جۇما, 29 ناۋرىز 2024
ساڭلاق 4303 7 پىكىر 12 قاراشا, 2018 ساعات 17:38

قاقاعان سۋىقتا وقۋشىلاردى "توبىلعا" جانكۇيەر ەتۋ كىمنىڭ يدەياسى؟

وقۋشىلار قىزىقتاعان ويىن وسى

ءبىزدىڭ قوستانايدىڭ «توبول» فۋتبول كومانداسىنىڭ (قوستانايلىقتار «توبىل» دەگەگە ءتىلى كەلمەي، ءوز كومانداسىن وسىلاي اتايدى) ويىنىن ءتۇسىنۋ قيىن. بىردە كيىز، بىردە ءميىز بولىپ جاتادى. ءبىر قىزىعى، ولار مىقتى كوماندانى جەڭەدى دە، السىزدەرىنەن ۇتىلىپ قالادى. وسىنداي شالا ويىندارىنان مەزى بولدى ما، كىم ءبىلسىن، كەيىنگى كەزدەرى ونىڭ ويىندارىن تاماشالاۋعا جينالاتىن ادامداردىڭ سانى مۇلدەم ازايىپ كەتتى. ەندى وسى ويسىراعان دۇنيەنى قالپىنا كەلتىرۋ ءۇشىن شەنەۋنىكتەردىڭ ءتۇن ۇيقىسى ءتورت ءبولىنىپ، الدەن باسى قاتتى.

اقىرى، قوستاناي قالالىق ءبىلىم ءبولىمى «تاماشا ءادىس» ويلاپ تاپتى. ونىسى قالامىزداعى مەكتەپ وقۋشىلارى مەن بيۋدجەتكە قاراپ وتىرعان قىزمەتكەرىمەن ستاديوندى تولتىرۋ. «توبولدىڭ» كۇنى كەشە عانا وتكەن «قىزىلجار» كومانداسىنىڭ ويىنىندا كۇن قاتتى سۋىق بولسا دا مەكتەپ وقۋشىلارىن دىردەكتەتىپ ستاديونعا جينادى. مىنە، قوستاناي قالالىق ءبىلىم ءبولىمىنىڭ قالا مەكتەپتەرىنىڭ اتىنا وقۋشىلاردى مىندەتتى تۇردە ستاديونعا اكەلۋى جونىندە «اسا پارمەندى» حات جىبەرگەندەگى ماقساتى وىرندالدى. وسىناۋ قاھارلى بۇيرىق بويىنشا «توبولدىڭ» بۇل ويىنىنا 2 مىڭ ادام، ياعني 160 قىزمەتكەر مەن 1240 وقۋشى جينالۋى قاجەت. اتالمىش ءبىلىم ءبولىمىنىڭ باستىعى ۆ.تسىمباليۋكتىڭ ءوزى قول قويعان نۇسقاۋدى ورىنداماۋعا مۇعالىمدەردىڭ قايدان باتىلى جەتەدى، كورسەتىلگەن وقۋشىلاردى تەز ارادا جيناپ، ستاديونعا ءيىرىپ اكەلدى. ءسويتىپ «قۇدا دا تىنىش، قۇداعي دا تىنىش» ستاديون «جالعان» جانكۇيەرلەرگە لىق تولىپ، شەنەۋنىكتەردىڭ «اماناتى» اسىرا ورىندالدى.

قوستاناي قالالىق ءبىلىم ءبولىمىنىڭ ءۇشبۋ حاتى

وقۋشىلاردى وسىلاي جينادى

  

ءبىزدىڭ ءبىر الاڭدايتىنىمىز، «سىنىقتان باسقاسىنىڭ ءبارى جۇققىش كەلەدى» دەگەندەي قوستانايلىق شەنەۋنىكتەردىڭ «وسى باستاماسى» ەلىمىزدىڭ وزگە وڭىرلەرىنە تارالىپ كەتىپ، «بۇكىلحالىقتىق» سيپات الىپ كەتپەسە بولعانى. «قىزىق ويىن» سوندا بولار.

جايبەرگەن بولاتوۆ، قوستاناي

Abai.kz

    

    

 

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563