جارتىلاي اۋىر سالماقتا ونەر كورسەتەتىن قازاقستاندىق بوكسشى الي احمەدوۆ (12-0, 9KO) كەزەكتى جەكپە-جەگىن اقش-تىڭ كوستا-مەسا قالاسىندا (كاليفورنيا شتاتى) وتكىزدى.

23 جاستاعى بوكسشى بۇل جولى مەكسيكالىق حاۆەر گومەسپەن (17-14, 11كو) جۇدىرىق ءتۇيىستىردى. جەكپە-جەك سەگىز راۋندقا جوسپارلانعان بولاتىن. الايدا، العاشقى راۋندتا-اق كەزدەسۋ تاعدىرى شەشىلدى. احمەدوۆتىڭ بۇيىردەن جاساعان اۋىر سوقىسىنان كەيىن 27 جاستاعى مەكسيكالىق جەڭىلىسىن مويىندادى.

وسىلايشا، جەڭىلىپ كورمەگەن الي احمەدوۆ WBC-ءدىڭ تيتۋلدار جۇيەسىنە كىرەتىن NABF (سولتۇستىك امەريكانىڭ بوكس فەدەراتسياسى) Junior چەمپيوندىق بەلدىگىن جەڭىپ الدى.

ەستەرىڭىزگە سالا كەتەيىك، وتانداسىمىز وسىنىڭ الدىنداعى جەكپە-جەگىندە امەريكالىق حورحە ەسكالانتە جەڭگەن بولاتىن. لوس-اندجەلەستە وتكەن كەزدەسۋدىڭ ءتورتىنشى راۋندىندا احمەتوۆ نوكاۋتپەن جەڭىسكە جەتكەن ەدى.

Abai.kz