2. ەكىنشىدەن بۇل جولعى جاتتىعۋدىڭ ماقساتى باسقا. بۇعان دەيىنگى جاتتىعۋلاردىڭ كوپشىلىگى قورعانىسقا نەگىزدەلسە، بۇل جولى شابۋىل تاكتيكاسى مەن ستراتەگياسى قارالۋدا. ءبىر مەزەتتە 300 مىڭ اسكەردى شابۋىلعا باستاۋ جوسپارى بولسا، وندا جاۋدىڭ دا سانى مەن ساپاسى وڭاي بولماعانى. سوعان قاراعاندا "ەكونوميكالىق جاعداي بۇدان بەتەر ناشارلاي بەرسە، امال جوق، كىمدى بولسا دا القىمداپ كەتەمىز" دەپ وتقان جوق پا ماسكەۋ. شىندىعىنا كەلگەندە رەسەيگە ءوز حالقىنىڭ قازىرگى كوڭىل-كۇيىن اۋلاۋ ءۇشىن سوعىس كەرەك. باسقا امالى جوق. حالقىن تىنىشتاندىراتىن قاراجات جوق بولسا، وندا ولاردى "پاتريوتيزم" دەگەن ەسىرتكىمەن ەگىپ قويۋ لازىم. ول ەسىرتكى سوعىس جاعدايىندا تاماشا اسەر ەتەدى. قابىلداعان جان قاراجاتتى ەمەس، قاندى اڭساپ تۇراتىن بولادى. ونىڭ ۇستىنە رەسەيدىڭ ءپاتريوتيزمى شوۆينيزم دەگەن ۇلگىمەن ۇيلەسىپ تۇر. قىسقاسى ماسكەۋ ەڭ جامان ستسەناريگە دايىن سىندى. ونىڭ قازاققا دا اسەرى بولارى انىق. ءتۇرلى وداقپەن بايلانعان قازاق ماسكەۋدىڭ اۆانتيۋراسىنىڭ قۇربانى بوپ كەتپەسە بولعانى...

3. رەسەيدەگى جاتتىعۋدىڭ جىلىگىن شاعىپ، مايىن ىشتىرەتىن ءبىر تاماشا اسكەري ساراپشى بولسا، وسىندا ءوز ويىن جازسا عوي شىركىن. قارجى جوق ۋاقىتتا، قىرۋار قارجىسىن شاشىپ وتكىزگەن بۇل جاتتىعۋى قۇر سەس پە، سوعىس سامالى ما؟ وسىنى تۇسىندىرسە. ءتىپتى قانشا سايتتان ىزدەدىم، تاپپادىم. قاتە ويىمىزدى دۇرىستاپ وتىرسا.

اسحات قاسەنعاليدىڭ facebook پاراقشاسىنان

Abai.kz