«نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ پارتيا استانا قالالىق فيليالىنىڭ كەزەكتەن تىس حXVI كونفەرەنتسياسىنا قاتىستى. ءىس-شارا بارىسىندا پارتيا قىزمەتىن جاڭعىرتۋ اياسىندا قولعا الىنعان جوبالار جانە «پرەزيدەنتتىڭ بەس الەۋمەتتىك باستاماسىنىڭ» جۇزەگە اسىرىلۋىن قوعامدىق باقىلاۋ جۇمىستارى پىسىقتالدى.

جيىندا قارالعان باستى ماسەلەلەردىڭ ءبىرى فيليالدىڭ جاڭا توراعاسىن سايلاۋ بولعانىن اتاپ وتكەن ءجون. دەلەگاتتاردىڭ ءبىراۋىزدان ماقۇلداۋى­مەن تاياۋدا عانا استانا قالاسىنىڭ اكىمى بولىپ تاعايىندالعان باقىت سۇلتانوۆ پارتيانىڭ استانا قالالىق فيليالىنىڭ توراعاسى بولىپ سايلاندى.

جاڭا توراعانى قۇتتىقتاعان ماۋلەن اشىمباەۆ ونىڭ قىز­مەتىنە تابىس تىلەدى.

– باقىت تۇرلىحانۇلى – بۇعان دەيىن دە جاۋاپتى قىزمەتتەر اتقارىپ، ەلباسى سەنى­مىنەن شىعا بىلگەن بىلىكتى مامان. سوندىقتان الداعى ۋاقىتتا دا وزىنە جۇكتەلگەن مىندەت­تەر­دى مۇلتىكسىز ورىنداپ، پرەزيدەنتتىك باع­دار­لامالار مەن پارتيامىزدىڭ يگى باستا­مالارىن جۇزەگە اسىرۋدا زور ەڭبەك سىڭىرەدى دەپ سەنەمىز، – دەدى ماۋلەن اشىمباەۆ.

ءوز كەزەگىندە باقىت سۇلتانوۆ بۇل ەلبا­سىنىڭ ۇلكەن سەنىمى ەكەنىن ايتىپ، سول سەنىمنىڭ ۇدەسىنەن شىعۋ ءۇشىن ايانباي ەڭبەك ەتەتىنىن جەتكىزدى.

– ەلباسى – پارتيا توراعاسى الدىمىزعا ناقتى مىندەتتەر قويىپ وتىر. اتاپ ايت­قاندا، الداعى ۋاقىتتا قالانى دامىتۋدىڭ جاڭا ۇلگىسىن ەنگىزۋ، يننوۆاتسياعا قولايلى ورتا قالىپتاستىرۋ جانە كرەاتيۆتى يدەيالار­عا قولداۋ كورسەتۋ سياقتى باعىتتارعا باسىم­دىق بەرىلەدى. مەملەكەت باسشىسىنىڭ ەڭ باستى جوبالارىنىڭ ءبىرى رەتىندە استانا ءدال وسى ماقسات-مىندەتتەردى ناتيجەلى جۇزەگە اسىرۋدىڭ كورسەتكىشى بولاتىنى ءسوزسىز. سوندىقتان كوزدەگەن مەجەلەرگە قول جەتكىزۋ ءۇشىن بار كۇش-جىگەرىمدى جۇمسايمىن، – دەدى استانا اكىمى.

سونداي-اق كونفەرەنتسياعا قاتىسۋ­شىلار «پرەزيدەنتتىڭ بەس الەۋمەتتىك باستاماسى» مەن جاڭا پارتيالىق جوبالار­دىڭ استانادا ىسكە اسىرىلۋ بارىسىنا نازار اۋداردى. ءوز سوزىندە پارتيا توراعاسىنىڭ ءبىرىنشى ورىنباسارى 1 ماۋسىمدا وتكەن ساياسي كەڭەستىڭ كەڭەيتىلگەن وتىرىسىندا مەملەكەت باسشىسىنىڭ «نۇر وتاننىڭ» شىن مانىندە ناقتى ىستەردىڭ پارتياسىنا اينالعانىن ايتقانىن جانە جاڭعىرۋ ايا­سىن­داعى باستامالاردى جوعارى باعالاعا­نىن جەتكىزدى. سوندىقتان نۇروتاندىقتار ەلباسىنىڭ ارتقان سەنىمىن اقتاپ، بەرىلگەن تاپسىرمالاردى مۇلتىكسىز ورىنداۋى ءتيىس.

