كينو الەمىندەگى قايتالانباس تۇلعالاردىڭ ءبىرى - ليۋدميلا گۋرچەنكو قايتىس بولدى. قازاق كورەرمەنىنە «ۆوكزالداعى ەكەۋ»  («ۆوكزال دليا دۆويح»), «ماحاببات پەن كەپتەرلەر» («ليۋبوۆ ي گولۋبي») ت.ب. فيلمدەر ارقىلى تانىمال بولعان ليۋدميلا ماركوۆانا تابيعاتى توقسان قۇبىلاتىن ايەل تابيعاتىن پاش ەتىپ كەتتى. سارىلا كۇتكەن ادامىن كەزدەيسوق كەزىكتىرىپ قالىپ، اسىق جارىنا ادالدىعىن ايگىلەيتىن ايەل دە، بىرەۋدىڭ ءيى جۇمساق كۇيەۋىن يەلەنە كەتۋدى بىلەتىن تىكباقاي، قالا بيكەشىنىڭ دە بولمىسى گۋرچەنكونىڭ «ءبىر باسىنان» تابىلىپ جاتتى. حاركوۆ (ۋكراينا) قالاسىنىڭ تۋماسى، كەشەگى كەڭەس وداعى كينوسىنىڭ اتى اڭىزعا اينالعان جارىق جۇلدىزى - ليۋدميلا گۋرچەنكو تاماشا رولدەرىمەن بىرگە جاعىمدى (ارينە، ءبارىن جاعىمدى دەي المايمىز!) ۇنىمەن دە جادىمىزدا قالعان ەكەن.  گۋرچەنكونىڭ جاعىمدى ءۇنى دەيتىن سەبەبىمىز - ايگىلى اكتريسانىڭ قازاقشا «سويلەگەن»  كەيىپكەرلەرىن كوبىنە  مارقۇم فاريدا ءشارىپوۆا دىبىستايتىن ەدى! فاريدا ءشارىپوۆا - شىعىس تۇركىستانداعى قالىڭ قازاقتىڭ ورتاسىندا تۋىپ ءوسىپ، اتاجۇرتىنا جەتكەن سوڭ بويىنداعى ەرەكشە ونەردىڭ، اكتريسالىق تۋما تالانتىنىڭ ارقاسىندا جارتى الەمدى جامباسىنا باسقان كسرو-نى كوكتەي ءوتىپ ماسكەۋ بارىپ، حالىق ءارتىسى اتانعان جان. اسىعىستىقتا ءشارىپوۆا مەن گرۋچەنكونىڭ قانشالىقتى قارىم-قاتىناستا بولعانىن بىلە الماي وتىرمىز، تەگىندە مادەنيەت پەن ونەردەگى حاس تالانتتاردىڭ ءبىر-بىرىنە ساۋلەسىن تۇسىرمەي ءومىر ءسۇرۋى مۇمكىن ەمەس. بۇگىن، مىنە، ەكى اسىل دا بەيداۋا كۇندەردى ارتقا قالدىرىپ باقيعا وزىپتى.

