بەيسەنبى, 28 ناۋرىز 2024
3277 1 پىكىر 23 اقپان, 2019 ساعات 13:14

ءاسانالى ءاشىموۆ ءوزى وقىعان ءبىلىم ورداسىندا قوناق بولدى

قازاق ونەرىنىڭ ابىزى ءاسانالى ءاشىموۆ ءوزى وقىعان 75 جىلدىق تاريحى بار  قۇرمانعازى اتىنداعى قازاق ۇلتتىق كونسەرۆاتورياسىندا قوناقتا بولدى.

ەلباسىمىز جاريالاعان بيىلعى «جاستار جىلى» اياسىندا ەلىمىزدە كوپتەگەن جوبالار قولعا الىنىپ، ءارتۇرلى مادەني-تانىمدىق ءىس-شارالار ۇيىمداستىرىلىپ جاتقانى بارشاعا ايان. وسىنداي جوبالاردىڭ ءبىرى رەتىندە، كسرو حالىق ءارتيسى، قازاقستان رەسپۋبليكاسىنىڭ حالىق ءارتيسى، قازاقستاننىڭ ەڭبەك ەرى، قازاقستان تەاترلار اسسوتسياتسياسىنىڭ پرەزيدەنتى، مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى، ۇستاز ءاسانالى ءاشىموۆتىڭ شاكىرتتەرىنەن قۇرالعان «جاڭا عاسىر» تەاترى. كونسەرۆاتوريا ساحناسىندا ابىز اقساقالدىڭ شاكىرتتەرى  «سوڭعى قوڭىراۋ» اتتى پوەتيكالىق دراماسىن كونسەرۆاتوريانىڭ ۇلكەن كونتسەرت زالىندا جينالعان كوپشىلىككە ۇسىندى.

قويىلىم شىمىلدىعىن اشقان كونسەرۆاتوريا رەكتورى ارمان جۇدەباە تەاتر ۇجىمىنا شىعارماشىلىق تابىستار تىلەپ ريزاشىلىعىن ءبىلدىردى

ايتا كەتەيىك، ءاسانالى ءاشىموۆ 1956 – 1961 جىلدار ارالىعىندا قۇرمانعازى اتىنداعى قازاق ۇلتتىق كونسەرۆاتورياسىنىڭ تەاتر فاكۋلتەتىنىڭ اكتەر ماماندىعى بويىنشا ءبىلىم العان. كەزدەسۋ بارىسىندا قازاق كينو جانە تەاتر ونەرىنىڭ مەترى ستۋدەنتتىك شاعىن ەسىنە الىپ، كونسەرۆاتوريا ۇجىمىنىڭ جۇمىسىنا ساتتىلىك تىلەدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512