جۇما, 29 ناۋرىز 2024
6259 0 پىكىر 28 اقپان, 2019 ساعات 12:49

«شىن جۇرەكتەن العىس ايتامىن» اتتى ونەرلى بالالاردىڭ مەرەكەلىك كونتسەرتى وتەدى

2019 جىلعى 1 ناۋرىز كۇنى ساعات 11.00-دە قر ۇلتتىق مۋزەيىندە «العىس ايتۋ» كۇنىنە وراي «شىن جۇرەكتەن العىس ايتامىن» اتتى ونەرلى بالالاردىڭ مەرەكەلىك كونتسەرتى وتەدى.

قازاق حالقى الماعايىپ زاماندى باسىنان كوپ وتكەردى. سوعان قاراماستان قازاقستان شىن مانىندە ۇلى جۇتتان باستالعان زوبالاڭنان باستاپ، ودان كەيىنگى ۇلى وتان سوعىسى سۇراپىلىندا تۋعان جەرلەرىنەن ۇدەرە كوشكەن سان-مىڭ ۇلىسقا ورتاق شاڭىراق بولدى. ولار وسى جەردە وزدەرىنە جايلى ورتا تاپتى، جانۇيالى بولدى، ءوسىپ-ءوندى. قازاق ەلىندە ءومىر ءسۇرىپ جاتقان كەز-كەلگەن ۇلت قازاقتى ءوز باۋىرىنداي كورەدى. سوندىقتان، وزگە ۇلت وكىلدەرىنىڭ دارحان كوڭىل، باۋىرماشىل قازاق حالقىنا العىس ايتۋى قاي جاعىنان السا دا، ورىندى بولماق. «ءدىنى  باسقا، ءتىلى باسقا، تىلەگى  ءبىر» ءبىر  شاڭىراق  استىندا جينالعان  ۇلت  پەن ۇلىس  وكىلدەرىنىڭ  ىنتىماعى – ىرىسى، بايلىعى بەرەكەسى بولىپ،تاتۋلىعى جاراسقان بىزدىڭ ەلدە ءومىر ءسۇرىپ جاتقانى  جۇرەكتەرگە سەنىم، كوڭىلدەرگە قۋانىش  ۇيالاتادى.

ءوزارا تۇسىنىستىك پەن مەيرىمدىلىك، سىيلاستىقتىڭ ارقاسىندا بۇگىندە ەلىمىزدە 140 ۇلت پەن ۇلىستىڭ وكىلدەرى ءبىر تۋدىڭ استىندا تاتۋ-ءتاتتى عۇمىر كەشىپ جاتىر. ىنتىماعى جاراسقان كوپ حالىقتىڭ بىرلىگىن ناسيحاتتاپ، كەلەر ۇرپاققا ۇلگى، ونەگە ەتۋ ءار ازاماتقا پارىز بولماق.

اتالعان شاراعا قالا مەكتەپتەرىنىڭ ونەرلى وقۋشىلارى مەن استانا قالاسى وزگە ۇلت وكىلدەرى ۇلتتىق مادەني ورتالىقتارى قاتىسادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610