتى مەن يسلامدا ەروتيكا بولعاندىقتان ەمەس، اتالعان سۋرەتتەردىڭ كورمەسىنىڭ اتاۋىنا بايلانىستى العامىن.

ماقالانى دايىنداعان مەنىمەن قوسا سۋرەتشى ماكان ەماديدىڭ دە يت تەرىسىن باسىنا قاپتاعان «مۇسىلمان» باۋىرلارىم (اللانىڭ اتىن اۋىزعا الىپ وتىرىپ ەڭ جيىركەنىشتى سوزدەردى ايتقانداردى تىرناقشاسىز مۇسىلمان دەۋ قيىن) نەگىزىنەن مەنى دۇنيەگە اكەلگەن اتا-اناممەن بىرگە بۇكىل اپا-قارىنداستارىمدى لاعناتتاپ، قارعىس جاۋدىرۋمەن شەكتەلىپتى. بىراق وسى بايبالامشىلار بۇل سۋرەتتەردىڭ بۇگىن عانا جاريا بولماعانىن (سۋرەتتەر گالارەياسى مۇندا http://makangallery.com/Gallery.htm, تاعى دا ونبەيتىن داۋعا قالمايىق دەپ بۇل جولى «ماسا.كز»-عا كوشىرىپ قويماۋدى ءجون كوردىك), سۋرەتشىنىڭ شىعارماشىلىعىنا قاتىستى الەمنىڭ تالاي ونەرتانۋشىلارى مەن ءدىنتانۋشىلارى ءوز پىكىرلەرىن بىلدىرگەنىن بىلمەسە كەرەك. ارينە، ەشتەمەنىڭ بايىبىنا بارماستان اۋزىنان اق يت كىرىپ، كوك يت شىعىپ جاتقانداردى مەن تەك «دۇمشەلەر» دەپ قانا بىلەمىن.

ەندى بۇل سۋرەتتى وقىرمانداردىڭ نازارىنا نە ءۇشىن ۇسىندىم، سوعان كەلەيىن. سۋرەتشى وسى سۋرەتتەر ارقىلى ءوزىنىڭ جاھاندانۋعا قارسىلىعىن كورسەتكەن. بۇكىل الەمدى، سونىڭ ىشىندە اراب ەلدەرىن دە جالماۋىزشا جايپاپ بارا جاتقان جاھاندانۋعا قارسى تۇرا الماساق ەرتەڭ قىزدارىمىز بەتىن حيدجابپەن جاپقانىمەن ەتەگىنە يە بولا الماي قالادى دەگەندى ايتقىسى كەلگەن. ونىڭ پىكىرى دۇرىس بولعاندىقتان يسلام الەمىندە ء(بىزدىڭ دۇمشە قازاقتاردان باسقا) سالعان سۋرەتتەرىنە بولا ونى قارعاپ-سىلەگەن ەشكىم بولعان جوق. بۇل سۋرەتشىنىڭ قيالىنان شىققان بەينەلەر. ەشبىر ءتىرى قىزدى مودەل قىلعان جوق. دەمەك، ءبىزدىڭ دۇمشە اعايىن شۋلايتىنداي مۇسىلمان قىزداردىڭ نامىسى تاپتالعان جوق.

بىلاي قاراپ وتىرساق، بۇل سۋرەتتەردەن ءبىزدىڭ الاتىن عيبراتىمىز از بولماسا كەرەك. قوعام ەكىگە جارىلىپ حيدجاب ماسەلەسىن قاۋزاپ جاتىرمىز. ال كوشەگە شىعا قالساڭىز ءتانىن ساتىپ كۇن كورگەن قازاق قىزدارىنان اياق الىپ جۇرە المايسىز. سوندا سولاردىڭ بارىنە حيدجاب كيگىزە قويساق ار-يماندارى قايتىپ كەلە قويادى ەكەن عوي. جوق، مەن ولاي ويلامايمىن. ءبىزدىڭ ۇلتتىق مەنىمىز، نامىسىمىز ويانباي ولاردى، «مۇسىلمان» باۋىرلارشا ايتساق،  شايتاني شاتاقتاردى تيا المايمىز. حيدجابقا قاتىستى قوعامدا قالىپتاسىپ وتىرعان داۋعا قاراسام تاعى دا جاڭاعى «قارعىس اتقىر» سۋرەتتەر كوز الدىما ەرىكسىز كەلە قالادى. تۋرا ءبىزدىڭ بۇگىنگى قوعامنىڭ بەينەسى. باتىستىڭ ىقپالىمەن ەتەگىن اشىپ، ارىن ساتىپ جۇرگەن قوعامنىڭ باسىنا ارابتىڭ حيدجابىن اكەلىپ كيگىزە قويساڭىز سول سۋرەتتەگىدەي بولماي، قالاي بولماق؟!

