«قوعامدىق باقىلاۋ كارتاسى» جوباسى اياسىندا قازاقستان رەسپۋبليكاسى مەملەكەتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنت­تىگىنىڭ الماتى قالاسى بويىنشا دەپارتامەنتىنىڭ ارنايى مونيتورينگتەۋ توبىنىڭ مۇشەلەرى   «نۇر وتان» پارتياسى فيليالىنىڭ، جەرگىلىكتى ءبىلىم جانە جاستار ساياساتى ماسەلەلەرى جونىندەگى باسقارمالاردىڭ وكىلدەرىمەن بىرلەسىپ الماتى قالاسىندا ورنالاسقان  جاتاقحانالارعا  مونيتورينگ جۇرگىزۋدى  باستاپ كەتتى. بۇل تۋرالى «الماتى اقشامى» گازەتى جازدى.

«پرەزيدەنتتىڭ بەس الەۋمەتتىك باستاماسىندا» ءبىلىم جۇيەسىن قالىپتاستىرۋدا الەمدىك ستاندارتتارعا جەتۋ ءۇشىن ستۋدەنتتەردىڭ وقۋى مەن تۇرمىس جاعدايىنا كوڭىل ءبولۋدىڭ ماڭىزدىلىعىنا ايرىقشا ءمان بەرىلگەن ەدى.

قازىرگى تاڭدا الماتى قالاسىندا 83 تەحنيكالىق جانە كاسىبي  ءبىلىم بەرۋ كوللەدجدەرى بار.  ولاردىڭ 22-ءى مەملەكەتتىك، 61-ءى  جەكە يەلىكتەگى كوللەدجدەر بولىپ سانالادى. ستۋدەنتتەردىڭ جالپى سانى 64828 ادامدى قۇرايدى. كۇندىزگى وقۋ بولىمىندە وقيتىن  21607 ستۋدەنتتىڭ 8972-ءى  (41%)  قالادان تىس جەرلەردەگى ەلدى-مەكەندەردەن قاتىناپ وقيدى. جاتاقحانالارمەن 1591 ستۋدەنت قامتاماسىز ەتىلگەن. تىركەلگەن  8 مەملەكەتتىك كوللەدجدەردىڭ  9 جاتاقحاناسى بار.

№1 مەملەكەتتىك گۋمانيتارلىق پەداگوگيكالىق كوللەدجىنىڭ 300 ستۋدەنتكە ارنالعان جاتاقحاناسىنىڭ قۇرىلىسى ءجۇرىپ جاتىر. قۇرىلىستىڭ اياقتالۋ مەرزىمى: 01.10.2018 جىل.

ەگەر دە اشىقتىق پەن ترانسپارەنتتىلىككە جانە ءبىلىم سالاسىنا بولىنەتىن مەملەكەت قاراجاتىنىڭ ۇنەمدەلۋىنە قىزىعۋشىلىعىڭىز بولسا، وندا ءسىزدى ستۋدەنتتەردى جاتاقحانالارعا ورنالاستىرۋ  كوميسسيالارىنىڭ جۇمىسىن جانە سالىنىپ جاتقان جاتاقحانا­لاردىڭ  قۇرىلىس ساپاسىن باقىلاۋعا  تاۋەلسىز ساراپشى رەتىندە قاتىسۋعا  شاقىرامىز.

الماتى قالاسىنداعى  ستۋدەنتتەرگە ارنالعان  جاتاقحانالاردا بوگدە ازاماتتاردىڭ زاڭسىز تۇرىپ جاتقان جاعدايلارى انىقتالعان جاعدايدا مىنا بايلانىس تەلەفوندارىنا حابارلاسۋعا بولادى: 87074741424, 254-90-54,254-90-33. (ءAlmatyantىcorruptىon@maىl.ru).

كەرەك دەرەك

 الماتى قالاسىندا 38 جوعارى وقۋ ورىندارى بار. جالپى سانى  140 مىڭ ستۋدەنت  93 جاتاق­حا­نادا تۇرىپ جاتىر. 2020 جىلعا دەيىن  تاعى دا  37 جاتاقحانا سالۋ  جوسپارلانعان.

Abai.kz