كينو الەمىندەگى قايتالانباس تۇلعالاردىڭ ءبىرى - ليۋدميلا گۋرچەنكو قايتىس بولدى. قازاق كورەرمەنىنە «ۆوكزالداعى ەكەۋ»  («ۆوكزال دليا دۆويح»), «ماحاببات پەن كەپتەرلەر» («ليۋبوۆ ي گولۋبي») ت.ب. فيلمدەر ارقىلى تانىمال بولعان ليۋدميلا ماركوۆانا تابيعاتى توقسان قۇبىلاتىن ايەل تابيعاتىن پاش ەتىپ كەتتى. سارىلا كۇتكەن ادامىن كەزدەيسوق كەزىكتىرىپ قالىپ، اسىق جارىنا ادالدىعىن ايگىلەيتىن ايەل دە، بىرەۋدىڭ ءيى جۇمساق كۇيەۋىن يەلەنە كەتۋدى بىلەتىن تىكباقاي، قالا بيكەشىنىڭ دە بولمىسى گۋرچەنكونىڭ «ءبىر باسىنان» تابىلىپ جاتتى. حاركوۆ (ۋكراينا) قالاسىنىڭ تۋماسى، كەشەگى كەڭەس وداعى كينوسىنىڭ اتى اڭىزعا اينالعان جارىق جۇلدىزى - ليۋدميلا گۋرچەنكو تاماشا رولدەرىمەن بىرگە جاعىمدى (ارينە، ءبارىن جاعىمدى دەي المايمىز!) ۇنىمەن دە جادىمىزدا قالعان ەكەن.  گۋرچەنكونىڭ جاعىمدى ءۇنى دەيتىن سەبەبىمىز - ايگىلى اكتريسانىڭ قازاقشا «سويلەگەن»  كەيىپكەرلەرىن كوبىنە  مارقۇم فاريدا ءشارىپوۆا دىبىستايتىن ەدى! فاريدا ءشارىپوۆا - شىعىس تۇركىستانداعى قالىڭ قازاقتىڭ ورتاسىندا تۋىپ ءوسىپ، اتاجۇرتىنا جەتكەن سوڭ بويىنداعى ەرەكشە ونەردىڭ، اكتريسالىق تۋما تالانتىنىڭ ارقاسىندا جارتى الەمدى جامباسىنا باسقان كسرو-نى كوكتەي ءوتىپ ماسكەۋ بارىپ، حالىق ءارتىسى اتانعان جان. اسىعىستىقتا ءشارىپوۆا مەن گرۋچەنكونىڭ قانشالىقتى قارىم-قاتىناستا بولعانىن بىلە الماي وتىرمىز، تەگىندە مادەنيەت پەن ونەردەگى حاس تالانتتاردىڭ ءبىر-بىرىنە ساۋلەسىن تۇسىرمەي ءومىر ءسۇرۋى مۇمكىن ەمەس. بۇگىن، مىنە، ەكى اسىل دا بەيداۋا كۇندەردى ارتقا قالدىرىپ باقيعا وزىپتى. ءبىرى وتارلاۋشى، ءبىرى وتارلانۋشى ەكى ەلدىڭ اراسىنداعى ەگەس پەن ەسەدەن ءباسى بيىك ونەر، ونەردەگى ونەگە، ونەردەگى تۋىستىق ولەمەسە ەكەن دەپ تىلەيمىز.

ليۋدميلا گۋرچەنكو 1935 جىلدىڭ 12 قاراشاسىندا حاركوۆ قالاسىندا دۇنيەگە كەلگەن. ونەردەگى عۇمىرىندا 80-نەن استام فيلمگە ءتۇسىپتى. ول «مايدانسىز 20 كۇن» («20 دنەي بەز ۆوينى»), («پيات ۆەچەروۆ»), «مەحانيك گاۆريلوۆتىڭ سۇيىكتى ايەلى» («ليۋبيمايا جەنششينا مەحانيكا گاۆريلوۆا») (1982),  «ۆوكزالداعى ەكەۋ» («ۆوكزال دليا دۆويح») (1983), «ماحاببات جانە كەپتەرلەر» («ليۋبوۆ ي گولۋبي») (1984).    «ايەل باقىتى» («جەنسكوە سچاستە») (2001),  «ساۋىق كەشى-2, نەمەسە 50 جىل وتكەن سوڭ» («كارناۆالنايا نوچ-2, يلي پياتدەسيات لەت سپۋستيا») (2006) اتتى فيلمدەردە وينادى. تەاتردان قول ۇزگەن جوق. 70-تەن اسقان جاسىندا ورىس اندەرىندەگى بەينەبايانداردان دا كورىنىپ ءجۇردى.

توعىز جولدىڭ تورابىنداعى «داياشى كەلىنشەك» («ۆوكزالداعى ەكەۋ». گۋرچەنكو) قاپىلىستا جولىققان عاشىعىن ىزدەپ «ماحاببات بەكەتىنەن» ماڭگىلىككە اتتاندى.

«اباي-اقپارات»