قازاقتىڭ تاعدىرى قالامنىڭ ۇشىندا. قاي زاماندا دا. قالامعا بەرگەن سەرتتەن سىنىق سۇيەم تايماعاندار قارا ورمان قازاقتىڭ قاراشا تالايىنا اراشا ءتۇسىپ، الاشتىڭ مۇڭىن التىن باسىنان ارتىق كورگەندىكتەن دە اردا عۇمىر كەشىپتى. اقجال تولقىن اتقان زاماننىڭ اعىسىمەن سىرعاناماي، «جارتى جاڭقاسى قالعانشا» الاشقا قىزمەت ەتكەن، ءسوزى ءمىردىڭ وعىنداي مىرجاقىپتاردىڭ  قالامى دا قولىنان سۋسىپ تۇسكەنشە قازاقتىڭ ءسوزىن سويلەپ ءوتتى. سەرتى سەتىنەمەدى. قازاق ويى قالاممەن سەرتتەسكەن اباي زامانىنان بەرى انتقا ادالدىعىنان اينىماي، تۇلەيدى تۇندە تىنتكەن جولبارىستاي،  قىلشا شاتقال، تار كەزەڭگە تاپ بولسا دا تاباندىلىعىنان تايماعان،  سەرتتى قالامعا عۇمىرىن بايلاعان ازاماتتار بار. سەرت يەسى - سەرعازى مۇحتاربەك (سۋرەتتە).

دۇنيە - كوكشە مۇز.  «بوقتىڭ قابىن كوتەرگەن» بوزىمبايلار  «ءومىر ءسۇرۋ كەرەك» دەگەن ۇرانمەن  دۇنيە-مۇزدىڭ ۇستىندە  شاتتان كەتىپ شاتقاياقتاپ  جۇر. بىراق،  ىرعاسقان، ارباسقان، تايتالاسقان، ۇرەيلەندىرگەن جىلدار ءبىزدىڭ سەراعامىزدى سەرتىنەن سىرعىتا المادى. وسى ءبىر سەرتتەي بولمىسى سەرعازى مىرزانى قالام ۇستاعاندار ىشىندە قۇرمەتىن اسىرىپ، باس يدىرگەنىنە ات توبەلىندەي اق تىلەۋلى القالى ورتا كۋا.

قازاقتىڭ تاعدىرى قالامنىڭ ۇشىندا. قاي زاماندا دا. قالامعا بەرگەن سەرتتەن سىنىق سۇيەم تايماعاندار قارا ورمان قازاقتىڭ قاراشا تالايىنا اراشا ءتۇسىپ، الاشتىڭ مۇڭىن التىن باسىنان ارتىق كورگەندىكتەن دە اردا عۇمىر كەشىپتى. اقجال تولقىن اتقان زاماننىڭ اعىسىمەن سىرعاناماي، «جارتى جاڭقاسى قالعانشا» الاشقا قىزمەت ەتكەن، ءسوزى ءمىردىڭ وعىنداي مىرجاقىپتاردىڭ  قالامى دا قولىنان سۋسىپ تۇسكەنشە قازاقتىڭ ءسوزىن سويلەپ ءوتتى. سەرتى سەتىنەمەدى. قازاق ويى قالاممەن سەرتتەسكەن اباي زامانىنان بەرى انتقا ادالدىعىنان اينىماي، تۇلەيدى تۇندە تىنتكەن جولبارىستاي،  قىلشا شاتقال، تار كەزەڭگە تاپ بولسا دا تاباندىلىعىنان تايماعان،  سەرتتى قالامعا عۇمىرىن بايلاعان ازاماتتار بار. سەرت يەسى - سەرعازى مۇحتاربەك (سۋرەتتە).

دۇنيە - كوكشە مۇز.  «بوقتىڭ قابىن كوتەرگەن» بوزىمبايلار  «ءومىر ءسۇرۋ كەرەك» دەگەن ۇرانمەن  دۇنيە-مۇزدىڭ ۇستىندە  شاتتان كەتىپ شاتقاياقتاپ  جۇر. بىراق،  ىرعاسقان، ارباسقان، تايتالاسقان، ۇرەيلەندىرگەن جىلدار ءبىزدىڭ سەراعامىزدى سەرتىنەن سىرعىتا المادى. وسى ءبىر سەرتتەي بولمىسى سەرعازى مىرزانى قالام ۇستاعاندار ىشىندە قۇرمەتىن اسىرىپ، باس يدىرگەنىنە ات توبەلىندەي اق تىلەۋلى القالى ورتا كۋا.

اينالاسىنا ايشۋاقتى ادامدىعى مەن ءىرى قالىپتاعى ازاماتتىعىمەن اسا زور  مارتەبەگە لايىق دەگدار  سەراعاڭ ەردىڭ جاسى ەلۋمەن ءتوس قاعىستىرىپتى. ەلۋگە اكەلگەن قارا جولدىڭ ءار جەرىندە تۇيىنشەكتى سىرلار مەن تۇيىلگەن ويلار جاتىر. ەڭ باستىسى - سەراعاڭ وتكەنىنە تۋرا قارايدى. دەمەك، بولاشاقتىڭ الدىندا ءجۇزى جارقىن.

ەلۋگە ەلۋ قوسۋ ءبىزدىڭ قۇزىرىمىزدا بولسا، اياماس ەدىك. دەسەك تە، ءتاڭىرى قالامعا سەرتكە ادال جاندى ەكى دۇنيەدە القايدى. ويتكەنى، ءسوز بەن قالامعا سەرت  - ءتاڭىرى انتىنىڭ جەرگە جەتكەن ساۋلەسى.

ءبىز، «اباي-اقپاراتتىق» پورتالىنىڭ ۇجىمى اسا اياۋلى سەراعاڭدى - رەسپۋبليكالىق قوعامدىق-ساياسي «قازاقستان» اپتالىعىنىڭ باس رەداكتورى سەرعازى مۇحتاربەك اعامىزدى،  ەلۋ جاسقا تولعان مەرەيلى تويىمەن  قۇتتىقتايمىز!  شاڭىراعىڭىز ۇلتتىڭ ىرگەتاسىنا اينالار اۋلەت بولسىن، جانىڭىزدىڭ تۇتاسى -  الاشىڭىز ءسىزدىڭ قالامىڭىزدان ۇشقان ءۇمىتتى زامانعا ۋھىلەمەي جەتسىن، ءدال وزىڭىزدەي ۋادەگە بەرىك اينىماس اقجۇرەك اينالاڭىز ورتايماسىن دەپ تىلەك ەتەمىز.

قۇرمەتپەن، «اbai.kz» اقپاراتتىق پورتالىنىڭ ۇجىمى