جۇما, 29 ناۋرىز 2024
كۇبىرتكە 5904 7 پىكىر 26 قازان, 2018 ساعات 14:27

تىلدەردى دامىتۋ باسقارمالارى اي قاراپ وتىر ما؟

“كۋيىلمالى سۋسىندار دۋكەنى” تيميريازوۆ پەن روزىباكيەۆ كوشەلەرىنىڭ قيىلىسىنداعى سۋسىندار دۇكەنىنىڭ ساۋاتسىز جازباسى الەۋمەتتىك جەلىدە ءبىراز تالقىلاندى. مۇنى جۋرناليست جازيرا بەگالى بايقاپ قالىپ، الەۋمەتتىك جەلىگە جاريالاعان. 

جالپى، كوشەدەگى ساۋاتسىز جارنامالار مەن جازبالاردىڭ كوپتىگىنەن ولارعا نازار اۋدارمايتىن دا بولعانبىز. ماسەلەن، الماتىدا “Saebiz” اتتى رەستوران بار. بۇل رەستوراننىڭ اتى - ءبىز تالقىعا سالىپ، ارتىنشا مازاققا اينالىپ كەتكەن لاتىن ءالىپبيىنىڭ العاشقى نۇسقاسىنداعى بەيادەپ سوزبەن تىكەلەي بايلانىستى ەكەنىن ەلدىڭ ءبارى بىلەدى. الايدا، رەستوراننىڭ الماتىداعى ديرەكتورى ەدگار داۆتيان مۇنى “ترەند” دەپ ويلايدى ەكەن.

بۇدان بولەك “مەنى قايناتۋعا كەرەگى جوق”، (مەنيا نە نۋجنو كيپياتيت) نەمەسە “ۇيىقتاسىن داممەن مۇمكىن” (سپات موجنو سو ۆكۋسوم), “سالماققا كيىم” (ودەجدا نا ۆەس) ت.ب  تىكەلەي اۋدارىلعان جارنامالار دا ءتىلىمىزدى اشىقتان-اشىق مازاقتاپ وتىر. ال، زاڭدا “جارناما مازمۇنىنىڭ اۋدارماسى ونىڭ نەگiزگi ماعىناسىن بۇرمالاماۋعا تيiس” دەپ جازىلعان. ەڭ بولماسا، ساۋاتسىزدار وسى باپ بويىنشا تەكسەرىلىپ، جازالانۋى كەرەك ەدى. بىراق، بۇل باسسىزدىقتى ىسقىرىعى جەر جاراتىن ءتىل كوميتەتتەرى مەن تىلدەردى دامىتۋعا ءتيىس باسقارمالار دا تىيا الماي وتىر.

قورىتا ايتقاندا، ساۋاتسىز جارناما نە ءۇشىن ىلىنەدى؟ قازاق تىلىنە نەمقۇرايلى قاراعاننان با، الدە سول جارنامانى ىلگەندەردىڭ شىنىمەن ساۋاتى جوق پا؟ ەگەر ولاي بولسا، بارلىعىمىز قازاق تىلىنە دەڭگەيى جەتپەيتىن سول ساۋاتسىزدارعا كومەكتەسەيىك. جۇرگەن جەرىمىزدەگى قاتە جازۋلاردى تۇزەۋگە، تۇزەپ بەرۋگە تىرىسايىق.

نۇربيكە بەكسۇلتانقىزى

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553