بۇگىن ماجىلىستە قارجى جانە ۇلتتىق ەكونوميكا مينيسترلىكتەرى، سونداي-اق، ەسەپ كوميتەتى 2019-2021 جىلدارعا ارنالعان رەسپۋبليكالىق بيۋدجەتكە قاتىستى ەكى زاڭ جوباسىن تانىستىردى.

ەسەپتىك قۇجاتتاردىڭ تانىستىرىلىمى ءماجىلىستىڭ قارجى جانە بيۋدجەت كوميتەتىنىڭ وتىرىسى شەڭبەرىندە پالاتا توراعاسىنىڭ ورىنباسارلارى ۆلاديمير بوجكو مەن گۇلميرا يسيمباەۆانىڭ قاتىسۋىمەن ءوتتى.

تانىستىرىلىمدا ۇلتتىق ەكونوميكا ءمينيسترى تيمۋر سۇلەيمەنوۆ، قارجى ءمينيسترىنىڭ م.ا. بەرىك شولپانقۇلوۆ پەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى ناتاليا گودۋنوۆا بايانداما جاسادى.

وتىرىس بارىسىندا بايانداماشىلار دەپۋتاتتاردىڭ قويعان سۇراقتارىنا جاۋاپ بەردى. ەسەپتى ودان ءارى قاراي تالقىلاۋ ءماجىلىس دەپۋتاتى امانجان جامالوۆ جەتەكشىلىك ەتەتىن جۇمىس توبىندا جالعاساتىن بولادى.

«2019-2021 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭ جوباسى بويىنشا:

«2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى 2019-2023 جىلدارعا دەيىنگى الەۋمەتتىك-ەكونوميكالىق دامۋ بولجامى نەگىزىندە ازىرلەنگەن جانە بيۋدجەتتىڭ مۇنايدان تاۋەلدىلىگىن تومەندەتۋ بويىنشا ۇدەمەلى ساياساتتى ىسكە اسىرۋدى قامتيدى.

ۇسىنىلعان جوبادا قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىندا بەلگىلەنگەن سالىق - بيۋدجەت ساياساتىنىڭ نەگىزگى مىندەتتەرى، سونداي-اق الەۋمەتتىك باعىتتى ساقتاي جانە كۇشەيتە وتىرىپ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋلاردى بەرىلگەن تاپسىرمالاردى ىسكە اسىرۋدى جالعاستىرۋ ەسكەرىلدى.

اتالعان كورسەتكىشتەر نەگىزىندە 2019-2021 جىلدارعا ارنالعان رەسپۋبليكالىق بيۋدجەت پارامەترلەرى كەلەسىدەي:

تۇسىمدەر: 2019 جىلى – 9 751,3 ملرد. تەڭگە; 2020 جىلى – 10 083,1 ملرد. تەڭگە; 2021 جىلى – 10 491,2 ملرد. تەڭگە.

شىعىستار: 2019 جىلى – 10 696,7 ملرد. تەڭگە; 2020 جىلى – 11 080,8 ملرد. تەڭگە; 2021 جىلى – 11 427,9 ملرد. تەڭگە.

تاپشىلىق: 2019 جىلى – 945,4 ملرد. تەڭگە نەمەسە ءجىو-گە قاتىستى 1,5%; 2020 جىلى – 997,7 ملرد. تەڭگە ءجىو-گە قاتىستى 1,4%; 2021 جىلى – 936,7 ملرد. تەڭگە ءجىو-گە قاتىستى 1,3%.

رەسپۋبليكالىق بيۋدجەت شىعىستارىن كەلەسىدەي ءبولۋ ۇسىنىلادى. الەۋمەتتىك سالا شىعىستارى 2019 جىلى 463 ملرد. تەڭگەگە ۇلعايا وتىرىپ، 4 717,3 ملرد. تەڭگە كولەمىندە جوسپارلاندى (2020 جىلى – 5 176,5 ملرد. تەڭگە، 2021 جىلى – 5 517,8 ملرد. تەڭگە). ەكونوميكانىڭ ناقتى سەكتورىن دامىتۋدى قولداۋعا 2019 جىلى 70,2 ملرد. تەڭگەگە وسە وتىرىپ 1 608,8 ملرد. تەڭگە قاراستىرىلدى (2020 جىلى – 1 262,6 ملرد. تەڭگە، 2021 جىلى – 1 121,1 ملرد. تەڭگە).

پرەزيدەنتتىڭ 5 الەۋمەتتىك باستاماسىن ىسكە اسىرۋعا بيۋدجەت جوباسىندا 102,5 ملرد. تەڭگە كوزدەلگەن.

رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2019-2021 جىلدارعا ارنالعان رەسپۋبليكالىق بيۋدجەت جوباسىن الدىن الا باعالاۋدى تانىستىرۋ تۋرالى:

ەسەپ كوميتەتىنىڭ ءتورايىمى ناتاليا گودۋنوۆا اعىمداعى جىلى ەسەپ كوميتەتى قورىتىندىنى دايىنداۋعا جاڭا تاسىلدەر قولدانعانىن اتاپ ءوتتى.

