نۇرا ماتاي. بۇگىن بەگزادا بەكزات تۋعان كۇن
«بەكزاتتى رينگكە شىعارىپ سالىپ، كۇتىپ الدىم. ماڭدايىنىڭ تەرىن ءسۇرتىپ، اقىل كەڭەسىمدى اياعان جوقپىن. وليمپ بيىگىن باعىندىرعان بويدا قۇشاعىما العان دا ءوزىم. بەگزادا بەكزاتتىڭ ماڭدايىمىزعا سىيماي كەتكەنى ورنى تولماس وكىنىش». تۇرسىنعالي ەدىلوۆ سەيىلحاننىڭ كەنجەسى حاقىندا ءدال وسىلاي تولعاندى.
«بەكزات حح عاسىردا دۇنيەگە كەلدى، جيىرما جاسىندا وليمپيادا چەمپيونى اتاندى. جيىرما جىل عۇمىر كەشتى، جاڭا عاسىرعا جيىرما مينۋت قالعاندا باقيلىق بولدى. تاۋەلسىزدىك كوتەرە الماعان رۋحتى بەكزاتتىڭ جەڭىسى كوتەردى». باقي بولعان بالا بەكزاتىن جوقتاعان اكەنىڭ ءسوزى.
«بەكزات ءوز ميسسياسىن اتقارىپ كەتتى. اللا وعان جيىرما جىل عۇمىر بەردى. ميسسياسىن تولىق اتقارۋ ءۇشىن سول جيىرما جىل جەتكىلىكتى ەدى». بەكزاتپەن جۇزدەسىپ، ارقا-جارقا اڭگىمە قۇرىپ ۇلگەرگەن ەسەي جەڭىسۇلى وسىلاي دەيدى.
«بالا كەزىمدە بەكزات اعاعا قىزىعا قارايتىنمىن. ول وليمپيادا چەمپيونى بولعان كەزدە بوكسقا ىنتام ارتا تۇسكەنىن جاسىرمايمىن. وكىنىشتىسى، بەكزات اعامەن كەزدەسە المادىم، تەك ءبىر باسقوسۋدان سىرتىنان كورگەنىم بولماسا...» وليمپ بيىگىنە ءالى ۇمتىلىپ كەلە جاتقان دارىندى بوكسشى ءبىرجان جاقىپوۆتىڭ اۋزىنان ەستىدىم.
فينالدا ىرىمداپ جەيدەسىن دە كيگىزىپ جىبەرگەن ەرماحان باتىر ءىنىسىنىڭ قازاسىندا: «ءبىز قازاق سپورتىنىڭ اڭىز ادامىن جوعالتىپ الدىق» دەپ كۇڭىرەندى.
«بەكزاتتى رينگكە شىعارىپ سالىپ، كۇتىپ الدىم. ماڭدايىنىڭ تەرىن ءسۇرتىپ، اقىل كەڭەسىمدى اياعان جوقپىن. وليمپ بيىگىن باعىندىرعان بويدا قۇشاعىما العان دا ءوزىم. بەگزادا بەكزاتتىڭ ماڭدايىمىزعا سىيماي كەتكەنى ورنى تولماس وكىنىش». تۇرسىنعالي ەدىلوۆ سەيىلحاننىڭ كەنجەسى حاقىندا ءدال وسىلاي تولعاندى.
«بەكزات حح عاسىردا دۇنيەگە كەلدى، جيىرما جاسىندا وليمپيادا چەمپيونى اتاندى. جيىرما جىل عۇمىر كەشتى، جاڭا عاسىرعا جيىرما مينۋت قالعاندا باقيلىق بولدى. تاۋەلسىزدىك كوتەرە الماعان رۋحتى بەكزاتتىڭ جەڭىسى كوتەردى». باقي بولعان بالا بەكزاتىن جوقتاعان اكەنىڭ ءسوزى.
«بەكزات ءوز ميسسياسىن اتقارىپ كەتتى. اللا وعان جيىرما جىل عۇمىر بەردى. ميسسياسىن تولىق اتقارۋ ءۇشىن سول جيىرما جىل جەتكىلىكتى ەدى». بەكزاتپەن جۇزدەسىپ، ارقا-جارقا اڭگىمە قۇرىپ ۇلگەرگەن ەسەي جەڭىسۇلى وسىلاي دەيدى.
«بالا كەزىمدە بەكزات اعاعا قىزىعا قارايتىنمىن. ول وليمپيادا چەمپيونى بولعان كەزدە بوكسقا ىنتام ارتا تۇسكەنىن جاسىرمايمىن. وكىنىشتىسى، بەكزات اعامەن كەزدەسە المادىم، تەك ءبىر باسقوسۋدان سىرتىنان كورگەنىم بولماسا...» وليمپ بيىگىنە ءالى ۇمتىلىپ كەلە جاتقان دارىندى بوكسشى ءبىرجان جاقىپوۆتىڭ اۋزىنان ەستىدىم.
فينالدا ىرىمداپ جەيدەسىن دە كيگىزىپ جىبەرگەن ەرماحان باتىر ءىنىسىنىڭ قازاسىندا: «ءبىز قازاق سپورتىنىڭ اڭىز ادامىن جوعالتىپ الدىق» دەپ كۇڭىرەندى.
سيدنەي شارشى الاڭىنىڭ شاڭىن شىعارعان باتىر بەكزاتتىڭ بۇگىن تۋعان كۇنى. ءتىرى بولسا 31 جاسقا تولار ەدى. ءتىرى بولسا، وليمپيادانىڭ ءۇش دۇركىن چەمپيونىن شىعاردىق دەپ ماقتانار ما ەدىك؟! ءتىرى بولسا، تالاپتى ىنىلەرىنىڭ توماعاسىن سىپىرىپ، قازاق بوكسىنىڭ تورىندە وتىرار ما ەدى؟! ەگەر، ءتىرى بولسا...
«ءتىرى بولسا...» دەپ قۋ شوپپەن اۋىز سۇرتكەن دە ابزال ەمەس-اۋ. بەگزادا بەكزات كوزدەن كەتكەسىن كوڭىلدەن دە كەتىپ بارا جاتقانداي. ونى تەك تۋعان كۇنىندە ەسكە الىپ قويۋىمىز سوعان دالەل. جيىرما جاسىندا توزبايتىن اتاقتى جەڭىپ الىپ، سول جاسىندا ماڭگىلىككە ساپار شەككەن بەكزاتتى ماڭگى ەستە ساقتاۋ ەل پارىزى ەكەنىن ۇمىتپاساق ەكەن. بىزدىڭشە، بەكزاتقا ارناپ سپورت سارايىن تۇرعىزىپ، باتىر ۇلدىڭ اتىنداعى ءتۋرنيردى وتكىزۋ از. جىل سايىن وتەتىن بوكستان قازاقستان بىرىنشىلىگىندەگى ۇزدىك بوكسشىعا بەكزات ساتتارحانوۆ اتىنداعى سىيلىقتى تاعايىندايتىن ۋاقىت باياعىدا جەتكەن. مەكتەپ وقۋلىقتارىنا بەكزات تۋرالى مالىمەتتەر ەنگىزۋ دە كۇن تارتىبىندە باياعىدا تۇرۋ كەرەك ەدى. بەكزات اتىنداعى ءتۋرنيردىڭ مارتەبەسىن كوتەرۋ دە قولدان كەلەتىن ءىس قوي. ايتپەسە، اردا تۋعان بەكزاتىن قۇشاعى قاتتى حالقى ۇمىتىپ كەتۋدىڭ الدىندا تۇر...
www.masa.kz ينتەرنەت گازەتى