مەن قازاق قىزدارىنىڭ ار-يماندى بولىپ، اللانىڭ (اللاحتىڭ ەمەس) اق جولىندا جۇرگەنىن جان-تانىممەن قالايمىن. ويتكەنى، ءبىزدىڭ قازاق بولىپ قالۋىمىز، ديىرمەننىڭ تاسىنداي شىر اينالعان دۇنيەدە ۇلت بولىپ ساقتالىپ قالۋىمىز قازاق ايەلدەرىنىڭ ار-نامىسىنىڭ تازالىعىنان عانا بولعان. ارى تازا ايەل نامىستى ۇل تۋادى. بىراق مەن قازاق قىزدارىنىڭ «ارابي بويجەتكەن» اتانعانىنا قارسىمىن. بۇل قارسىلىعىمنىڭ تۋىنداۋىنا ەڭ الدىمەن سەبەپكەر بولعان اسىرەدىنشىلدەر. اياعىڭدى اتتاپ باسقانىڭدى «كۇنا، شيرك» دەيتىندەر. ەگەر مەن قاتەلەسىپ وتىرسام قۇدايدىڭ ءوزى كەشىرسىن (ۋاحابشىلار ەمەس). بىراق حيدجابتى قولداپ سايتتا پىكىر قالدىرۋشىلاردىڭ كوپشىلىگى ناداندىقتان اسىرەدىنشىلدىككە ۇرىنعاندار، دۇمشەلەر دەپ بىلەمىن. مەن وتىزدان استىم. وسى عۇمىرىمدا تالاي اداممەن پىكىرلەس بولىپ، تالاي داۋدىڭ ورتاسىندا دا ءجۇردىم. سوندا ءبىر بايقاعانىم ءدىني ساۋاتى از، ناداندىعى باسىم ادامدار ىلعي دا ءدىننىڭ «سۇيەۋشىسى»، «قورعانى» بولىپ كورىنۋگە تىرىسىپ، ءوز پىكىرىن مويىنداتۋ ءۇشىن وپپونەنتىنىڭ اتا-باباسىنان باستاپ، وزىنە دەيىن ءبارىن كۇناھار اتاپ، يمانسىزداردىڭ دا اۋزىنا تۇسە بەرمەيتىن بىلاپىتپەن بىلعاپ بىتەدى. حيدجابقا بايلانىس ماسەلە دە سونداي كۇيگە ءتۇستى.

ءوز باسىم قازاق قىزدارىنىڭ ەتەك-جەڭىن قىمتاپ، ۇياتتى جەرلەرىن جاۋىپ جۇرگەنىن قولدايمىن. بىراق حيدجابپەن ەمەس. ونىڭ سەبەبىن كۇندە ايتىپ ءجۇرمىز. حيدجاب اراب-پارسىنىڭ ۇلتتىق كيىمى. ونى بۇكىل مۇسىلمان ايەلدەرىنە ورتاق كيىم دەۋشىلەر ناعىز ناداندار. ءوز ۇلتىن سۇيمەيتىن، ءوز حالقىنىڭ سالت-ءداستۇرى مەن ار-نامىسىن اياققا تاپتاعاندار يسلامعا دا وپا بەرەدى دەگەنگە مەن سەنبەيمىن. سوندىقتان ولار دۇمشەلىكپەن تار ايادان شىعا الماي جاتىر. ەگەر ارابشا كيىنبەسەڭ مۇسىلمان ەمەسسىڭ دەيتىندەر بولسا ايتىنسىنشى، يسلام بۇكىل ادامزاتقا جىبەرىلگەن ءدىن بە، الدە تەك ارابتاردىڭ يگىلىگىنە جىبەرىلگەن بە؟ ەگەر بۇكىل ادامزاتقا جىبەرىلگەن ءدىن بولسا نەگە ءبارىمىز اراب بولۋىمىز كەرەك؟! سان عاسىرلار بويى ءار حالىق يسلامدى ءوزىنىڭ سالت-داستۇرىمەن قابىستىرا وتىرىپ، وزدەرىندەگى بار جاقسىنى يسلامنىڭ قاعيدالارىمەن ۇيلەستىرە وتىرىپ قابىلدامادى ما؟ سوندىقتان دا ءبىزدىڭ كەشەگى مۇسىلمان اتانعان بابالارىمىز ساقال وسىرمەي-اق، حيدجاب كيمەي-اق يسلامدى قابىلداپ، مۇسىلماندىقتى ەڭ قادىرلى دەڭگەيگە كوتەرمەپ پە ەدى. ال بۇگىن كەلىپ الدەبىرەۋلەردىڭ «حيدجاب كيمەسەڭ مۇسىلمان ەمەسسىڭ» دەگەنىنە جول بولسىن؟