ولار ەلدىڭ بەس جىلعى كەزەڭگە ارنالعان ەلەۋمەتتىك-ەكونوميكالىق دامۋ بولجامىن، سونداي-اق ستراتەگيالىق جوسپارلار مەن بيۋدجەتتىك باعدارلامالاردىڭ جوبالارىن باعالاۋ جۇزەگە اسىرىلدى.

ن. گودۋنوۆانىڭ ايتۋىنشا، كورسەتىلگەن تاسىلدەردى پايدالانۋ قارجىلىق تۇراقتىلىققا جانە مەملەكەتتىڭ مىندەتتەمەلەرىن ورىنداۋعا، سونداي-اق ۇلتتىق ينديكاتورلارعا، باعدارلامالىق قۇجاتتاردىڭ كورسەتكىشتەرىنە ءتيىمدى قول جەتكىزۋ ءۇشىن ورتا مەرزىمدى باعدارلاردى تۇزەتۋگە ىقپال ەتەتىن بولادى.

ەسەپ كوميتەتىنىڭ ءتورايىمى تالداۋدىڭ 10 باعىت بويىنشا جۇرگىزىلگەنى تۋرالى دەپۋتاتتاردى حاباردار ەتتى. ماسەلەن، قازاقستان رەسپۋبليكاسىن يندۋستريالىق- يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىنىڭ، «نۇرلى جەر» مەملەكەتتىك تۇرعىن ءۇي قۇرىلىسى مەملەكەتتىك باعدارلاماسىنىڭ، «بيزنەستىڭ جول كارتاسى 2020» جانە ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ ىسكە اسىرىلۋى.

بۇدان باسقا، اوك-ءنى سۋبسيديالاۋ، حالىقتى سۋمەن جابدىقتاۋ جانە سۋ بۇرۋمەن قامتاماسىز ەتۋ، كۇندىزگى مەكتەپتەردىڭ جەتكىلىكتىگىن جانە جاساقتالۋىن قامتاماسىز ەتۋ، ستۋدەنت جاستاردىڭ جاتاقحانالاردا تۇرۋ جاعدايىن جاقسارتۋ، ونكولوگيالىق اۋرۋلاردى تومەندەتۋ، امبۋلاتوريالىق دەڭگەيدە تمككبك شەڭبەرىندە دارىلىك زاتتاردى ساتىپ الۋ، زەرتتەۋلەر جۇرگىزۋ سياقتى باعىتتار قامتىلدى.

«ۇكىمەت دايىنداعان بيۋدجەت جوباسىندا ينۆەستيتسيالىق جوبالاردى جالپى «پۋلمەن» نەمەسە كەيىنگە قالدىرۋ شارتىمەن قاراۋ پراكتيكاسى ءىز جۇزىندە الىپ تاستالدى. بۇدان باسقا بيۋدجەت جوباسىنا بەرىلەتىن ماتەريالدار كەڭەيتىلگەن جەنە ەگجەي-تەگجەيلى ۇسىنىلعان. بۇل ساپالى بيۋدجەتتىك شەشىمدەر قابىلداۋعا جانە بيۋدجەت سالاسىنداعى اشىقتىقتى ارتتىرۋعا اكەلدى»،- دەدى ول.

سونىمەن قاتار ەسەپ كوميتەتى ءتورايىمىنىڭ ايتۋىنشا، بيۋدجەت شىعىستارىن جوسپارلاۋ ساپاسىن جانە تيىمدىلىگىن ارتتىرۋ ءۇشىن كەمشىلىكتەر مەن رەزەرۆتەر انىقتالدى.

اتاپ ايتقاندا، ۇلتتىق قوردان كەپىلدەندىرىلگەن ترانسفەرتتىڭ جانە بيۋدجەت تاپشىلىعى بويىنشا شەكتەۋلەردىڭ شەكتى ءمانى ارتتىرىلعان. ءۇش جىلعى بيۋدجەت جوباسىن قالىپتاستىرۋ كەزىندە بيۋدجەتتىك پارامەترلەر بويىنشا بەلگىلەنگەن ورتا مەرزىمدى باعدارلار 1 ترلن، تەڭگەگە ساقتالماعان.

بۇدان باسقا، 2019-2021 جىلدارى جەرگىلىكتى اتقارۋشى ورگانداردىڭ كوزدەلگەن ءىس-شارالاردى ىسكە اسىرۋعا دايىن بولماۋىنان مەملەكەتتىك جەنە ۇكىمەتتىك باعدارلامالار شەڭبەرىندە بيۋدجەتتىك ينۆەستيتسيالاردى 45%-عا تومەندەتۋ قاراستىرىلۋدا. ناتاليا گودۋنوۆا ءسوزىن قورىتىندىلاي كەلە باعالاۋدىڭ قورىتىندىسى بويىنشا باسىمىراق جوبالارعا قايتا بولۋگە ءتيىمسىز جوسپارلانعان شىعىستار رەتىندە 620 ملرد. تەڭگە ۇسىنىلعانىن، ونىڭ 309 ملرد. تەڭگەسىن ۇكىمەت ەسكەرگەنىن اتاپ ءوتتى.

Abai.kz