دۇيسەنبى, 23 قىركۇيەك 2019
46 - ءسوز 2260 10 پىكىر 18 قاڭتار, 2019 ساعات 12:33

تۋعان جەردىڭ اڭىن اش بولماي اتۋ - تۋعان جەرگە دەگەن قيانات

قازاقستاندا زاڭسىز اۋ سالىنباعان كول، بالىعى اۋلانباعان وزەن، ارحارى اتىلماعان تاۋ، كيىگى ءمۇيىزى قاعىلماعان دالا، تەرىسى سىپىرىلماعان اڭ قالمادى-اۋ. اقشا ءۇشىن، قۇلقىنىڭ قامى ءۇشىن تاۋ مەن تاستى ارالاپ قىرىپ جاتىر، قىرىپ جاتىر. بايى دا، كەدەيى دە اتىپ جاتىر، اتىپ جاتىر. بايلار قىزىق ءۇشىن، كەدەيلەر اقشا ءۇشىن وتان اناسىنىڭ تاعى پەرزەنتتەرىن اياۋسىز اۋلاۋدا.

بيىك مىنبەردەن تۋعان جەردى ءسۇيۋدى، وتاندى قۇرمەتتەۋدى ناسيحاتتايتىن كەي دوكەيلەر دەمالىس كۇنى قۇرالايدى اتىپ، قاسقىردى قىزىق ءۇشىن سوعىپ كەلەتىنى بار.
قۇدالارىنىڭ الدىندا تۋعان جەرىنىڭ تابيعاتىن ايتىپ ماقتاناتىن قاراپايىم قازاقتىڭ كەيبىرى، قىستا ۇيىقتاپ جاتقان بورسىقتى قازىپ الىپ، پانا ىزدەگەن ەلىكتى جىعىپ الاتىنى تاعى بار.
جانۋار تولدەيتىن كەزەڭدە مىلتىق اتىپ، قۇس بالاپان باسار ساتتە تۇزاق قۇرىپ، بالىق ۋىلدىرىق شاشار ساتتە اۋ سالاتىن قاسكويلەر جەتەرلىك.

نەگە؟ ويتكەنى ءبىزدى زاڭ سولقىلداق. تۋعان جەردىڭ اڭىن اش بولماي اتۋ - تۋعان جەرگە دەگەن قيانات. وندايلاردى قاتاڭ زاڭمەن جازالاۋ كەرەك. وزەننەن ەكى شاباق ۇستاعاندى سوتتاپ، تەڭىزدەن توننالاپ بەكىرە العاندى جىبەرە سالۋ توقتاماي، قورىقشىلاردى ءولتىرۋ دە توقتاماق ەمەس.

اسحات قاسەنعاليدىڭ facebook پاراقشاسىنان

Abai.kz

10 پىكىر