اتاپ ايتقاندا، «پرەزيدەنتتىڭ بەس الەۋمەتتىك باستاماسىنىڭ» جۇزەگە اسىرى­لۋىنا قوعامدىق باقىلاۋدى كۇشەيتۋگە ەرەكشە كوڭىل ءبولىنۋى كەرەكتىگىن ايتقان ماۋلەن اشىمباەۆ وسى ماقساتتا رەسپۋبلي­كالىق جانە وڭىرلىك دەڭگەيدە قوعامدىق كەڭەستەر قۇرىلعانىنا نازار اۋداردى.

– وڭىرلىك قوعامدىق كەڭەستەرمەن جۇيەلى ءارى تۇراقتى كەرى بايلانىس ورناۋى ءتيىس. سول ارقىلى ءبىز اتالعان باستامالارعا قاتىستى ماسەلەلەردى دەر كەزىندە انىقتاپ، ولاردى وكىلەتتى ورگاندارمەن بىرلەسىپ شەشۋىمىز كەرەك، – دەگەن ماۋلەن اشىمباەۆ استانالىق فيليالعا وسى سالادا بەلسەندى ارەكەت ەتۋدى تاپسىردى.

جالپى، استانادا بەس الەۋمەتتىك باستامانى ىسكە اسىرۋدا ناتيجەلى جۇمىس جۇرگىزىلىپ جاتقانىن اتاپ وتكەن ءجون. سونىمەن قاتار كونفەرەنتسيادا ماۋلەن اشىمباەۆ پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردى جۇزەگە اسىرۋ ماسەلەسىنە دە توقتالدى.

– قازىرگى تاڭدا پارتيا ەلىمىزدى تسيفر­لاندىرۋ ۇدەرىسىنە ۇلەس قوسۋ ماقساتىندا بىرقاتار تىڭ باستامالاردى جۇزەگە اسىرۋدا. اتاپ ايتقاندا، بالالارعا باعدارلامالاۋ، روبوتوتەحنيكا جانە 3D مودەلدەۋ نەگىز­دەرىن ۇيرەتەتىن ءىت سىنىپ اشۋ جوباسىن قولعا الدىق. سونداي-اق حالىقتىڭ تسيفرلى ساۋاتتىلىعىن ارتتىرۋ ماقساتىندا ءىت ورتالىقتار اشىلۋدا. «رۋحاني جاڭعىرۋ» باعدارلاماسى اياسىندا وتاندىق كىتاپحا­نالاردى جاڭعىرتىپ، زاماناۋي ءبىلىم ورتا­لىقتارى رەتىندە قايتا قۇرۋ ءىسى دە قار­قىندى جۇرگىزىلۋدە. پارتيانىڭ باستاما­سىمەن اۋىلدىق جەرلەردە اعىلشىن ءتىلىن ۇيرەتەتىن كلۋبتار قۇرىلۋدا. وندا نەگىزىنەن ەرىكتى جاستار جۇمىس ىستەيتىن بولادى. ودان بولەك، مەكتەپ اسحانالارى مەن سپورت الاڭدارىن دا قايتا جاڭعىرتۋ ءۇشىن ناقتى جوبالاردى قولعا الدىق. وسىنىڭ بارلىعىن جۇزەگە اسىرۋدا استانا قالالىق فيليالى دا ناتيجەلى جۇمىس ىستەيدى دەپ سەنەمىز، – دەدى ماۋلەن اشىمباەۆ.

تەگىن 1000 ءىت-سىنىپ پارتيالىق جوباسى اياسىندا استانادا 85 IT-سىنىپ اشۋ جوسپارلانعان. بۇگىندە ولاردىڭ 26-سى اشىلىپ، وندا قازىر 341 وقۋشى ءبىلىم الۋدا. بىرىڭعاي گەواقپاراتتىق ونلاي-سەرۆيسىن قۇرۋ، ءداستۇرلى كىتاپحانالاردى جاڭعىرتۋ جۇمىستارى دا ەلوردادا ناتيجەلى جۇزەگە اسىرىلۋدا.

ە.ماقسوتۇلى

Abai.kz