كەلەسى ماسەلە «سەن بۇرىن قاتەلەسىپ ءجۇردىڭ، ەندى بىلاي بولساڭ عانا مۇسىلمانسىڭ» دەيتىندەر كىمدەر، سوعان كەلەيىكشى. قازىرگى قوعام ولاردى «ۋاحابشى» دەيدى. ارينە، كىمنىڭ «ۋاحابشى»، كىمنىڭ «سوپى»، كىمنىڭ «احماديشى»، كىمنىڭ «قۇرانيت»، كىمنىڭ «سالافيت» ەكەنىن تاپ باسىپ ايتۋ قيىن. ويتكەنى، ءوزىن سول اعىمداردىڭ مۇشەسى اتايتىنداردىڭ وزدەرى دە كىمنىڭ كىم ەكەنىن ءجوندى بىلمەيدى.  بىرەۋدىڭ ايتۋىمەن، ايتاعىمەن، شالا ساۋاتتىلىقپەن شاپقىلاپ جۇرسە قايدان ءبىلسىن. ءبىر قىزىعى، بارلىعىنىڭ دا قازاققا داۋى بار. ءبارىنىڭ اۋزىنان اباي اتام تۇسپەيدى. ال سول اباي اتام ءدال وسىنداي دۇمشەلەرمەن كۇرەسىپ كەلدى عوي. ونىڭ ءبىلىمى مەن پاراساتى بۇگىنگى دۇمشە ءدىندارلاردى ەكى وراپ الۋعا جەتەدى ەمەس پە؟!

بۇلاردى نەگە قازاق قوعامى قابىلداماي جاتىر؟ ويتكەنى، ولاردىڭ قوياتىن ەڭ باستى تالابى - «قازاقتىقتان باس تارت، ارابتىڭ سالت-ءداستۇرىن قابىلدا» بولىپ كەلەدى. بۇل دەگەن ۇلت رەتىندە جويىلۋ ەمەس پە! ۇلتىن سۇيگەن ادام بۇلاي ايتار ما ەدى؟ ءوز ۇلتىن، ءوزىن دۇنيەگە اكەلگەن اكە-شەشەسىنىڭ ءداستۇر-سالتىن سىيلامايتىندار تەك ساتقىندار عانا. ال ساتقىندارمەن ەشقاشان پىكىرلەس بولا المايمىن!

ءوز باسىم بەكبولات تىلەۋحان اعانى قاتتى قادىرلەيمىن. ونىڭ انشىلىگى، شەشەندىگى ۇلگى ەتۋگە تۇرارلىق. بىراق وزدەرىن «ۋاحابشىمىز» دەيتىندەردىڭ ايتۋىنشا بەكبولات اعامىز ولاردىڭ رۋحاني كوسەمى ەكەن. بارلىق قولداۋ مەن قورعاشتاۋ سول كىسىدەن ەكەن. ەندەشە، ءوزىم قاتتى سىيلايتىن اعامدى ماسا.كز-نىڭ بەتىندە اشىق پىكىرگە شاقىرامىن. ەگەر ءوزىنىڭ حيدجابتى قولداۋشىلاردىڭ ءبىرى ەكەنى راس بولسا، ونىسىن ايتسىن، وتىرىك بولسا ونىسىن ايتىپ، شۋلاعان جۇرتتى (اسىرەسە نامىس.كز سايتىن) تىنىشتاندىرسىن.

ايتپاقشى، نامىس.كز سايتىنا مىڭ العىس! ماسا.كز-نىڭ جارناماسىن عانا جاساپ قويماي، مەن سەكىلدى كۇناھار پەندەگە تاۋفيىق سۇراپ، مەنىڭ يماندى بولۋىمدى جاراتقاننان تىلەۋگە بارلىق وقىرماندارىن شاقىرىپتى. كوپ تىلەگى ورىندالسا ەكەن. سوندا مەن اناۋ ۋاحابشى اتانىپ ەلدى اداستىرعاندار گورى توزاقتا ازىراق كۇيەتىن شىعارمىن. بىراق، سىزدەر ايتانداي (كەسىپ-ءپىسىپ، شەشىپ قويعان) توزاقتا مەن عانا ەمەس، ءبارىمىزدىڭ كوزىمىز كوگەرىپ بىرگە وتىراتىنىمزعا باستەسە (باستەسۋ - شيرك بولسا دا) الامىن.

www.masa.kz ينتەرنەت گازەت