الماتى. 2 ءساۋىر. قازاقپارات /ەرلىك ەرجانۇلى/ - الماتىدا 8 ءساۋىر كۇنى «قۇرمانعازى مۇرالارى» دەپ اتالاتىن كونتسەرت وتەدى. ول تاۋەلسىزدىكتىڭ 20 جىلدىعىنا ارنالىپ وتىر.

وعان قازاقستاننىڭ حالىق ءارتىسى تۇياقبەردى ءشامىلوۆ كوركەمدىك جەتەكشىلىك ەتەتىن قازاق مەملەكەتتىك اكادەميالىق قۇرمانعازى اتىنداعى وركەستر قاتىسادى. باس ديريجەرى - قازاقستاننىڭ ەڭبەك سىڭىرگەن ءارتىسى جالعاسبەك بەگەندىكوۆ. جەكە ورىنداۋشىلار اراسىندا  انشىلەردەن قازاقستانىڭ ەڭبەك سىڭىرگەن قايراتكەرى ايگۇل قوسانوۆا، حالىقارالىق كونكۋرستاردىڭ لاۋرەاتى دالەل ۋاشەۆ، دومبىراشىلاردان مەملەكەتتىك «دارىن» جاستار سىيلىعىنىڭ لاۋرەاتى باۋىرجان مىقتىباەۆ، قۇرمانعازى اتىنداعى كونكۋرستىڭ باس جۇلدەگەرى ارمان جۇدەباەۆ جانە رەسپۋبليكالىق بايقاۋلاردىڭ لاۋرەاتتارى ءسابيرا بيباتىروۆا مەن رۋسلان بايمۇحاتوۆ بار. كونتسەرتتى مادەنيەت قايراتكەرى تۇراربەك حايراليەۆ جۇرگىزبەك.

الماتى. 2 ءساۋىر. قازاقپارات /ەرلىك ەرجانۇلى/ - الماتىدا 8 ءساۋىر كۇنى «قۇرمانعازى مۇرالارى» دەپ اتالاتىن كونتسەرت وتەدى. ول تاۋەلسىزدىكتىڭ 20 جىلدىعىنا ارنالىپ وتىر.

وعان قازاقستاننىڭ حالىق ءارتىسى تۇياقبەردى ءشامىلوۆ كوركەمدىك جەتەكشىلىك ەتەتىن قازاق مەملەكەتتىك اكادەميالىق قۇرمانعازى اتىنداعى وركەستر قاتىسادى. باس ديريجەرى - قازاقستاننىڭ ەڭبەك سىڭىرگەن ءارتىسى جالعاسبەك بەگەندىكوۆ. جەكە ورىنداۋشىلار اراسىندا  انشىلەردەن قازاقستانىڭ ەڭبەك سىڭىرگەن قايراتكەرى ايگۇل قوسانوۆا، حالىقارالىق كونكۋرستاردىڭ لاۋرەاتى دالەل ۋاشەۆ، دومبىراشىلاردان مەملەكەتتىك «دارىن» جاستار سىيلىعىنىڭ لاۋرەاتى باۋىرجان مىقتىباەۆ، قۇرمانعازى اتىنداعى كونكۋرستىڭ باس جۇلدەگەرى ارمان جۇدەباەۆ جانە رەسپۋبليكالىق بايقاۋلاردىڭ لاۋرەاتتارى ءسابيرا بيباتىروۆا مەن رۋسلان بايمۇحاتوۆ بار. كونتسەرتتى مادەنيەت قايراتكەرى تۇراربەك حايراليەۆ جۇرگىزبەك.

قازاقتىڭ ۇلى كۇيشى-كومپوزيتورى قۇرمانعازى ساعىربايۇلى 1823  جىلى قازىرگى  باتىس قازاقستان وبلىسىنىڭ جاڭاقالا اۋدانىنا قاراستى جيدەلى دەگەن جەردە دۇنيەگە كەلىپ،  1896 جىلى  استراحان (رەسەي) وبلىسىنداعى  «قۇرمانعازى توبە» دەپ اتالاتىن جەردە كوز جۇمعان.  قۇرمانعازى  داۋلەسكەر كۇيشى سوقىر ەسجاننىڭ الدىن كورىپ، داۋلەتكەرەي سياقتى جايساڭ كۇيشىمەن سىرلاس بولىپ، شەركەش، بايجۇما، بالامايسان سياقتى كۇيشىلەردىڭ ونەرىنەن ونەگە الدى. ول ءوزىنىڭ قايتالانباس ونەرىمەن عانا ەمەس، ومىرىمەن دە تۋعان حالقىنىڭ بۇكىل قاسيەتىنە، سول ءبىر الماعايىپ الاساپىران كەزەڭنىڭ حال-كۇيىنە ەڭجارقىن ايعاق بولا ءبىلدى.  ونىڭ «تۇرمەدەن قاشقان»، «كىسەن اشقان»، «ەرتەڭ كەتەم»، «بوزقاڭعىر»، «پابەسكى»، «تەرەزەدەن-ەسىكتەن»، «بوزشولاق»، «بۇقتىم-بۇقتىم»، «نە كريچي، نە شۋمي»، «اربا سوققان»، «امان بول، شەشەم، امان بول» سياقتى كۇيلەرى زامانا باسقا سالعان زوبالاڭنىڭ ءبىر-ءبىر بەكەتى سياقتى. ال «قىزىل قايىڭ»، «اقجەلەڭ»، «اداي»، «سارىارقا»، «بالبىراۋىن»، «سەرپەر»، «نازىم»، «بالقايماق»، «بۇلبۇلدىڭ قۇرعىرى»، «اقساق كيىك»، «تورەمۇرات»، «قۋانىش» سياقتى كۇيلەرى  تىرشىلىكتىڭ نۇرلى ساتتەرىنە  ارنالعان.